,
ბრაზილიის პრეზიდენტი ჟაირ ბოლსონარუ მოქალაქეებს მოუწოდებს, რომ კოვიდ 19-თან დაკავშირებით „წუწუნი და შფოთვა“ შეწყვიტონ.
„საკმარისია შფოთვა და წუწუნი. კიდევ რამდენ ხანს გაგრძელდება ტირილი? კიდევ რამდენ ხანს დარჩებით სახლში და ყველაფერს დახურავთ? ვეღარავინ გაუძლებს ამას. ვწუხვართ გარდაცვალების შემთხვევების გამო, მაგრამ გამოსავალი გვჭირდება,“ - განაცხადა ბოლსონარუმ.
აღსანიშნავია, რომ ბრაზილიაში ოთხშაბათს კორონავირუსით გარდაცვალების რეკორდული დღიური მაჩვენებელი, 1 910 ფატალური შემთხვევა დაფიქსირდა. გასული დღე-ღამის განმავლობაში კი ვირუსით ინფიცირებით 75 102 და გარდაცვალების 1 699 ახალი შემთხვევა დადასტურდა.
ფედერალურმა მთავრობამ ვაქცინების შეძენისა და გავრცელების პროცესი შეანელა. კორონავირუსის საწინააღმდეგო ვაქცინის ერთი დოზა ამ დროისთვის ქვეყანაში მოსახლეობის 3.5% -ზე ნაკლებს აქვს მიღებული.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
