“ავტომობილების ღირებულება 10-15%-ით შემცირებულია”

“ავტომობილების ღირებულება 10-15%-ით შემცირებულია” - "კავკასუს ავტო იმპორტი"

თარიღი:

საქართველოს ბაზარზე ავტომობილების სიჭარბეა. ავტოიმპორტიორები ამბობენ, რომ მსუბუქ ავტომობილებზე მოთხოვნა მზარდია, თუმცა მიწოდების დაბალანსება მაინც ვერ ხერხდება, რასაც ავტომობილების ღირებულებაზეც აქვს გავლენა.

"კავკასუს ავტო იმპორტის" მარკეტინგის მენეჯერი აცხადებს, რომ ავტომობილების ბაზარზე შექმნილი პროფიციტის გამო ფასები უკვე 10-15%-ით არის შემცირებული. კახა ლომიძე აცხადებს, რომ მიუხედავად ადგილობრივ ბაზარზე არსებული სიჭარბისა, მოთხოვნა შუა აზიიდან მაინც მზარდია, განსაკუთრებით ყაზახეთის ბაზარზე. ეს კი ბიზნესს მოლოდინს უჩენს, რომ ფასები 2024 წლის გაზაფხულიდან ზრდას დაიწყებს.

“ერთიანად გაზრდილმა მოთხოვნამ გამოიწვია ის რომ ქართული ბაზარი ამას ძალიან მომზადებული დახვდა, მაგრამ იმდენად, რომ უკვე გადაჭარბებული რაოდენობა გვაქვს ქართულ ბაზარზე, მაგრამ ტენდენცია გაყიდვების ძალიან მაღალია. შუა აზიის ქვეყნები, რომლებიც ჩვენთვის ერთ-ერთი მნიშვნელოვანია, წინა წლის სამ კვარტალთან შედარებით წელს 400 %-ზე მეტით გაიზარდა.

სიჭარბიდან გამომდინარე 10-15%-ით არის შემცირებული ავტომობილების ღირებულება, იმიტომ რომ მომხმარებელს უფრო მეტი არჩევანი აქვს. ფასები ამდენითვე შემცირდა ამერიკის ბაზარზეც”, - ამბობს "კავკასუს ავტო იმპორტის" მარკეტინგის მენეჯერი კახა ლომიძე.

წყარო:https://bm.ge/

მსოფლიო

რუბიომ ამერიკელ დიპლომატებს დაავალა, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად

ABC NEWS-ის ინფორმაციით, აშშ-ის სახელმწიფო მდივანმა, მარკო რუბიომ, ამერიკელ დიპლომატებს მთელ მსოფლიოში დაავალა, მოუწოდონ უცხოეთის მთავრობებს, სწრაფად იმოქმედონ ირანისა და მისი „პროქსი“ დაჯგუფებების წინააღმდეგ „თავდასხმის მომატებული რისკის“ გამო.

კონფიდენციალური დიპლომატიური დეპეშით, აშშ-ის საელჩოებსა და საკონსულოებს დაევალათ, ეს გზავნილი სხვა ქვეყნების მთავრობების უმაღლეს დონეზე 20 მარტამდე გადასცენ.

დირექტივაში აღნიშნულია, რომ ირანმა და ირანთან დაკავშირებულმა დაჯგუფებებმა შესაძლოა საფრთხე შეუქმნან სხვა ქვეყნებსა და მშვიდობიან მოსახლეობას, ამიტომ საჭიროა კოორდინირებული საერთაშორისო მოქმედება.

რუბიო ამერიკელ დიპლომატებს ასევე სთხოვს, მოუწოდონ იმ ქვეყნებს სადაც იმყოფებიან, ოფიციალურად გამოაცხადონ „ისლამური რევოლუციის გუშაგთა კორპუსი“ (IRGC) და „ჰეზბოლა“ ტერორისტულ ორგანიზაციებად, თუ მათ ეს ჯერ არ გაუკეთებიათ.

განცხადებაში ნათქვამია, რომ კოლექტიური გლობალური ზეწოლა უფრო ეფექტიანია, ვიდრე ცალმხრივი ქმედება ირანის ქცევის შესაცვლელად.

ეს ნაბიჯი გადაიდგა იმ ფონზე, როდესაც აშშ ცდილობს შექმნას კოალიცია ირანის წინააღმდეგ სამხედრო კამპანიისა და რეგიონული უსაფრთხოების ფართო ძალისხმევის მხარდასაჭერად.

ადმინისტრაცია აცხადებს, რომ ირანის მიერ მხარდაჭერილი დაჯგუფებები, მათ შორის „ჰეზბოლა“ და სხვა გასამხედროებული ფორმირებები ახდენენ მთავრობების დესტაბილიზაციას და საფრთხეს უქმნიან მშვიდობას ახლო აღმოსავლეთში.

აშშ-ს სჯერა, რომ კოორდინირებულ საერთაშორისო მოქმედებებსა და სანქციებს შეუძლია შეზღუდოს ირანის შესაძლებლობა, მხარი დაუჭიროს მებრძოლ დაჯგუფებებს და განახორციელოს თავდასხმები გლობალურად.“

სრულად