,
რას გვირჩევენ ვარსკვლავები 7 ივნისისთვის:
ვერძი (21 მარტი - 20 აპრილი)
ამ დღეს თქვენი და თქვენი ახლობელი ადამიანის ინტერესები შეიძლება გადაიკვეთოს. უკან ნუ დაიხევთ, თორემ საკუთარი თავის პატივისცემას დაკარგავთ. ეცადეთ, პროვოკაციებს არ აჰყვეთ და საკუთარი პრინციპების ერთგული დარჩეთ. ახლა ძალიან მნიშვნელოვანია, რომ წარმატებისა და გამარჯვების ძიებაში საკუთარი თავი არ დაკარგოთ. დრო დაგანახვებთ, ამის მერე როგორ უნდა იმოქმედოთ.
კურო (21 აპრილი - 21 მაისი)
ამ დღეს ნათესავებთან ურთიერთობაში წინდახედულობა უნდა გამოიჩინოთ. მოერიდეთ უხეში სიტყვების გამოყენებას, რისი ახსნაც მოგვიანებით გაგიჭირდებათ.დაწყებული საქმის დასრულებისთვის უდიდესი ნებისყოფის გამოვლენა მოგიწევთ. ბუნებრივი მომხიბვლელობა და სიმშვიდე საჭირო ადამიანებთან დაკავშირებაში დაგეხმარებათ.
ტყუპები (22 მაისი - 21 ივნისი)
ამ დღეს საკუთარ ქმედებებს ყურადღება უნდა მიაქციოთ. ნუ აჰყვებით ემოციებს, რათა დაუფიქრებლად ჩადენილი საქციელისთვის მოგვიანებით არ ინანოთ. ემოციური დაძაბულობის გამო საყვარელ ადამიანებთან ურთიერთობა შეიძლება კონფლიქტში გადაიზარდოს, რომლის დამოუკიდებლად მოგვარება გაგიჭირდებათ.
კირჩხიბი (22 ივნისი - 22 ივლისი)
ახლა ყველაზე მეტად აქტიური დასვენება და სუფთა ჰაერზე სეირნობა გჭირდებათ, თუმცა მანამდე ყველაფერი კარგად უნდა დაგეგმოთ. გამორიცხული არ არის, რომ რაღაც დაგავიწყდეთ ან უყურადღებობის გამო ვერ შენიშნოთ. უმჯობესია, გეგმა შეადგინოთ და ამით თავი დაიზღვიოთ.
ლომი (23 ივლისი - 23 აგვისტო)
ამ დღეს ლომებმა ყველაზე მეტი ყურადღება კვების მენიუს უნდა მიაქციონ. გირჩევთ ძირითადად სახლში მომზადებული საკვები მიირთვათ და საზოგადოებრივი კვების ობიექტებში ვიზიტს მოერიდოთ. ამასთან, სასურველია ურთიერთობა შეამციროთ და ცოტა ხნით განმარტოვდეთ.
ქალწული (24 აგვისტო - 23 სექტემბერი)
თქვენი ცხოვრების წესი იდეალურისგან შორსაა. თუ მავნე ჩვევებისგან არ გათავისუფლდებით, შეიძლება მალე ჯანმრთელობასთან დაკავშირებულმა პრობლემებმა შეგაწუხოთ. მოიძიეთ შესაბამისი ლიტერატურა და ისწავლეთ, სწორი ჩვევები როგორ გამოიმუშაოთ.
სასწორი (24 სექტემბერი - 23 ოქტომბერი)
თქვენი ემოციურობის გამო ვიღაცამ შეიძლება გაუწონასწორებელ ადამიანად ჩაგთვალოთ, მაგრამ გონზე მოსვლას შეძლებთ და ყველას დაანახვებთ, რომ სიტუაციის გაკონტროლება ნებისმიერ პირობებში შეგიძლიათ. თქვენი ეს თვისება გარშემო მყოფთა პატივისცემას დაიმსახურებს. საღამოს საშუალება გექნებათ, რომ განმარტოვდეთ და მყუდრო გარემოში დაისვენოთ.
მორიელი (24 ოქტომბერი - 22 ნოემბერი)
ამ დღეს საინტერესო შეთავაზება გელით, რომელზედაც უარი არ უნდა თქვათ. თავიდან ეს იდეა შეიძლება სარისკო მოგეჩვენოთ, მაგრამ თუ უარს იტყვით, მალე ინანებთ. ჯობია, დილას გარისკოთ და საღამოს მეგობრებთან ერთად გასართობად წახვიდეთ. თქვენ ახლა დადებითი ემოციები და ახალი შთაბეჭდილებები გჭირდებათ, რომლებსაც საყვარელ ადამიანებს გაუზიარებთ.
მშვილდოსანი (23 ნოემბერი - 21 დეკემბერი)
ამ დღეს ცხოვრებისეული გარემოებები თქვენგან ფანტაზიის გამოვლენას მოითხოვენ. სხვა შემთხვევაში, ჩანაფიქრის განხორციელება გაგიჭირდებათ. გირჩევთ წინდახედულობა გამოიჩინოთ და ისეთი დაპირებები არ გასცეთ, რომელთა შესრულება გაგიჭირდებათ. ეს ბევრ უსიამოვნებას მოგიტანთ.
თხის რქა (22 დეკემბერი - 20 იანვარი)
ახალი შესაძლებლობებისა და სასიამოვნო შეხვედრების დღეა. ახალი შეხვედრა თქვენს ცხოვრებაში მნიშვნელოვან ცვლილებებს მოიტანს და გეგმების განხორციელებაში დაგეხმარებათ. ხელსაყრელი დღეა მიღებული ცოდნის ცხოვრებაში გამოყენებისთვის. შანსი გაქვთ, რომ თანამოსაუბრე თქვენი ინტელექტით გააოცოთ.
მერწყული (21 იანვარი - 18 თებერვალი)
თუ თქვენს პროფესიულ საქმიანობას ხელოვნებასთან რაიმე კავშირი აქვს, ამ დღეს წარმატებას უნდა ელოდოთ. სიახლეების ნუ შეგეშინდებათ - ამ დღეს თქვენ გამბედაობა უნდა გამოიჩინოთ. თუ ახალ სამუშაოს ეძებთ, სწორედ გამბედაობაა ის, რასაც პოტენციური დამსაქმებელი თქვენგან ელის.
თევზები (19 თებერვალი - 20 მარტი)
თავი ახალი იდეებით გაქვთ სავსე, მაგრამ არ იცით, როგორ განახორციელოთ. ნუ ინერვიულებთ, თუ თანამოაზრე ვერ ნახეთ, შესაძლოა ამ მიმართულებით ცოტა ხანს მარტო მოძრაობა მოგიწიოთ და პარტნიორები მოგვიანებით გამოჩნდნენ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
