,
საქართველომ უნდა გააუქმოს კანონი ოკუპირებული ტერიტორიების შესახებ და ხელი მოაწეროს შეთანხმებას აფხაზეთთან და სამხრეთ ოსეთთან ძალის გამოუყენებლობის შესახებ. ამის შესახებ TASS-ს თვითგამოცხადებული აფხაზეთის რესპუბლიკის საგარეო საქმეთა მინისტრმა ოლეგ ბარციცმა განუცხადა.
„საქართველოს ხელმძღვანელობის განცხადებები, რომ მათ სურთ გააუმჯობესონ ურთიერთობები მთავარ მეზობლებთან - აფხაზეთთან, სამხრეთ ოსეთთან და რუსეთის ფედერაციასთან - ჩვენთვის შეუმჩნეველი არ რჩება, მაგრამ ამავდროულად საჭიროა პრაქტიკული დადასტურება და რეალური ნაბიჯები. ჩემი აზრით, შეიძლება იყოს რამდენიმე მათგანი, მათ შორის ოკუპირებული ტერიტორიების შესახებ კანონის გაუქმება. რეალობა, რომელშიც ჩვენ აღმოვჩნდით, მეორე - ეს არის ძალიან მნიშვნელოვანი და ამაზე გავამახვილებთ ყურადღებას ჟენევის ფორმატის მოლაპარაკებებზე - არის შეთანხმების ხელმოწერა სამხედრო ძალის გამოყენებაზე უარის თქმის შესახებ“, - განაცხადა მან.
57 წლის ბარციცი აფხაზეთის ყოფილი სავაჭრო წარმომადგენელია რუსეთის ფედერაციაში. მან მონაწილეობა მიიღო მიმდინარე წლის 15 თებერვალს გამართულ საპრეზიდენტო არჩევნებში ხმების 4%-ით. ბარციცმა საგარეო საქმეთა სამინისტროს ხელმძღვანელად სერგეი შამბა შეცვალა.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
