დღეიდან, 2011 წლის 28 ივლისამდე გაცემულ პირადობის მოწმობებს იურიდიული ძალა დაეკარგა;
იურიდიული ძალის არმქონედ ითვლება ე.წ. ქაღალდის ან ე.წ. ლამინირებული პირადობის მოწმობები;
მოქალაქეებს, რომლებსაც ისევ ე.წ. ქაღალდის ან ე.წ. ლამინირებული პირადობის მოწმობები აქვთ, მათთვის გათვალისწინებული პენსიების და სხვა სოციალური შემწეობების მიღებას, 1 თვის განმავლობაში, შეუფერხებლად შეძლებენ. აღნიშნული გადაწყვეტილება არის დროებითი და აუცილებელია განახლდეს პირადობის დამადასტურებელი მოწმობა;
იმისთვის, რომ ქაღალდის პირადობის მქონე მოქალაქეები, 1 თვის გასვლის შემდეგ, არ დარჩნენ პენსიის ან სხვა სოციალური გასაცემელის გარეშე, განახლებული პირადობის მოწმობის აღების მიზნით, იუსტიციის სახლებს უნდა მიმართონ.
