"თუ მოკავშირეები ჰორმუზის სრუტის გახსნაში დახმარებაზე უარს იტყვიან, ეს NATO-ს მომავლისთვის ძალიან ცუდი იქნება" | განაცხადა აშშ-ის პრეზიდენტმა, დონალდ ტრამპმა Financial Times-თან ინტერვიუში.
ტრამპი ამბობს, რომ ევროპა და ჩინეთი მნიშვნელოვნად არიან დამოკიდებულები ნავთობზე, რომელიც სპარსეთის ყურეში მოიპოვება. მისი თქმით, აშშ თავისი ევროპელი მოკავშირეების მიმართ ძალიან კეთილგანწყობილი იყო.
„ჩვენ არ გვჭირდებოდა მათთვის დახმარების გაწევა უკრაინასთან დაკავშირებით. უკრაინა ჩვენგან ათასობით მილის დაშორებითაა, მაგრამ დავეხმარეთ მათ. ახლა ვნახოთ, დაგვეხმარებიან თუ არა ისინი. რადგან დიდი ხანია ვამბობ, რომ ჩვენ მათ გვერდით ვიქნებით, მაგრამ ისინი ჩვენ გვერდით არ იქნებიან. არ ვარ დარწმუნებული, რომ ისინი ჩვენ გვერდით იქნებიან“ [IPN-ს თარგმანი] | ამბობს ტრამპი
აშშ-ის პრეზიდენტის თქმით, ის ჩინეთისგან ჰორმუზის სრუტის გახსნაში დახმარებას ელის. მისი მტკიცებით, ქვეყანა ნავთობის 90%-ს სრუტის მეშვეობით იღებს.
Air Force One-ის ბორტზე აშშ-ის პრეზიდენტმა ჟურნალისტებს განუცხადა, რომ დაახლოებით შვიდ ქვეყანასთან აწარმოებს მოლაპარაკებებს სრუტის „კონტროლის“ შესახებ.
