დიმიტრი პესკოვის განცხადებით, ვლადიმერ პუტინსა და დონალდ ტრამპს შორის სატელეფონო საუბარი უკვე შეთანხებულია

თარიღი: 1990

კრემლის პრეს-სპიკერის, დიმიტრი პესკოვის განცხადებით, დღეს ჩვენი დროით 18:00 საათზე, გაიმართება პუტინისა და ტრამპის სატელეფონო საუბარი.

პესკოვის თქმით, რუსეთი მიაღწევს სპეციალური სამხედრო ოპერაციის დასახულ მიზნებს, მაგრამ სასურველია ეს დიპლომატიური და პოლიტიკური გზებით განხორციელდეს.

„ხუთ საათზე ტრამპთან სატელეფონო საუბარი შედგება. ტრამპმა ეს გუშინწინ უკვე განაცხადა. ბუნებრივია, საუბარი მნიშვნელოვანია სტამბოლში გამართული მოლაპარაკებების გათვალისწინებით“, - აღნიშნა მან.

მისი თქმით, საუბრის შედეგები მოგვიანებით გახდება ცნობილი.

ამასთან, პესკოვმა განაცხადა, რომ პუტინსა და ტრამპს შორის შესაძლო შეხვედრა დამოკიდებულია სახელმწიფოს მეთაურებს შორის პირად შეთანხმებებზე.

„ამის შესახებ გადაწყვეტილებას ორი პრეზიდენტი იღებს. ნებისმიერ შემთხვევაში, რა თქმა უნდა, პრეზიდენტების შეხვედრა პროდუქტიული უნდა იყოს, მაგრამ იმისათვის, რომ ეფექტური იყოს, ის კარგად უნდა მომზადდეს“, - აღნიშნა პესკოვმა.

მისი მტკიცებით, რუსეთი ე.წ. სპეციალური სამხედრო ოპერაციის მიზნებს მიაღწევს, თუმცა სასურველია მათი მიღწევა პოლიტიკურ-დიპლომატიური გზებით.

„რა თქმა უნდა, სასურველია ჩვენი მიზნების მიღწევა პოლიტიკურ-დიპლომატიური გზებით“, - განუცხადა პესკოვმა ჟურნალისტებს.

მსოფლიო

რუბიომ ამერიკელ დიპლომატებს დაავალა, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად

ABC NEWS-ის ინფორმაციით, აშშ-ის სახელმწიფო მდივანმა, მარკო რუბიომ, ამერიკელ დიპლომატებს მთელ მსოფლიოში დაავალა, მოუწოდონ უცხოეთის მთავრობებს, სწრაფად იმოქმედონ ირანისა და მისი „პროქსი“ დაჯგუფებების წინააღმდეგ „თავდასხმის მომატებული რისკის“ გამო.

კონფიდენციალური დიპლომატიური დეპეშით, აშშ-ის საელჩოებსა და საკონსულოებს დაევალათ, ეს გზავნილი სხვა ქვეყნების მთავრობების უმაღლეს დონეზე 20 მარტამდე გადასცენ.

დირექტივაში აღნიშნულია, რომ ირანმა და ირანთან დაკავშირებულმა დაჯგუფებებმა შესაძლოა საფრთხე შეუქმნან სხვა ქვეყნებსა და მშვიდობიან მოსახლეობას, ამიტომ საჭიროა კოორდინირებული საერთაშორისო მოქმედება.

რუბიო ამერიკელ დიპლომატებს ასევე სთხოვს, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად, თუ მათ ეს ჯერ არ გაუკეთებიათ.

განცხადებაში ნათქვამია, რომ კოლექტიური გლობალური ზეწოლა უფრო ეფექტიანია, ვიდრე ცალმხრივი ქმედება ირანის ქცევის შესაცვლელად.

ეს ნაბიჯი გადაიდგა იმ ფონზე, როდესაც აშშ ცდილობს შექმნას კოალიცია ირანის წინააღმდეგ სამხედრო კამპანიისა და რეგიონული უსაფრთხოების ფართო ძალისხმევის მხარდასაჭერად.

ადმინისტრაცია აცხადებს, რომ ირანის მიერ მხარდაჭერილი დაჯგუფებები, მათ შორის „ჰეზბოლა“ და სხვა გასამხედროებული ფორმირებები ახდენენ მთავრობების დესტაბილიზაციას და საფრთხეს უქმნიან მშვიდობას ახლო აღმოსავლეთში.

აშშ-ს სჯერა, რომ კოორდინირებულ საერთაშორისო მოქმედებებსა და სანქციებს შეუძლია შეზღუდოს ირანის შესაძლებლობა, მხარი დაუჭიროს მებრძოლ დაჯგუფებებს და განახორციელოს თავდასხმები გლობალურად.“