,
.jpg)
აშშ-ის პრეზიდენტის, დონალდ ტრამპის განცხადებით, აშშ-ს Tomahawk-ის რაკეტები აქვს, მაგრამ თავად სჭირდება.
„Tomahawk-ები. ბევრი გვაქვს, მაგრამ გვჭირდება. შეერთებული შტატების მარაგებს ვერ ამოვწურავთ“, - აღნიშნა ტრამპმა.
თეთრ სახლში ჟურნალისტებთან გამართულ შეხვედრაზე, ჟურნალისტის შეკითხვაზე, სატელეფონო საუბრის დროს შეეცადა თუ არა პუტინი, გადაერწმუნებინა ის უკრაინას Tomahawk-ები მიჰყიდოს, აშშ-ის პრეზიდენტმა უპასუხა :
„როგორ ფიქრობთ, რას იტყვის ის, „გთხოვთ, Tomahawk-ები მიჰყიდოთ?“ იტყვის, „გთხოვთ, მიჰყიდეთ, ძალიან ვაფასებ ამას“. მე მას ნამდვილად ვუთხარი: „წინააღმდეგი ხომ არ ხართ თქვენს მოწინააღმდეგეს რამდენიმე ათასი Tomahawk-ი რომ გადავცე?“. ეს ვუთხარი. მას ეს იდეა არ მოეწონა. Tomahawk-ი საშინელი იარაღია. საშინელი, თავდასხმის, გამანადგურებელია იარაღია. არავის უნდა, Tomahawk-ები ესროლონ“, - აღნიშნა ტრამპმა.
ამასთან, მისი თქმით, ვლადიმერ პუტინს, სავარაუდოდ, მომდევნო ორი კვირის განმავლობაში შეხვდება.
აშშ-ის პრეზიდენტმა განაცხადა, რომ ხვალ შეხვდება უკრაინის პრეზიდენტ ვოლოდიმირ ზელენსკის და მიაწვდის ინფორმაციას პუტინთან სატელეფონო საუბრის დროს განხილული საკითხების შესახებ.
„ისინი ერთმანეთს კარგად ვერ ეწყობიან“, - აღნიშნა ტრამპმა და დასძინა, რომ დიპლომატიური მოლაპარაკებებისთვის მათი პირისპირ შეხვედრა შესაძლოა რთული იყოს.
აშშ-ის პრეზიდენტმა ასევე განაცხადა, რომ ის ვლადიმერ პუტინსა და ვოლოდიმირ ზელენსკისთან „ცალ-ცალკე, მაგრამ თანასწორ“ შეხვედრებს გამართავს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
