მიუხედავად ამისა, მაინც რამდენიმე საინტერესო სიახლე გავრცელდება აშშ-ის მხრიდან, რომელიც პენსიასთან და უმუშევრობის დონესთან დაკავშირებით უახლეს მონაცემებს წარმოადგენს. პროგნოზის მიხედვით, უმუშევრობის დონე 3.7%-ზე შენარჩუნდება, რაც ეკონომიკური სტაბილურობის ნიშანია. ასევე, სერვისების ინდექსის ზრდაა მოსალოდნელი, რაც სერვისების სექტორის გაუმჯობესებაზე მიუთითებს. აგრეთვე გავიგებთ, რამდენად გაიზარდა აშშ-ის ეკონომიკის მოცულობა წინა კვარტალში და როგორი მოლოდინი აქვს მთავრობას მომავალ კვარტალთან დაკავშირებით.
აშშ-ის პარალელურად, ჩინეთი წარმოებისა და მომსახურების სექტორის განახლებულ მონაცემებს გამოაქვეყნებს. გარდა ამისა, სავაჭრო ბალანსის მონაცემებში მოსალოდნელია ექსპორტის ზრდა 1.5%-ით და იმპორტის მატება 2.0%-ით, რაც სავაჭრო ბრუნვის ზრდაზე მიუთითებს.
მომავალი კვირის განმავლობაში ევროზონაშიც მნიშვნელოვანი ეკონომიკური მოვლენები იქნება, მათ შორის გასაჯაროვდება: ინფლაციის, უმუშევრობის, წარმოების, საგარეო ვაჭრობის და დასაქმების უახლესი მაჩვენებლები. საერთო ჯამში, ევროკავშირთან დაკავშირებით ინვესტორებს პოზიტიური მოლოდინები აქვთ.
გარდა ამისა, მომავალ კვირას ინვესტორებთან შეხვედრას გამართავენ ისეთი მსხვილი კომპანიები, როგორიცაა: NVIDIA, Salesforce, ICBC, Bank of China, Nike, Micron, Sony, Dell და Mitsubishi.
რაც შეეხება საქართველოს, სტატისტიკის ეროვნული სამსახური შემდეგ მონაცემებს გაასაჯაროებს:
- მრეწველობის პროდუქციის ინდექსი (2024 წლის I კვარტალი)
- ყოველთვიური ენერგეტიკული სტატისტიკის მაჩვენებლები (2024 წლის აპრილი)
- წყალმომმარაგებელი საწარმოების გამოკვლევის შედეგები (2023 წელი)
- გარდაცვლილთა რიცხოვნობა გარდაცვალების მიზეზების მიხედვით (2023 წელი)
- პირდაპირი უცხოური ინვესტიციები BPM6-ის კლასიფიკაციის მიხედვით, აქტივები და პასივები (2024 წლის I კვარტალი, წინასწარი)
- სისხლის სამართლის სტატისტიკის მაჩვენებლები (2024 წლის მაისი)
- ეკონომიკური ზრდის ტენდენციების წინასწარი შეფასება, ეკონომიკური სტატისტიკის მაჩვენებლები (2024 წლის მაისი)
