,
ნიდერლანდებისა და თურქეთის ნაკრებები ევროპის მიმდინარე ჩემპიონატის ბოლო მეოთხედფინალისტები გახდნენ.
ნიდერლანდებმა რუმინეთი დამაჯერებლად, ანგარიშით 3:0 დაამარცხა, თურქებმა კი ავსტრიელებს დაძაბულ ბრძოლაში 2:1 სძლიეს. ორივე ნაკრებისთვის ეს 2008 წლის შემდეგ მეოთხედფინალში პირველი მოხვედრაა.
ტურნირის შემდეგ სტადიაზე ერთმანეთს დაუპირისპირდებიან: ესპანეთი და გერმანია, პორტუგალია და საფრანგეთი, ინგლისი და შვეიცარია. ნიდერლანდებსა და თურქეთს კი ნახევარფინალისთვის ბრძოლა ერთმანეთში მოუწევთ.
მეოთხედფინალის შეხვედრები გერმანიაში 5 და 6 ივლისს გაიმართება.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
