,
ვერძი (21 მარტი - 19 აპრილი)
დღის მოვლენები: სიფრთხილე გმართებს უცნობ ადამიანებთან. რაღაც შენთვის მნიშვნელოვან საქმეში მოულოდნელი დაბრკოლება შეიძლება გაჩნდეს.
ოჯახი: ეცადე, დღეს კონფლიქტებს მოერიდო – სიჩუმე ზოგჯერ საუკეთესო გამოსავალია.
ბიზნესი: რისკიანი ნაბიჯები შეიძლება კარგ შედეგამდე არ მიგიყვანოს. ჯობია, მოზომილი მოქმედება არჩიო.
სიყვარული: უცაბედმა ემოციებმა შეიძლება სერიოზული გავლენა იქონიოს ურთიერთობაზე – დაფიქრდი, სანამ რაღაცას იტყვი.
კარიერა: კოლეგებთან ურთიერთობაში სიფრთხილე გამოიჩინე, დღეს ზედმეტი გულწრფელობა არც ისე სასარგებლოა.
სამსახური: თუ გგონია, რომ რაღაც შეცდომაა, სჯობს გადაამოწმო, ვიდრე ვინმეს უსაფუძვლოდ დაადანაშაულებ.
კურო (20 აპრილი - 20 მაისი)
დღის მოვლენები: შესაძლოა, მოულოდნელი შემოსავალი მიიღო, მაგრამ ნუ იჩქარებ ფულის გაფლანგვას.
ოჯახი: ოჯახური საქმეები ცოტა დამღლელი იქნება, მაგრამ ყურადღების მიქცევა საჭირო იქნება.
ბიზნესი: შენს პროექტს ნელა, მაგრამ სტაბილურად უყალიბდება ფორმა – მთავარია, მოთმინება არ დაკარგო.
სიყვარული: მოულოდნელი შეხვედრა შეიძლება რაღაც ახალს გპირდებოდეს.
კარიერა: კარგი დროა შემოქმედებითი იდეებისთვის, თუმცა ხელმძღვანელობას შესაძლოა ჯერ ვერ გაუგოს შენი ხედვა.
სამსახური: თუ რაიმეს შეცვლა გინდა, ჯობს დღეს პირველ ნაბიჯად დაგეგმვა გაიხადო და არა ქმედება.
ტყუპები (21 მაისი - 20 ივნისი)
დღის მოვლენები: ძალიან დატვირთული დღეა, მაგრამ ბოლოს კმაყოფილი დარჩები.
ოჯახი: არ აჰყვე პროვოკაციებს – ზოგჯერ გაჩუმება ყველაზე ჭკვიანური არჩევანია.
ბიზნესი: ახალი კონტაქტები საინტერესო შესაძლებლობებს მოიტანს, იყავი ყურადღებით.
სიყვარული: შესაძლოა, სიურპრიზი მოგიწყონ, რაც კარგ ხასიათზე დაგაყენებს.
კარიერა: დღეს შენი იდეები შეიძლება ვიღაცისთვის ზედმეტად თამამი ჩანდეს, მაგრამ არ დანებდე.
სამსახური: თუ ვინმე შენს სამუშაოს აკრიტიკებს, ეცადე კრიტიკა კონსტრუქციულად გამოიყენო.
კირჩხიბი (21 ივნისი - 22 ივლისი)
დღის მოვლენები: შესაძლოა, გარშემო სიტუაცია ცოტა ქაოტური იყოს, მაგრამ შენ შეგიძლია სიმშვიდე შეინარჩუნო.
ოჯახი: ოჯახთან დროის გატარება დღეს ყველაზე კარგი გადაწყვეტილებაა.
ბიზნესი: დიდ გადაწყვეტილებებს ნუ მიიღებ ემოციურ ფონზე – ცოტა დრო მიეცი თავს.
სიყვარული: ძველი ნაცნობი შეიძლება შენს ცხოვრებაში ისევ გამოჩნდეს – გაარკვიე, ნამდვილად გჭირდება თუ არა ეს.
კარიერა: შესაძლოა, ვიღაცას შენი იდეები ზედმეტად ამბიციურად მოეჩვენოს, მაგრამ შენც იცი, რასაც აკეთებ.
სამსახური: მცირე შეცდომამ შეიძლება გადამწყვეტი შედეგი გამოიწვიოს, ასე რომ ყურადღება მიაქციე დეტალებს.
ლომი (23 ივლისი - 22 აგვისტო)
დღის მოვლენები: დღეს ენერგია გაქვს, მაგრამ მას სწორად გამოყენება მოგიწევს.
ოჯახი: საყვარელ ადამიანებთან მცირე გაუგებრობა შეიძლება წარმოიშვას – ემოციებს ნუ აჰყვები.
ბიზნესი: დღეს შანსია, რომ გავლენიან ადამიანთან საინტერესო დიალოგი გქონდეს.
სიყვარული: თუ რაღაც გაწუხებს, ღიად ისაუბრე – სიჩუმემ შეიძლება ურთიერთობა გაართულოს.
კარიერა: შენი იდეები არ უნდა დაიკარგოს – საჭირო ადამიანთან საუბარი გადამწყვეტი იქნება.
სამსახური: ნაკლებად მნიშვნელოვანია, რას ფიქრობენ სხვები – მთავარია, შენს საქმეს კარგად აკეთებდე.
ქალწული (23 აგვისტო - 22 სექტემბერი)
დღის მოვლენები: რაღაცები შეიძლება შენი გეგმების საწინააღმდეგოდ განვითარდეს, მაგრამ ნუ ჩაიქნევ ხელს.
ოჯახი: მოთმინება გმართებს, განსაკუთრებით უფროსი თაობის წარმომადგენლებთან.
ბიზნესი: დროა, უფრო დეტალურად გაერკვე ფულთან დაკავშირებულ საკითხებში.
სიყვარული: დღეს რომანტიკული განწყობა დაგეუფლება – გამოიყენე ეს შესაძლებლობა.
კარიერა: ყურადღებით იყავი – ვინმე შესაძლოა შენი იდეების მითვისებას ცდილობდეს.
სამსახური: ბევრი წვრილმანია მოსაგვარებელი, მაგრამ შედეგი ამად ღირს.
სასწორი (23 სექტემბერი - 22 ოქტომბერი)
დღის მოვლენები: დიპლომატიურობა დღეს გამოგადგება, განსაკუთრებით სამსახურში.
ოჯახი: მეტი დრო დაუთმე ოჯახურ ურთიერთობებს – შესაძლოა, ვიღაცას შენი მხარდაჭერა სჭირდებოდეს.
ბიზნესი: დღეს კარგი დღეა მოლაპარაკებებისთვის – საჭირო კონტაქტი სწორ დროს გამოჩნდება.
სიყვარული: გაბედე და გააკეთე პირველი ნაბიჯი, თუ ვინმე მოგწონს.
კარიერა: კოლეგებთან ურთიერთობა გაუმჯობესდება, თუ ცოტა მოთმინებას გამოიჩენ.
სამსახური: მეტი ყურადღება მიაქციე სამუშაო პროცესს – ზედაპირულობამ შეიძლება პრობლემა შექმნას.
მორიელი (23 ოქტომბერი - 21 ნოემბერი)
დღის მოვლენები: დღეს სიფრთხილეა საჭირო, რადგან ვიღაც შეიძლება შენი ნდობით ისარგებლოს.
ოჯახი: დასვენება არ გაწყენდა – ზედმეტი ემოციები დღეს არ არის საჭირო.
ბიზნესი: კარგი დროა არსებული პროექტების გადახედვისთვის.
სიყვარული: შესაძლოა, ვინმე წარსულიდან ისევ შეგეხმიანოს.
კარიერა: ბოსი შენს საქმიანობას აკვირდება – დღეს საუკეთესო შთაბეჭდილება უნდა დატოვო.
სამსახური: სჯობს, საქმეზე კონცენტრირდე და ზედმეტ დრამას თავი აარიდო.
მშვილდოსანი (22 ნოემბერი - 21 დეკემბერი)
დღის მოვლენები: მოულოდნელი შესაძლებლობა შეიძლება გამოჩნდეს – მზად იყავი, რომ გამოიყენო.
ოჯახი: დროა, ცოტა მეტი ყურადღება დაუთმო ახლობელ ადამიანებს.
ბიზნესი: თუ რაღაც ახალი იდეა გაქვს, ახლაა დრო, რომ შეისწავლო მისი რეალურობა.
სიყვარული: ემოციების გამოხატვა არ გაწყენდა – გულწრფელობა დაგეხმარება.
კარიერა: დღეს შეიძლება ახალმა თანამშრომლობამ საინტერესო პერსპექტივა გაჩინოს.
სამსახური: დეტალებზე კონცენტრირება მოგიწევს – ზედაპირულობამ შეიძლება პრობლემები შექმნას.
თხის რქა (22 დეკემბერი - 19 იანვარი)
დღის მოვლენები: წინ დაგიდგება რაღაც ახალი გამოწვევა, მაგრამ გაუმკლავდები.
ოჯახი: შესაძლოა, ვიღაცას შენი დახმარება სჭირდებოდეს – ყური დაუგდე.
ბიზნესი: დღეს ფულის ფლანგვა სარისკოა – დაფიქრდი, სანამ ხარჯავ.
სიყვარული: სიმართლე გითხრა, ბევრი ფიქრი საჭირო არ არის – გრძნობებს ენდე.
კარიერა: ხელმძღვანელობას შეიძლება ახალი იდეით გააკვირვო.
სამსახური: მოემზადე სასიამოვნო ცვლილებისთვის – ეს მალე მოხდება.
მერწყული (20 იანვარი - 18 თებერვალი)
დღის მოვლენები: მოულოდნელი ამბავი შეიძლება დღის გეგმებს შეცვლიდეს, მაგრამ სწრაფად მოერგები სიტუაციას.
ოჯახი: შეიძლება, ოჯახის წევრთან სერიოზული საუბარი მოგიწიოს – სჯობს სიმშვიდე შეინარჩუნო.
ბიზნესი: საინტერესო იდეა გექნება, მაგრამ დაფიქრდი, სანამ ვინმეს გაუზიარებ.
სიყვარული: ურთიერთობაში მეტი პირდაპირობა გამოგადგება – ნუ დაელოდები, სანამ მეორე მხარე მიხვდება, რა გინდა.
კარიერა: სამუშაოსთან დაკავშირებით მცირე გაუგებრობაა მოსალოდნელი, მაგრამ სწორი მიდგომით გადაჭრი.
სამსახური: თუ ვინმე შენს ნერვებზე თამაშობს, უბრალოდ დაიცადე – მალე ყველაფერი დალაგდება.
თევზები (19 თებერვალი - 20 მარტი)
დღის მოვლენები: დღეს შეიძლება წარსული საკითხები ისევ წამოიწიოს – მათი საბოლოო მოგვარების დროა.
ოჯახი: სჯობს, საყვარელ ადამიანებთან დრო გაატარო – მათთან საუბარი სიმშვიდეს მოგიტანს.
ბიზნესი: თუ რაღაც ახალს იწყებ, დაფიქრდი ყველა დეტალზე, რომ მოულოდნელობამ არ შეგაფერხოს.
სიყვარული: შეიძლება ვინმემ შენი გულგრილობა არასწორად აღიქვას – ნუ დატოვებ საკითხებს გაურკვევლად.
კარიერა: ხელმძღვანელობას შეიძლება შენი ხედვა ჯერ ვერ ესმოდეს, მაგრამ დროის განმავლობაში მიხვდება.
სამსახური: ემოციურობა დღეს კარგ შედეგამდე არ მიგიყვანს – მეტი ლოგიკა და ნაკლები სენტიმენტები.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
