,
პოლონეთის პრემიერ-მინისტრის, დონალდ ტუსკის განცხადებით, ვარშავაში, სამთავრობო შენობების თავზე უპილოტო საფრენი აპარატი ჩამოაგდეს.
პოლონეთის მთავრობის მეთაურის თქმით, დაკავებულია ბელარუსის ორი მოქალაქე.
ტუსკის თქმით, დრონი ვარშავაში, პარკოვას ქუჩაზე მდებარე სამთავრობო შენობებსა და ბელვედერის სასახლეს თავზე დაფრინავდა.
„სახელმწიფო უსაფრთხოების სამსახურმა უპილოტო აპარატი გაანეიტრალა. პოლიცია მომხდარის გარემოებებს იძიებს“, - დაწერა ტუსკმა სოციალურ ქსელ X-ზე.
ინციდენტის სხვა დეტალები, მათ შორის დაკავებულების შესახებ ინფორმაცია, პრემიერ-მინისტრს არ დაუკონკრეტებია. ბელვედერის სასახლე პოლონეთის პრეზიდენტის ოფიციალური რეზიდენციაა.
დასავლეთ ინდონეზიაში მატარებლების შეჯახების შედეგად სულ მცირე 14 ადამიანი დაიღუპა, ხოლო კიდევ 84 დაშავდა, - ინფორმაციას Sky News-ი ავრცელებს.
გამოცემის ცნობით, სამგზავრო მატარებლისა და შორ მანძილზე მოძრავი სამგზავრო მატარებლის შეჯახება ბეკასიში მოხდა, რომელიც ქვეყნის დედაქალაქისა და მსოფლიოში ყველაზე მჭიდროდ დასახლებული ქალაქის, ჯაკარტას აღმოსავლეთით მდებარეობს.
ქვეყნის სამძებრო-სამაშველო სააგენტოს ხელმძღვანელმა, მოჰამედ სიაფიიმ, პრესკონფერენციაზე განაცხადა, რომ სამაშველო ოპერაცია გრძელდება და რომ დამტვრეული ვაგონებიდან გადარჩენილების გამოყვანა დელიკატური პროცესია.
