"ვფიქრობ, მე ვიცავ უკრაინას. ვფიქრობ, ეს ქვეყანა მალე დაინგრეოდა. რუსეთი უზარმაზარი სამხედრო მანქანაა — ასეა რეალურად. და რომ არა მე... სწორედ მე მივაწოდე უკრაინას ჯაველინები, რომლებმაც რუსული ტანკები გაანადგურეს.
გახსოვთ ის ისტორიული მომენტი, როცა ტანკები ტალახში ჩარჩნენ? მაშინ მათ უზარმაზარი რაოდენობით ჯაველინები მივეცით — ეს ანტი-სატანკო იარაღია — და სწორედ მაშინ გაანადგურეს ის ტანკები, როცა ისინი ტალახში გაჭედილები იყვნენ.
ეს იყო გადამწყვეტი ეპიზოდი. იმ ტანკებს რომ კიევამდე მიეღწიათ — და ისინი სულ რაღაც 71 მილის მანძილზე იყვნენ — ისინი ქალაქს დაიკავებდნენ. ეს ომი ერთ დღეში დასრულდებოდა.
ასე რომ, ერთის მხრივ, სწორედ ეს ფაქტორი გახდა ომის გაგრძელების მიზეზიც. თუმცა იმავდროულად, შემიძლია ვთქვა, სამწუხაროა, რომ ომი ასე გაიწელა, რადგან ძალიან ბევრი ადამიანი დაიღუპა — ბევრად მეტი, ვიდრე ოფიციალურად აცხადებენ. არა მხოლოდ ჯარისკაცები, არამედ უამრავი მშვიდობიანი მოქალაქეც.
მტკიცედ მჯერა, რომ დიდი სამსახური გავუწიე უკრაინას. ნორვეგიის პრემიერ-მინისტრმა — ძალიან სანდო და პატივსაცემმა კაცმა — მითხრა: “ტრამპი რომ არ ჩარეულიყო, ეს ომი არ დასრულდებოდა.” ვფიქრობ, ამ ქვეყნისთვის მართლა მნიშვნელოვან საქმეს ვაკეთებ." - დონალდ ტრამპი
