დიღმის მასივის პირველ კვარტალში გამწვანების აქცია გაიმართა. დიდუბის რაიონის გამგეობამ, 169-ე საჯარო სკოლის მოსწავლეებთან ერთად, დიღმის მასივის პირველი კვარტლის მე-13 და მე-14 კორპუსების მიმდებარედ არსებულ მოსასვენებელ სივრცეში სხვადასხვა სახის ხე-მცენარე დარგო.
ღონისძიების ფარგლებში დაირგა როგორც ფოთლოვანი, ასევე, წიწვოვანი ხეები: ვერცხლისფერი ნაძვი, ფიჭვი, კიპარისი არიზონიკა, მინდვრის ნეკერჩხალი, წითელი ტყემალი, ხეტიტა. აღნიშნულ სივრცეში ასევე დაირგა ბუჩქები: სამი სახეობის ჭანჭყატი, ფოტინია, წყავი, გართხმული ღვია, მარადმწვანე სურო, კომპაქტური ტუია, როზმარინი, ნანდინა და ხეივნის ვარდი.
დიდუბის რაიონის გამგეობა საგაზაფხულო რგვების ფარგლებში, ჯამში, 215 ძირი ფოთლოვანი და წიწვოვანი ხე-მცენარისა და 2770 ძირი ბუჩქის დარგვას გეგმავს.
