,
რას გვირჩევენ ვარსკვლავები 7 მარტისთვის:
ვერძი
ამ დღეს სწრაფად, თითქმის დაუფიქრებლად მოქმედებთელი მოქმედებთ. ხშირად, მნიშვნელოვან გადაწყვეტილებებს ინტუიცია გვკარნახობს და ეს მეთოდი დღესაც გაამართლებს. ეცადეთ, სხვა ადამიანების აზრს პატივი სცეთ, თუნდაც ისინი თქვენი ოპონენტები იყვნენ.
კურო
ეს დღე ემოციურ სიმშვიდეს გპირდებათ. მუშაობისთვის განწყობილი ხართ და პრობლემები და სირთულეები ხელს ვერ შეგიშლით. დროა, დაწყებული პროექტები დაასრულოთ და სამუშაო განრიგი მოაწესრიგოთ. თუ მოინდომებთ, სადავო საკითხების სწრაფად მოგვარებას და ყველასთვის მისაღები გადაწყვეტილების მიღებას შეძლებთ.
ტყუპები
ამ დღეს ნებისმიერ საქმეში პრობლემები და სირთულეები შეგხვდებათ, ამიტომ მნიშვნელოვანი არაფერი უნდა დაიწყოთ. იფრთხილეთ და განსაკუთრებით სარისკო შეთავაზებებს მოერიდეთ. გახსოვდეთ, რომ ახლობელი ადამიანებისთვის მიცემული დაპირებები აუცილებლად უნდა შეასრულოთ.
კირჩხიბი
ბედნიერი და ნაყოფიერი დღე გელით. საქმეს ენთუზიაზმით და შემოქმედებითად უდგებით, რაც წარმატების მიღწევაში დაგეხმარებათ. თუ ვინმემ დახმარება შემოგთავაზათ, უარი არ თქვათ - გუნდური მუშაობა საქმეს გაგიადვილებთ. შესაძლოა, საღამოს გეგმების შეცვლა მოგიწიოთ. ეცადეთ, თქვენი კრიტიკული შენიშვნებით ახლობლებს თავი არ მოაბეზროთ.
ლომი
საქმე, რომელზედაც დიდი ხანია თავს იმტვრევთ, სავარაუდოდ სწრაფად და მარტივად მოგვარდება. ქალბატონს თქვენი გარემოცვიდან სასარგებლო რჩევის მოცემა და გამოცდილების გაზიარება შეუძლია. შესყიდვა წარმატებული იქნება და დადებითი ემოციებით აგავსებთ. წვრილმან პრობლემებს ზედმეტად დიდ ყურადღებას აქცევთ, ისინი თქვენს ნერვიულობად არ ღირს.
ქალწული
ამ დღეს თქვენს საქმიან განწყობას ხელს ვერავინ და ვერაფერი შეუშლის. თქვენი საქმიანი უნარები კოლეგებისა და ხელმძღვანელობის მოწონებას დაიმსახურებს, ეს კი კარიერაზე და საქმიან რეპუტაციაზე დადებითად აისახება. ეცადეთ, უფროსი ნათესავების მონახულებისთვის დრო გამონახოთ - ახლა მათ ყველაზე მეტად თქვენი მხარდაჭერა სჭირდებათ.
სასწორი
უმნიშვნელო შემთხვევები და წვრილმანი უსიამოვნებები მნიშვნელოვანი საკითხებისგან მოგწყვეტთ და ყურადღების კონცენტრირების საშუალებას არ მოგცემთ. თუ გსურთ, შეცდომები თავიდან აიცილოთ, ნერვიულობა შეწყვიტეთ და პოზიტიურად იფიქრეთ. სავარაუდოდ, დაუგეგმავი შემოსავალი გელით. თქვენმა კრიტიკულმა შენიშვნებმა შეიძლება ვიღაცას შეურაცხყოფა მიაყენოს.
მორიელი
ამ დღეს ინფორმაციის უზარმაზარ ნაკადს სწრაფად ახარისხებთ და მხოლოდ თქვენთვის საჭირო ამბებს არჩევთ. ხელსაყრელი დღეა ცოდნის მიღების, კვალიფიკაციის ამაღლების და დოკუმენტებთან მუშაობისთვის. ადამიანები, რომლებსაც ამ დღეს გაიცნობთ, მალე თქვენი საუკეთესო მეგობრები გახდებიან. რომანტიკული პაემანი დაუვიწყარ ემოციებს გაჩუქებთ.
მშვილდოსანი
ბევრი საქმე გაქვთ და ყველაფრის ერთად გაკეთებას ცდილობთ. ორი კურდღლის მდევარივით რომ არ მოგივიდეთ, ეცადეთ საკუთარი პრიორიტეტები განსაზღვროთ. პირველ რიგში, მნიშვნელოვანი საქმეები აკეთეთ, დანარჩენები კი ხვალისთვის მოიტოვეთ. ეცადეთ, ოპონენტების კრიტიკას მშვიდად, გაღიზიანების გარეშე შეხვდეთ. თუ ვინმე გეგმების შეცვლას გთხოვთ, საკუთარი ინტერესები არ დაგავიწყდეთ.
თხის რქა
ამ დღეს წარმატებას მხოლოდ პრინციპული ხასიათი და ენერგიულობა მოგიტანთ. რთულ პროექტებსაც კი თამამად უმკლავდებით და მუშაობის დროს თქვენს საუკეთესო თვისებებს ავლენთ. მოერიდეთ დამატებითი ფინანსური ვალდებულებების აღებას - მათი შესრულება ადვილი არ იქნება.
მერწყული
დიდი ძალისხმევა მოგიწევთ, რომ მიმდინარე საქმეებში მცირე პროგრესი მიიღოთ. თუმცა შედეგი მოლოდინს გაამართლებს და თქვენი შრომა ღირსეულად დაფასდება. ხანმოკლე მოგზაურობა საინტერესო და სასარგებლო იქნება. მოსალოდნელია მნიშვნელოვანი შეხვედრები.
თევზები
საქმის მიმართ სერიოზული დამოკიდებულება რთული და უსიამოვნო სამუშაოს შესრულებაში დაგეხმარებათ და თქვენ მიმართ კრიტიკულად განწყობილ ადამიანებსაც კი აღაფრთოვანებს. დღის მეორე ნახევარში სასიამოვნო სიახლე გელით.
ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).
„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.
დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.
აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.
დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.
ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?
მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.
წყარო: https://thehill.com/opinion/campaign/4975713-donald-trump-greatest-comeback-since-lazarus/
