,
თბილისის 2025 წლის ნაერთი ბიუჯეტი 2 მილიარდ 455 მილიონ ლარს მიაღწევს,- ამის შესახებ ინფორმაციას თბილისის მერია ავრცელებს.
მათივე ინფორმაციით, ბიუჯეტიდან, კერძოდ, ინფრასტრუქტურის მიმართულებით ხარჯები 700 მლნ ლარს შეადგენს, ჯანდაცვისა და სოციალური მიმართულებით კი, 535 მილიონს.
„2025 წელს დედაქალაქი გაზრდილი ბიუჯეტით ხვდება. თბილისის მთავრობამ საკრებულოს ახალი ბიუჯეტი წარუდგინა, რომელიც 2 მილიარდ ლარს შეადგენს. საკუთარი შემოსავლების გარდა, თბილისის მუნიციპალიტეტი ცენტრალური ხელისუფლებისგან დახმარების სახით 580 მილიონ ლარს მიიღებს, რაც უპრეცედენტოდ მაღალია.
2-მილიარდიან ბიუჯეტს ასევე, დაემატება გარდამავალი ნაშთი, რომელიც დაახლოებით 150 მილიონი ლარი იქნება. მნიშვნელოვანია დონორებიდან მიღებული დაფინანსების ფარგლებში განსახორციელებელი პროექტები, რისი მოცულობაც 100 მილიონი ლარი იქნება.
საერთო ჯამში, თბილისის მუნიციპალიტეტში განსახორციელებელი პროექტები შეადგენს 2 მილიარდ 455 მილიონ ლარს, რაც სხვადასხვა მიმართულებით იქნება გამოყენებული.
კერძოდ, ინფრასტრუქტურის მიმართულებით ხარჯები 700 მლნ ლარს შეადგენს, ჯანდაცვისა და სოციალური მიმართულებით - 535 მილიონს.
ცნობისთვის, 2017 წლის ბოლოს დამტკიცებული დედაქალაქის 2018 წლის ბიუჯეტი შეადგენდა 815 მილიონ ლარს. ბიუჯეტის ყოველწლიურმა ზრდამ შესაძლებელი გახადა, განხორციელდეს კიდევ უფრო მეტი პროექტი თბილისში“,- ნათქვამია ინფორმაციაში.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
