,
“ევროპულმა საქართველომ” ბათუმში მაჟორიტარობის კანდიდატად „ქართული ოცნების“ პოლიტსაბჭოს ყოფილი წევრი, არმაზ ახვლედიანი დღეს, 20 სექტემბერს დაასახელა.
ახვლედიანის თქმით, მისთვის 2020 წლის საპარლამენტო არჩევნებში “ყველაზე მისაღები და ოპტიმალური გადაწყვეტილება” “ევროპულ საქართველოს” გუნდთან ერთად მონაწილეობაა. ახვლედიანის განმარტებით, “ევროპულმა საქართველომ” ყველაზე კარგად გაიაზრა წარსულის შეცდომები და იცის რა არის სამართლიანი მმართველობა.
“ბათუმელები, რომელთაც უბრალოს მობეზრდათ ამდენი გაუთავებელი ექსპერიმენტი ასლან აბაშიძის დროიდან მოყოლებული, მობეზრდათ შიშში, გაურკვევლობასა და გაუცხოვებაში, კორუფციულ ჭაობში და გარიყულ საზოგადოებაში ცხოვრება, გააკეთებენ არჩევანს და ეს იქნება ევროპული, დასავლური, არარუსული გუნდი, ევროპული საქართველო, რომელსაც აქვს კონკრეტული ხედვა, თუ როგორ უნდა მოუტანოს როგორც ამ ქალაქს, ისე მთლიან საქართველოს გარდამტეხი ცვლილებები.“ -განაცხადა არმაზ ახვლედიანმა.
არმაზ ახვლედიანმა “ქართული ოცნება” 2016 წლის მაისში დატოვა. ახვლედიანმა წამოსვლისას განაცხადა, რომ პარტიამ ყველა შესაძლებლობა ამოწურა იმისთვის, რომ დემოკრატიულ პოლიტიკურ ძალად გადაქცეულიყო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
