ბელგიის ქალაქ ანტვერპენის ზოოპარკში ორი ბეჰემოთი კორონავირუსით დაინფიცირდა. ამის შესახებ ადგილობრივი მედია წერს.

ბეჰემოთებს სურდო დაეწყოთ, რის შემდეგაც ვეტერინარებმა მათ ანალიზები აუღეს. ინფიცირების წყარო ჯერჯერობით უცნობია - ზოოპარკში მკაცრი სანიტარული ზომები იყო დაცული, თანამშრომლებს კი კორონავირუსი არ ჰქონიათ.

ამჟამად ბეჰემოთები თავს კარგად გრძნობენ, მაგრამ იზოლაციაში იმყოფებიან. მათი სრულ გამოჯანმრთელებამდე ვოლიერი ზოოპარკის სტუმრებისთვის დახურული იქნება.