,
♈ ვერძი (21 მარტი - 19 აპრილი)
დღეს შეიძლება ისეთი საკითხები წამოიჭრას, რომლებიც ადრე გვერდზე გაწიეთ, მაგრამ ახლა უკან დაბრუნდნენ. მოემზადეთ, რომ იმავე პრობლემას მეორედ ვერ გაექცევით.
ოჯახი: შესაძლოა, თქვენი პირდაპირობა საყვარელ ადამიანებს ცოტათი გააღიზიანოს. მოუსმინეთ, ნუ გაწყვეტთ.
ბიზნესი: თუ შეთანხმება არ შედგა, ნურავის დაადანაშაულებთ, უბრალოდ დროულად მიხვდით, რომ სხვაგან უნდა ეძებოთ გამოსავალი.
სიყვარული: თქვენს შარმს ვერავინ გაექცევა, მაგრამ ეს იმას არ ნიშნავს, რომ ყველა მზად არის სერიოზული ურთიერთობისთვის.
კარიერა: ზედმეტი ინტრიგების გარეშე იმოქმედეთ – ამის დრო და ენერგია არ გაქვთ.
სამსახური: ერთი ნაბიჯი წინ, ორი უკან – თუ ასე გაგრძელდა, შესაძლოა, კოლეგებმა თქვენი სანდოობაც კი ეჭვქვეშ დააყენონ.
♉ კურო (20 აპრილი - 20 მაისი)
დღეს ზედმეტი სენტიმენტები არ გაწყენთ, მაგრამ მნიშვნელოვანი გადაწყვეტილებების მიღება გონებით უნდა მოხდეს.
ოჯახი: სხვისი პრობლემების გადაწყვეტა თქვენსას ვერ მოაგვარებს.
ბიზნესი: კონკურენციას ნუ შეეშინდებით – ამას მხოლოდ სუსტები უფრთხიან.
სიყვარული: გაბედეთ, რომანტიკული ჟესტები არავის დაუზიანებია (გარდა იმ შემთხვევებისა, როცა ზედმეტი გააკეთეთ).
კარიერა: უფრო მეტს მოითხოვთ, ვიდრე მოცემული სიტუაცია გაძლევთ. მოთმინება გმართებთ.
სამსახური: ვინმეს არ მოატყუოთ, დღეს ყველა დეტალს განსაკუთრებული ყურადღებით აკვირდებიან.
♊ ტყუპები (21 მაისი - 20 ივნისი)
ცვლილებების დრო მოვიდა, მაგრამ ამის გაკეთება დაგეგმილად სჯობს, ვიდრე ქაოტურად.
ოჯახი: მოულოდნელი ამბავი შეიძლება მიიღოთ, რომელიც სიტუაციას ახალ კუთხეს მისცემს.
ბიზნესი: ინვესტიციებზე ნუ იჩქარებთ, ჯერ ყველა რისკი გადაამოწმეთ.
სიყვარული: მოკლედ, თუ უყურადღებოდ იქნებით, ვიღაც შეიძლება ზედმეტად განაწყენდეს.
კარიერა: ახალი იდეები კარგი ამბავია, მაგრამ უფროსი ჯერ ძველებს ვერ ეჩვევა.
სამსახური: ურთიერთობები თქვენზეა დამოკიდებული – თუ ზღვარს გადალახავთ, ნურავის დაადანაშაულებთ.
♋ კირჩხიბი (21 ივნისი - 22 ივლისი)
გრძნობთ, რომ რაღაც შეიცვალა? ეს მხოლოდ დასაწყისია.
ოჯახი: მშვიდი საღამო არავის აწყენს, განსაკუთრებით მათ, ვინც თქვენგან მხარდაჭერას ელის.
ბიზნესი: მოლაპარაკებები შეიძლება იმაზე რთული აღმოჩნდეს, ვიდრე გეგონათ.
სიყვარული: უმნიშვნელო კამათიც კი გრძნობებზე დაგაფიქრებთ, მაგრამ პანიკა საჭირო არ არის.
კარიერა: დაფიქრდით, სად ხართ და სად გინდათ იყოთ – დროა მოქმედების.
სამსახური: თქვენი პასუხისმგებლობები იზრდება, რაც ან წნეხად იქცევა, ან შანსად – თქვენზეა დამოკიდებული.
♌ ლომი (23 ივლისი - 22 აგვისტო)
სცადეთ დღეს ცოტათი ნაკლები ინიციატივა გამოიჩინოთ და უბრალოდ დააკვირდით.
ოჯახი: საყვარელ ადამიანს თქვენი მხარდაჭერა სჭირდება, მაგრამ ეს იმას არ ნიშნავს, რომ მის მაგივრად ყველაფერი თქვენ უნდა გააკეთოთ.
ბიზნესი: მოულოდნელი შემოთავაზება გელით – კარგად აწონ-დაწონეთ.
სიყვარული: კომპლიმენტები კარგი რამეა, მაგრამ ნუ გადააჭარბებთ – არც სასარგებლოა და არც დამაჯერებელი.
კარიერა: ხელმძღვანელობა თქვენს იდეებს ჯერ კიდევ ეჭვის თვალით უყურებს. არ დანებდეთ.
სამსახური: შეიძლება ისეთი პროექტი გაწერონ, რომლისთვისაც მზად არ ხართ, მაგრამ სწორი მიდგომით ყველაფერს მოერევით.
♍ ქალწული (23 აგვისტო - 22 სექტემბერი)
გარკვეული სიტუაციები მოსაგვარებელია, მაგრამ ზედმეტი ძალისხმევის გარეშე.
ოჯახი: ნაკლები საყვედური, მეტი მხარდაჭერა – ასე ბევრად უკეთ იმუშავებს ყველაფერი.
ბიზნესი: ფულის მოძრაობა გაუმჭვირვალე ხდება? დროულად გაერკვიეთ.
სიყვარული: ემოციურად დატვირთული დღეა, მაგრამ არც ერთი პრობლემა შეუქცევადი არ არის.
კარიერა: თქვენი შრომა უყურადღებოდ არ დარჩება – უბრალოდ მოთმინება გმართებთ.
სამსახური: ზედმეტი ჩართულობა შეიძლება არა პლუსი, არამედ პრობლემა გახდეს.
♎ სასწორი (23 სექტემბერი - 22 ოქტომბერი)
შესაძლოა, ვინმემ დღეს თქვენი სიმშვიდე გამოსცადოს – ნუ წამოეგებით პროვოკაციაზე.
ოჯახი: განწყობა ცვალებადია, მაგრამ თქვენ შეგიძლიათ შექმნათ სასიამოვნო გარემო.
ბიზნესი: ახალი პარტნიორები გამოგიჩნდებიან, მაგრამ ენდეთ მხოლოდ ფაქტებს.
სიყვარული: შეიძლება რაღაც ისე ვერ წავიდეს, როგორც გეგონათ, მაგრამ პანიკა საჭირო არ არის.
კარიერა: სიფრთხილე გმართებთ – კონკურენცია გაიზარდა.
სამსახური: საჭირო კონტაქტი შეიძლება სრულიად მოულოდნელ ადგილას გაგიჩნდეთ.
♏ მორიელი (23 ოქტომბერი - 21 ნოემბერი)
დროა, გულწრფელად უპასუხოთ საკუთარ თავს – რისი გაკეთება გსურთ სინამდვილეში?
ოჯახი: ოჯახური საკითხები ყურადღებას მოითხოვს, მაგრამ ნუ გადაიღლებით.
ბიზნესი: ყველაფერი ისე არ მიდის, როგორც გეგმავდით, მაგრამ გამოსავალი არსებობს.
სიყვარული: ინტერესი იზრდება, მაგრამ თუ არ გინდათ სერიოზული ურთიერთობა, დროა თქვათ.
კარიერა: თქვენი შესაძლებლობები დღეს სხვებისთვისაც ნათელი გახდება.
სამსახური: დაუგეგმავი ცვლილებები მცირე დისკომფორტს შეგიქმნით.
♐ მშვილდოსანი (22 ნოემბერი - 21 დეკემბერი)
დღე კარგად დაგეგმეთ – მოულოდნელობებისთვის სივრცე დატოვეთ.
ოჯახი: ოჯახური შეკრება შესაძლოა მეტად მნიშვნელოვანი აღმოჩნდეს, ვიდრე ელით.
ბიზნესი: მცირედი სირთულეები შესაძლოა, დიდ სარგებლად გადაიქცეს.
სიყვარული: იფიქრეთ, რა გაკლია ურთიერთობაში – პასუხი ხელის გულზე არ გიდევთ.
კარიერა: დროა, თქვენი შესაძლებლობები სერიოზულად დააფასოთ.
სამსახური: ვიღაც თქვენი იდეებით დაინტერესდება – გამოიყენეთ ეს შანსი.
♑ თხის რქა (22 დეკემბერი - 19 იანვარი)
თქვენი პრაგმატულობა დღეს ძალიან გამოგადგებათ.
ოჯახი: სიმშვიდე შეინარჩუნეთ – ოჯახური უთანხმოებები დროებითია.
ბიზნესი: კარგი დღეა მოლაპარაკებებისთვის, მაგრამ ნუ აჩქარდებით.
სიყვარული: თუ რაღაც გაწუხებთ, დროა, ამაზე ღიად ისაუბროთ.
კარიერა: რთული არჩევანი გელით, მაგრამ თქვენ შეგიძლიათ სწორი გადაწყვეტილების მიღება.
სამსახური: ფრთხილად იყავით, რომ ზედმეტი პასუხისმგებლობა არ აიღოთ.
♒ მერწყული (20 იანვარი - 18 თებერვალი)
დღეს სასარგებლოა, თუ მოთმინებას გამოიჩენთ და ნაჩქარევ გადაწყვეტილებებს არ მიიღებთ.
ოჯახი: ოჯახური ატმოსფერო ზოგჯერ აუტანლად გეჩვენებათ, მაგრამ ეს მხოლოდ ემოციების თამაშია.
ბიზნესი: ფინანსური საკითხები უფრო მეტი ყურადღებით განიხილეთ – ზედმეტი ნდობა არავის არგებს.
სიყვარული: შესაძლოა, თქვენმა გულგრილობამ ვიღაცა გაანაწყენოს – დაფიქრდით, ასეა თუ არა.
კარიერა: თქვენი უნარები მოთხოვნადია, მაგრამ ჯერ თქვენვე უნდა დაიჯეროთ.
სამსახური: ზედმეტი იდეალიზმი სამსახურში ზოგჯერ პრობლემას ქმნის – იყავით ობიექტური.
♓ თევზები (19 თებერვალი - 20 მარტი)
დღეს ემოციების კონტროლი რთული იქნება, მაგრამ თუ გონებას გააკონტროლებთ, შედეგი უკეთესი იქნება.
ოჯახი: მოსალოდნელია საუბარი, რომელიც ან ბევრ რამეს ახსნის, ან ყველაფერს დააბნევს.
ბიზნესი: გაფრთხილდით, ვინმე შეიძლება უსამართლოდ მოიქცეს თქვენ მიმართ.
სიყვარული: ერთ დღეს თავბრუს გახვევთ, მეორე დღეს – გაუგებრობაში დაგტოვებენ. ამას მოემზადეთ.
კარიერა: შესაძლებელია ახალი შესაძლებლობა, მაგრამ ჩასაფრებულ კონკურენტებს არ გაექცევით.
სამსახური: თუ გრძნობთ, რომ რაღაც არასწორად მიდის, ინტუიციას ენდეთ – ის იშვიათად გატყუებთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
