,
ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირი შეასუსტებს რუსეთის ეკონომიკურ საფუძველს და მისი მოდერნიზების შესაძლებლობებს.
„ჩვენ გავყინავთ რუსულ აქტივებს ევროკავშირში და შევაჩერებთ რუსული ბანკების წვდომას ევროპის ფინანსურ ბაზრებზე. ჩვენ ვგმობთ ამ ბარბაროსულ თავდასხმას და ცინიკურ არგუმენტებს, რომლებიც გამოიყენება მის გასამართლებლად“, - აღნიშნა ევროკომისიის პრეზიდენტმა.
ურსულა ფონ დერ ლაიენის თქმით, ის რუსეთის წინააღმდეგ მასიურ და სტრატეგიულ სანქციებს დასამტკიცებლად დღეს წარადგენს.
„ეს სანქციები შექმნილია იმისთვის, რომ მძიმე ზიანი მიაყენოს კრემლის ინტერესებს და მათ უნარს, დააფინანსოს ომი. ჩვენ ვიცით, რომ მილიონობით რუსს არ სურს ომი. ჩვენ არ მივცემთ უფლებას პრეზიდენტ პუტინს კანონის უზენაესობა ძალის უზენაესობითა და დაუნდობლობით ჩაანაცვლოს“, - განაცხადა მან.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
