,
ძლიერმა ქარმა გურჯაანის მუნიციპალიტეტში პრობლემები შექმნა.
სტიქიის შედეგად რამდენიმე სოფელში 50-მდე საცხოვრებელი სახლის სახურავი დაზიანდა. ნაწილს კონსტრუქცია მთლიანად აქვს გადახდილი.
სტიქიამ ასევე დააზიანა ელექტრო გადამცემი ხაზები, მოგლიჯა ასწლოვანი ხეები შედეგად ათასობით აბონენტი ელექტროენერგიის გარეშე დარჩა.
დაზარალებულ სოფლებში დილიდან იმყოფებიან ადგილობრივი ხელისუფლების წარმომადგენლები.
გურჯაანის მუნიციპალიტეტის მერის ინფორმაციით, სპეციალური კომისია მუშაობს და ზარალს ითვლის.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
