,
წყარო:https://bm.ge/
კომპანია „ჩირინა“ ხორცპროდუქტების ახალი საწარმოს გახსნასთან ერთად, აგვისტოდან ახალი ფორმატის „ბიუ-ბიუს“ ბრენდული მაღაზიების გახსნას იწყებს. ამის შესახებ საწარმოს გახსნის ღონისძიებაზე კომპანიის დამფუძნებელმა რევაზ ვაშაკიძემ და „ბიუ-ბიუს ხორცპროდუქტების სამყაროს“ სადისტრიბუციო კომპანიის მმართველმა პარტნიორმა დირექტორმა ქეთი ვაშაკიძემ ჟურნალისტებთან ისაუბრეს.
როგორც რევაზ ვაშაკიძემ აღნიშნა, ახალი ქარხნის წარმადობა ცვლაში 7-10 ტონაა, ანუ თუ სამ ცვლაში 20-25 ტონის წარმოებაა შესაძლებელი. ახალი პროდუქტი კი „ბიუ-ბიუს“ ბრენდის ახალ მაღაზიებში იქნება წარმოდგენილი.
„ჩვენ აგვისტოს დასაწყისიდან მაღაზიებს გავხსნით და ჩვენს პროდუქტს მაღაზიებში შევიტანთ. მაღაზიების რიცხვი ეტაპობრივად გაიზრდება. გარდა ამისა, პროდუქციის ცნობადობის გაზრდის შემდეგ, მას ქსელურ მარკეტებშიც შევიტანთ.
მაღაზიები პირველ ეტაპზე დედაქალაქში გაიხსნება, შემდეგ კი მოხმარების ზრდასთან ერთად რეგიონებშიც ბათუმში, ქუთაისში გავიტანთ“, - აღნიშნა რეზო ვაშაკიძემ და დასძინა, რომ ადგილობრივი ბაზრის შემდეგ კომპანია ქათმის ხორცპროდუქტების ექსპორტს აზერბაიჯანსა და სომხეთში გეგმავს.
„ბიუ-ბიუს ხორცპროდუქტების სამყაროს“ სადისტრიბუციო კომპანიის მმართველი პარტნიორი ქეთი ვაშაკიძე კი აღნიშნავს, რომ საწყის ეტაპზე დედაქალაქში 10 მაღაზიის გახსნა იგეგმება.
„ჩვენი საწარმო იქნება უნიკალური, რამდენადაც საკუთარი ნედლეულის ბაზა ექნება, რომლის საფუძველზე ყოველდღიურად მოამზადებს ახალი ქათმის ხორცისგან დამზადებულ ხორცპროდუქტებს, მათ შორის სოსისი, ძეხვეული, ნაგეთსი, შნიცელი, კოტლეტი და ა.შ.
დედაქალაქში დაახლოებით 10 ახალი ფორმატის ბრენდული მაღაზიის გახსნას ვგეგმავთ, სადაც ჩვენი პროდუქტის რეალიზება მოხდება“, - აღნიშნა ქეთი ვაშაკიძემ.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
