,
ეროვნული უსაფრთხოების საკითხებში აშშ-ის პრეზიდენტის, დონალდ ტრამპის მრჩეველმა, მაიკლ უოლცმა გამოცემა The Atlantic-ის ჟურნალისტი, ჯეფრი გოლდბერგი შემთხვევით დაამატა მესენჯერი Signal-ის ჩატში, სადაც განიხილებოდა „ჰუსიტებზე“ თავდასხმის გეგმები, მათ შორის სამიზნეები, დრო და შეტევებისთვის გამოყენებული შეიარაღება. ამის შესახებ თავად ჯეფრი გოლდბერგმა განაცხადა ჟურნალ The Atlantic-ისთვის დაწერილ სტატიაში, სადაც ის მთავარ რედაქტორად მუშაობს.
როგორც გოლდბერგმა აღნიშნა, 11 მარტს მას Signal-ში შეტყობინება მიუვიდა ჩატში დამატების მოთხოვნით მომხმარებლისგან სახელით „მაიკლ უოლცი“. გოლდბერგმა იფიქრა, რომ უოლცის სახელით შესაძლოა თაღლითები მოქმედებდნენ, თუმცა მაინც მიიღო მოთხოვნა.
ორი დღის შემდეგ ჟურნალისტი დაამატეს ჯგუფში სახელწოდებით Houthi PC small group, სადაც უოლცმა დაწერა: „ჩვენ ვქმნით ჯგუფს „ჰუსიტებთან“ დაკავშირებული ქმედებების კოორდინაციისთვის, განსაკუთრებით უახლოეს 72 საათში“.
მომდევნო დღეებში ჯგუფში იწერებოდა უოლცის სხვადასხვა მითითება და „ჰუსიტებზე“ თავდასხმების განხილვა. კერძოდ, სავარაუდოდ, ჯეი დი ვენსი შეეცადა ტრამპის გადაწყვეტილება გაეკრიტიკებინა. სავარაუდოდ, თავდაცვის მინისტრი, პიტ ჰეგსეტი შეწინააღმდეგა მას და აღნიშნა, რომ დაყოვნებას შესაძლოა ინფორმაციის გაჟონვა გამოეწვია. ჩატში დაწერილი ზოგიერთი ინფორმაცია იმდენად სენსიტიური იყო, რომ გოლდბერგმა მისი გამოქვეყნება არ ისურვა.
ამის შემდეგ გოლდბერგი საბოლოოდ დარწმუნდა, რომ ჯგუფი ნამდვილი იყო და დატოვა იგი. მოგვიანებით მან ჯგუფის წევრებს წერილი გაუგზავნა, რომელშიც დაინტერესდა, რატომ ჩართეს ის ამ ჯგუფში და ხომ არ ქმნის ასეთი მნიშვნელოვანი საკითხების განსახილველად საჯაროდ ხელმისაწვდომი მესენჯერის გამოყენება ეროვნული უსაფრთხოებისთვის საფრთხეს.
ეროვნული უსაფრთხოების საბჭოს პრესმდივანმა, ბრაიან ჰიუზმა აღნიშნა, რომ შეამოწმებს, თუ როგორ მოხვდა ჟურნალისტი ჯგუფში, თუმცა მომხდარში რაიმე საფრთხეს ვერ ხედავს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
