,
ჭკვიანური იქნება თუ მადურო გადადგება, - ამის შესახებ აშშ-ის პრეზიდენტმა, დონალდ ტრამპმა განაცხადა.
„მისი გადასაწყვეტია ის, თუ რისი გაკეთება სურს. ვფიქრობ, მის მიერ ამის გაკეთება ჭკვიანური იქნება. თუ კატეგორიულ პოზიციას დაიკავებს, ეს უკანასკნელი შემთხვევა იქნება, როდესაც ამას გააკეთებს“, - განაცხადა ტრამპმა.
ამასთან, დონალდ ტრამპის ცნობით, აშშ-ის სანაპირო დაცვა უკვე მეორე დღეა კიდევ ერთი ნავთობტანკერის დაკავებას ცდილობს.
„ტანკერი ვენესუელიდან გამოვიდა და იგი სანქცირებულია. მის დევნას ვაწარმოებთ. ამ ტანკერს დავაკავებთ“, - აღნიშნა აშშ-ის პრეზიდენტმა.
ამერიკელი ოფიციალური პირების ცნობით, ტანკერი „ბელა 1“ ვენესუელის „ჩრდილოვანი ფლოტის“ ნაწილია და მის დასაკავებლად ორდერი უკვე გაცემულია.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
