,
ევროკავშირმა აღნიშნული შეზღუდვები დაამტკიცა. 25 მომხრე და 2 წინააღმდეგი - ამ შედეგით დასრულდა კენჭისყრა, სადაც საქართველოს დიპლომატიური პასპორტის მფლობელებისთვის ვიზების გაუქმების შეჩერებას მხარი დაუჭირეს.
როგროც „რადიო თავისუფლების“ ევროპის ბიუროს რედაქტორი, რიკარდ იოზვიაკი აცხადებს, ეს არის ევროკავშირის პასუხი იმ დემოკრატიულ უკუსვლაზე, რასაც ევროპული გაერთიანება საქართველოში ხედავს.
გადაწყვეტილებას ჰქონდა კვალიფიციური უმრავლესობა, რაც ნიშნავს რომ უნგრეთის და სლოვაკეთის წინააღმდეგობას აზრი აღარ ჰქონდა. იოზვიაკი ამბობს, რომ შეზღუდვები ძალაში მარტიდან შევა, რაც იმას ნიშნავს, რომ "ოცნების" ლიდერები ევროკავშირის ტერიტორიაზე დიპლომატიური პასპორტით მინიჭებული პრივილეგიებთ ვერარ ისარგებლებენ.
ევროკავშირი მიდგომას მხოლოდ მას შემდეგ შეცვლის, როცა საქართველოს მთავრობა მიდგომას შეცვლის - აცხადებს იოზვიაკი.
ეს გადაწყვეტილება დღეს ევროკომისიამ მიიღო და ევროკავშირის წევრმა სახელმწიფოებმა. კენჭისყრა დიპლომატებმა ჩაატარეს. გადაწყვეტილებას ჰქონდა კვალიფიციური უმრავლესობა, რაც ნიშნავს რომ უნგრეთის და სლოვაკეთის წინააღმდეგობას აზრი აღარ ჰქონდა. ეს ძალაში მარტიდან შევა. ეს გადაწყვეტილება ნიშნავს იმას, რომ თუ შენ გაქვს საქართველოს დიპლომატიური ან სამსახურებრივი პასპორტი, შენ აღარ ისაგებლებ ვიზალიბერალიზაციით როცა საზღვარგარეთ იმოგზაურებ. მაგრამ თუ გაქვს ჩვებულებრივი პასპორტი, შენ კვლავ შეგიძლია უვიზოდ მოგზაურობა. ეს არის სიმბოლური ნაბიჯი, პირველი ნაბიჯი უვიზო რეჟიმის შეჩერების მექანიზმისა. ევროკავშირმა მკაფიოდ განაცხადა, რომ ჩვენ პირველი დავიწყებთ იმ პირებით, რომლებიც არიან პასუხისმგებელნი შექმნილ მდგომარეობაზე. მოგვიანებით, თუ არ იქნება გაუმჯობესება, ჩვენ გადავხედავთ გადაწყვეტილებას მთელი მოსახლეობის მიმართ. ბევრ წევრ სახელმწიფოს არ სურს მთელი მოსახლეობის დასჯა, იმის გამო რასაც რამდენიმე მაღალჩინოსანი აკეთებს, მაგრამ თუ ამავდროულად არაფერი შეიცვლება, ეს არის ის ინსტრუმენტი, რომელიც შეიძლება მათ გამოიყენონ. ეს არის პასუხი იმ დემოკრატიულ უკუსვლაზე, რასაც ევროკავშირი საქართველოში ხედავს. ევროკავშირი მიდგომას მხოლოდ მას შემდეგ შეცვლის, როცა საქართველოს მთავრობა შეცვლის მიდგომას. ასე რომ მათ ურთიერთობაში უკუსვლა გრძელდება", - განაცხადა იოზვიაკმა.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
