,
"ევროპის მწვანე ქალაქების” 2025 წლის დაჯილდოება უკვე ჩატარდა და მწვანე პროექტებისთვის მწვანე პროექტებისთვის €1 მილიონი ევროს საგრანტო დაფინანსებასაც მოუყარა თავი. European Green Cities Awards-ზე, რომელიც ვილნიუსში, ლიეტუვის ხელოვნების ეროვნულ მუზეუმში ჩატარდა, ევროპის მწვანე დედაქალაქად ჰაილბრონი - გერმანული ქალაქი დასახელდა.
შტუტგარტის რეგიონის ამ ქალაქმა რეიტინგის მოწინავე პოზიცია თავისი ცირკულარული ეკონომიკით, ჰაერის ხარისხით, წყლისა და ხმაურით დაბინძურების დაბალი დონისა და კლიმატის ცვლილებაზე ადაპტირებით დაიმსახურა.
განსაკუთრებული შეფასება ჰაილბრონმა ჰოლისტური ურბანული დაგეგმარებისთვის მიიღო, რომელიც ხმაურისა და ჰაერის ხარისხის მართვას აერთიანებს. ჟიურიმ ასევე შეაქო ქალაქის ამბიციური გეგმები 2035 წლისთვის, რაც ემისიების შემცირებას ისახავს მიზნად.
ჰაილბრონს €600 ათასი ევრო გადაეცემა, რაც მდგრადი განვითარების ინსტრუმენტების კიდევ უფრო ფართო დანერგვას მოხმარდება.
ამასთან, “მწვანე ფოთლის ჯილდო”, რომელიც იმ ქალაქებს აფასებს, რომელთა მოსახლეობაც 100 ათასზე ნაკლებია, ნიდერლანდების ქალაქ ასენსა და იტალიის ქალაქ სიენას გადაეცა - ორივე მათგანი ფულადი პრიზის სახით €200 ათას ევროს მიიღებს.
ასენმა შექება დაიმსახურა ცირკულარიზაციისა და კლიმატის ცვლილების შემცირებისადმი მტკიცე ერთგულებისთვის, ასევე „ნარჩენების მართვის ინოვაციური პოლიტიკისთვის“, მათ შორის PMD (პლასტმასის, ლითონის და მუყაოს კოლოფების) ნარჩენების შეგროვების მიმართულებით.
სიენამ კი პირველი ადგილი ქალაქში არსებული მწვანე საფარისა და რეციკლირების “შთამბეჭდავი ტემპის” გამო დაიმსახურა: სიენას მუნიციპალური ნარჩენების წილი, რომელიც გარემოში ხვდება, 1%-მდე შეამცირა.
აღსანიშნავია, რომ ევროპის მწვანე დედაქალაქის და მწვანე ფოთლის დაჯილდოებები იმ ქალაქებს მიღწევებს აღიარებს, რომლებიც გარემოს ურბანული მდგრადობისთვის ბრძოლის წინა ხაზში არიან ჩართულები.
წყარო:https://bm.ge/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
