,
ევროპაში ავტობუსის პირველი ზოლი 1963 წელს, გერმანიის ქალაქ ჰამბურგში მოეწყო, როდესაც ტრამვაის სისტემა გაუქმდა და ლიანდაგები ავტობუსის სავალ ნაწილად გადაკეთდა.
სიახლეს ფეხი მალევე აუწყვეს გერმანიის სხვა დიდმა ქალაქებმა და 1970 წელს პირველად ჩაიწერა გერმანიის საავტომობილო გზების კოდექსში, როგორც ავტობუსისთვის გამოყოფილი ზოლი (Bus Lane). გერმანიის მსგავსად, 1964 წელს იაპონიასა და საფრანგეთშიც გაკეთდა ავტობუსისთვის განკუთვნილი ზოლი.
2017 წლიდან თბილისში მოეწყო პირველი განცალკევებული საავტობუსე ზოლი და, ეტაპობრივად, კვლავ მიმდინარეობს დახაზვითი სამუშაოები.
ამ ეტაპზე დახაზვითი სამუშაოები იგეგმება: თამარ მეფის გამზირზე და მირიან მეფის ქუჩაზე.
საზოგადოებრივი ტრანსპორტის უსაფრთხო და სწრაფი გადაადგილების მიზნით 2022 წლის 1 ივნისიდან 30 ივნისის ჩათვლით, ავტობუსისთვის განკუთვნილ ზოლში კერძო ავტომობილებით გადაადგილებასა და უკანონო პარკირებასთან დაკავშირებით 4912 სამართალდარღვევა გამოვლინდა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
