,
შეიძლება თუ არა ერთი ნაბიჯით, ერთდროულად მოიზიდო უფრო მეტი მომხმარებელი და ამასთან შეამცირო ხარჯები?
ისრაელში სუპერმარკეტის მფლობელებმა დაამტკიცეს, რომ შეიძლება, გააკეთეს რა ბოსტანი პირდაპირ სუპერმარკეტის სახურავზე.
სავაჭრო ცენტრ დიზენგოფის (Dizengoff Center) სახურავზე განთავსებული ფერმაში, ყოველთვიურად 10 000 ძირ მხოლოდ სალათის ფურცელს აწარმოებენ, გარდა ამისა კიდევ 17 სახის კულტურა მოჰყავთ.
სუპერმარკეტში განთავსებულია სპეციალური სტენდი დიდი მონიტორით, სადაც გამოდის სახურავზე განთავსებული ბოსტნიდან ახლად აღებული პროდუქტების სია, სტენდი იმდენად პოპულარულია, რომ მარაგის შევსება დღეში ოთხჯერ ხდება.
აქ მოყვანილ ბოსტნეულს არ სჭირდება ტრანსპორტირება, შესაბამისად დისტრიბუციის ხარჯი. გარდა ამისა ბოსტნეული ყოველთვის ახალია.
„ადამიანები მიეჩვივნენ სალათის გემოს, რომელიც 1 კვირის განმავლობაში გარკვეულ გზას გადის, ბოსტნიდან მაცივრამდე, ჩვენი სალათი კი, გასაყიდად დახლზე მოხვედრამდე სულ 15 წუთის აღებულია “,- ამბობს ფერმის დირექტორი მენდი ფალკი.
ეს საქალაქო ფერმა უფრო მეტია, ვიდრე ბოსტნეულის მოყვანის ადგილი, რადგან სათბურების გარდა, აქ განთავსებულია საგანმანათლებლო ზონაც, სადაც ფერმერები ლექციებს კითხულობენ საქალაქო ფერმების მოწყობის და მოვლის შესახებ.
ალბათ ჩვენთანაც შეიძლება…
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
