,
რას გვირჩევენ ვარსკვლავები 9 ნოემბრისთვის:
ვერძი (21 მარტი - 20 აპრილი)
ახალი შეგრძნებებისა დევნამ შეიძლება უსიამოვნო ამბავში გაგხვიოთ, ამიტომ ვარსკვლავები გირჩევენ, რომ სიფრთხილით მოეკიდოთ ნებისმიერ მიპატიჟებას და მოერიდოთ სარისკო საქმეში მონაწილეობას. სავარაუდოდ, ამ დღეს წარსულში დაშვებული შეცდომების გამოსწორება მოგიწევთ.
კურო (21 აპრილი - 21 მაისი)
გარშემომყოფები თქვენს პროვოცირებას ცდილობენ და თქვენს ნერვებს გამუდმებით გამოცდას უწყობენ. ვარსკვლავები გირჩევთ, სიმშვიდე შეინარჩუნოთ და პროვოკაციებს არ აჰყვეთ. წინააღმდეგ შემთხვევაში, შეიძლება თქვენთვის ძვირფას ადამიანთან ურთიერთობა გაფუჭდეს.
ტყუპები (22 მაისი - 21 ივნისი)
ემოციურად რთული დღეა. რაც არ უნდა მოხდეს, ეცადეთ, ცივი გონება შეინარჩუნოთ. შესაძლოა, წარსულიდან ვიღაცამ ან რაღაცამ თავი შეგახსენოთ. არსებობს შეცდომების გამოსწორების და შერიგების შანსი, რომელიც ხელიდან არ უნდა გაუშვათ. ამ დღეს ახალი საქმის დაწყებას უნდა მოერიდოთ.
კირჩხიბი (22 ივნისი - 22 ივლისი)
ამ დღეს საქმეში შეცდომების თავიდან ასაცილებლად ეცადეთ, საკუთარი გადაწყვეტილება კოლეგებთან შეათანხმოთ და მათ არგუმენტებს უფრო მეტად დაეთანხმოთ. საყვარელ ადამიანებთან უფრო გულწრფელი უნდა იყოთ და დაუფარავად უთხრათ ყველაფერი, რაც გაწუხებთ. ეს დაგეხმარებათ, რომ მოსალოდნელი კონფლიქტი თავიდან აიცილოთ.
ლომი (23 ივლისი - 23 აგვისტო)
ამ დღეს შეიძლება ისეთ საკითხებშიც კი შეცდეთ, რომლებშიც კარგად ერკვევით, ამიტომ მნიშვნელოვანია, არ აჩქარდეთ და გადაწყვეტილების მიღებამდე ინფორმაცია გადაამოწმოთ. მიუხედავად იმისა, რომ კოლეგების ნელი მუშაობა ძალიან გაღიზიანებთ, ეცადეთ, საკუთარი ემოციები აკონტროლოთ და უხეშად არავის მიმართოთ. იზრუნეთ იმუნიტეტის ამაღლებაზე და ერიდეთ ინფექციურ დაავადებებს.
ქალწული (24 აგვისტო - 23 სექტემბერი)
ამ დღეს შეიძლება მოულოდნელ სირთულეს შეეჯახოთ, მაგრამ ეს უფლებას არ გაძლევთ, რომ ბრაზი უდანაშაულო ადამიანებზე იყაროთ. შეცვალეთ დამოკიდებულება იმის მიმართ, რაც თქვენ გარშემო ხდება - არ გაბრაზდეთ და არ მოიწყინოთ. სამსახურში გადაწყვეტილების მიღებამდე, რჩევა გამოცდილ ადამიანებს უნდა ჰკითხოთ. აჩქარებამ შეიძლება, მძიმე შეცდომა გამოიწვიოს, რომელიც ფინანსურად დაგაზარალებთ.
სასწორი (24 სექტემბერი - 23 ოქტომბერი)
რთული დღეა. ნუ მოგატყუებთ მოჩვენებითი სიმშვიდე თქვენ გარშემო. არ მოდუნდეთ და არჩეულ გზას არ გადაუხვიოთ. უსიამოვნო სიურპრიზების მიუხედავად, ვარსკვლავები გირჩევენ, დაწყებული საქმე ბოლომდე მიიყვანოთ. კარგი იქნება, თუ დაგეგმილ მოგზაურობას რამდენიმე დღით გადადებთ. დღის მეორე ნახევარში ოჯახის ხანდაზმულ წევრებს განსაკუთრებული ყურადღება უნდა მიაქციოთ.
მორიელი (24 ოქტომბერი - 22 ნოემბერი)
პრობლემა, რომელიც ამ დღეს შეგექმნებათ, ემოციის გარეშე და უყოყმანოდ უნდა მოაგვაროთ, თუნდაც კომპრომისზე წასვლა დაგჭირდეთ. წინააღმდეგ შემთხვევაში, ეს უსიამოვნებები დიდხანს გაგრძელდება. ეცადეთ ახალი უნარები და გამოცდილება შეიძინოთ - ისინი მალე კარიერული წინსვლისთვის დაგჭირდებათ.
მშვილდოსანი (23 ნოემბერი - 21 დეკემბერი)
ამ დღეს მაქსიმალურად ეცადეთ, თითოეული სიტყვა და მოქმედება კარგად აწონ-დაწონოთ. მეტი ყურადღება გამოიჩინეთ ახლობელი ადამიანების მიმართ, მოერიდეთ დაუსაბუთებელ კრიტიკას და გული არავის ატკინოთ. დროა თაროზე შემოდებული საქმეების დასრულებაზეც იფიქროთ, მით უმეტეს, რომ ახალი წლიდან ახალი პერსპექტივები გამოჩნდება.
თხის რქა (22 დეკემბერი - 20 იანვარი)
ამ დღეს თუ ყურადღებით იქნებით, შეიძლება გაარკვიოთ ის, რაც ადრე ძალიან დამაბნეველი და რთული ჩანდა. ზოგიერთი თხის რქა იპოვის პასუხს კითხვაზე, რომლებიც აწუხებს არა მხოლოდ მას, არამედ მის გარშემომყოფებსაც.
მერწყული (21 იანვარი - 18 თებერვალი)
რთული, დაძაბული დღეა. უსიამოვნება ყველაზე მოულოდნელ ადგილზე გელით. ეცადეთ, საკუთარ სიტყვებს და მოქმედებებს მეტი ყურადღება მიაქციოთ. ნუ გასცემთ დაპირებებს, რომლებსაც ვერ შეასრულებთ. დღეს ყველა საქმე ჩვეულებრივზე ნელა მოგვარდება, ამიტომ ჯობს, მნიშვნელოვანი საკითხები შემდეგი დღეებისთვის გადადოთ.
თევზები (19 თებერვალი - 20 მარტი)
ამ დღეს ურთიერთობებში სირთულეები გელით. შესაძლოა, ნებისმიერი უწყინარი საუბარი კონფლიქტში გადაიზარდოს, ამიტომ გირჩევთ, ნეიტრალურ თემებზე ისაუბროთ და კამათში ან ჩხუბში არ ჩაერთოთ. უპირატესობა მარტივ და სასიამოვნო საქმეებს მიანიჭეთ - ახლა რთული პროექტებისთვის საკმარისი ენერგია არ გაქვთ.
დღგ-ის გადახდისგან თავის არიდება რთულდება - საქმე ის არის, რომ 2024 წლის ოქტომბრიდან ძალაში შევიდა ფინანსთა სამინისტროს ახალი რეგულაცია, რომელიც მნიშვნელოვნად შეცვლის დამატებული ღირებულების გადასახადის (დღგ) გადახდისგან თავის არიდების მიზნით შექმნილი სუბიექტების მიმართ სახელმწიფოს დამოკიდებულებას. ეს ცვლილება განსაკუთრებულ გავლენას მოახდენს როგორც მეწარმე ფიზიკურ პირებზე (ინდივიდუალური მეწარმე, მიკრობიზნესი, მცირე ბიზნესი, ფიქსირებული გადასახადის გადამხდელი პირი), ასევე ნებისმიერ წვრილ, ქსელურ, კომპანიებზე.
რა უნდა იცოდეს ბიზნესმა აღნიშნულ ცვლილებებთან დაკავშირებით - ახალ რეგულაციასთან დაკავშირებულ დეტალებს BMG-ისთან DGN Consulting-ის საგადასახადო მენეჯერი ანა ლობჟანიძე განმარტავს.
- კონკრეტულად რას გულისხმობს ფინანსთა მინისტრის გამოცემული ახალი რეგულაცია?
- 2024 წლის ოქტომბრიდან ამოქმედდა ცვლილებები ფინანსთა სამინისტროს N996 ბრძანებაში, რომლებიც დღგ-ის გადახდისგან თავის არიდების სქემების აღკვეთისკენ არის მიმართული. გარკვეული კრიტერიუმების დაკმაყოფილების შემთხვევაში, საგადასახადო ორგანოს უფლება აქვს, რამდენიმე დამოუკიდებელი სუბიექტი განიხილოს ერთ გადამხდელ პირად და ყველა სუბიექტის შემოსავალი ერთობლივად დაბეგროს. აღნიშნული ცვლილება ეხება იმ ბიზნესებს, რომლებიც ახორციელებენ ბიზნესის დანაწევრებას, რათა არ დაუფიქსირდეთ წლიური ბრუნვა 100 000 ლარზე მეტი და ამ მიზნით არეგისტრირებენ სხვა ბიზნესსუბიექტებს, იურიდიული სუბიექტის ან ინდივიდუალური მეწარმის სახით. აღნიშნული სქემით ბიზნეს სუბიექტები თავს არიდებენ დღგ-ის გადახდას.
- რა კრიტერიუმებით იხელმძღვანელებენ საგადასახადო ორგანოები?
- თუ რამდენიმე ბიზნესი აკმაყოფილებს შემდეგ კრიტერიუმებს, მათ საგადასახადო ორგანო ერთ გადამხდელ პირად განიხილავს. კრიტერიუმები შემდეგია:
1. საქმიანობასთან დაკავშირებულ გადაწყვეტილებებს ერთი და იგივე პირი იღებს;
2. საქმიანობის ადგილი და შინაარსი იდენტურია;
3. რომელიმე სუბიექტი დღგ-ის გადამხდელად რეგისტრირებული არ არის.
ამასთანავე, განმარტებულია, თუ რა პირობებში მიიჩნევა გადაწყვეტილებები ერთი და იგივე პირის მიერ მიღებულად. მაგალითად, თუ გადაწყვეტილებები მიიღება ისეთ საკითხებზე, როგორიცაა კონტრაქტორების შერჩევა, ფასების განსაზღვრა, დასაქმების პირობები ან ინვესტიციების განხორციელება.
- როგორ იმოქმედებს ეს ცვლილებები ბიზნესზე?
- ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები. რაც შეიძლება ითვალისწინებდეს დღგ-ს გადამხდელად ნებაყოფლობით რეგისტრაციას და შესაბამისად, საქონლის/მომსახურების ფასში დღგ-ის ასახვას.
- რას ურჩევდით ბიზნესს ამ ცვლილებების გათვალისწინებით?
- ბიზნესი ყურადღებით უნდა დააკვირდეს საკუთარ საქმიანობას და დარწმუნდეს, რომ საქმიანობის პროცესში ითვალისწინებს კანონმდებლობით დადგენილ ახალ კრიტერიუმებს და მიდგომებს. ამ ცვლილებების მიზანია, გააძლიეროს საგადასახადო ორგანოების უფლებამოსილება და ხელი შეუშალოს დღგ-ს გადახდისგან თავის არიდების სქემებს. ეს ზომები ხელს შეუწყობს თანაბარი კონკურენტული გარემოს შექმნას მცირე და საშუალო ბიზნესებისთვის. თუმცა, ბიზნესმა ყურადღებით უნდა დაიცვას რეგულაციები და გაითვალისწინოს ახალი წესები, რათა თავიდან აირიდოს პოტენციური ჯარიმები და დამატებითი შემოწმებები.
წყარო:https://bm.ge/
