,
რას გვირჩევენ ვარსკვლავები 7დეკემბრისთვის:
ვერძი (21 მარტი - 20 აპრილი)
ეს დღე ხელსაყრელია საოჯახო საქმეების მოსაგვარებლად და ინტერიერის შესაცვლელად. საყვარელ ადამიანებთან ურთიერთობა, გამოცდილების გაზიარება ან საერთო გეგმების განხილვა სასარგებლო იქნება. საშუალება გექნებათ, ახალი წარმატებული შესაძლებლობებით ისარგებლოთ.
კურო (21 აპრილი - 21 მაისი)
კუროსთვის დღის პირველი ნახევარი დაძაბული და არც თუ ისე წარმატებული იქნება. სავარაუდოდ, მოულოდნელი პრობლემების გადაჭრა მოგიწევთ. დღის მეორე ნახევარში ვითარება გაუმჯობესდება. შესაძლოა, მნიშვნელოვანი ინფორმაცია მიიღოთ. ამ დღეს დებატების დროს, ზეწოლის ნაცვლად, კომპრომისების პოვნა ჯობს.
ტყუპები (22 მაისი - 21 ივნისი)
ყოველმხრივ ხელსაყრელი დღეა. დაწყებული საქმეები დროულად დასრულდება და პრობლემები თქვენს სასარგებლოდ გადაწყდება. ვარსკვლავები გირჩევენ, სხვების დაპირებებს არ დაუჯეროთ და მხოლოდ საკუთარ ძალებს დაეყრდნოთ. ადამიანების დარწმუნების უნარი ამ დღეს მოლაპარაკებებში დაგეხმარებათ და სასურველი შედეგის მიღწევას შეძლებთ.
კირჩხიბი (22 ივნისი - 22 ივლისი)
ამ დღეს ყველაზე მეტად ახლობელი ადამიანების კრიტიკას და შენიშვნების მიცემას უნდა მოერიდოთ. შესაძლოა, დაუფიქრებლად ნათქვამი სიტყვით თქვენთვის მნიშვნელოვანი ურთიერთობა გააფუჭოთ. ეცადეთ, ცხოვრებას უფრო მარტივად შეხედოთ.ნუ აკეთებთ ერთდროულად ათ საქმეს, ერთი მნიშვნელოვანი აირჩიეთ და ეცადეთ დაასრულოთ.
ლომი (23 ივლისი - 23 აგვისტო)
ნურაფერს დაგეგმავთ - მოვლენები იმდენად სწრაფად იცვლება, რომ გამუდმებით ახალ გარემოებებთან შეგუება გიწევთ. შესაძლოა, თქვენი იდეები სათანადოდ ვერ დააფასონ და თქვენი ჩანაფიქრი არასწორად გაიგონ. დღის პირველ ნახევარში საშუალება გექნებათ, რომ შემოსავალი გაზარდოთ და მოგებიანი გარიგება დადოთ. სანამ ახალ საქმეს დაიწყებთ, დარწმუნდით, რომ საყვარელი ადამიანები მხარს დაგიჭერენ.
ქალწული (24 აგვისტო - 23 სექტემბერი)
სიახლეებისა და ექსპერიმენტებისთვის არახელსაყრელი დღეა, ამიტომ რასაც არ უნდა აკეთებდეთ, გეგმას მიჰყევით და წესები დაიცავით. ამ რთული და მძიმე სამუშაოსთვის უნდა მოემზადოთ - დილიდან მოულოდნელი პრობლემების მოგვარება მოგიწევთ. გირჩევთ საკუთარ გეგმებზე ოჯახის წევრებს უამბოთ და მათ რჩევებს ყურადღებით მოუსმინოთ. ნუ შეგეშინდებათ პასუხისმგებლობის აღება - ინტუიცია დაგეხმარებათ, რომ მოვლენების განვითარება იწინასწარმეტყველოთ.
სასწორი (24 სექტემბერი - 23 ოქტომბერი)
ამ დღეს შესაძლოა, გაუგებრობები და დაძაბულობაც კი წარმოიშვას, თუმცა ხვალ ეს აღარავის ემახსოვრება. აჩქარებამ შეიძლება შეცდომები გამოიწვიოს, ამიტომ გონივრულად იმოქმედეთ და თქვენ გარშემო განვითარებული მოვლენები შეძლებისდაგვარად აკონტროლეთ.
მორიელი (24 ოქტომბერი - 22 ნოემბერი)
ამ დღეს ნებისმიერი ურთიერთობა სასარგებლო და სასიამოვნო იქნება. სავარაუდოდ, საინტერესო ადამიანს შეხვდებით და გააბამთ ურთიერთობას, რომელიც ძლიერ მეგობრობაში გადაიზრდება. რთული საქმეების ნუ შეგეშინდებათ - იღბალი თქვენს მხარეზეა. შესაძლოა, ამ დღეს საერთო ენა მათთანაც კი იპოვოთ, ვისთანაც ვერასოდეს თანხმდებოდით.
მშვილდოსანი (23 ნოემბერი - 21 დეკემბერი)
ამ დღეს მცირე ძალისხმევით შეიძლება უდიდეს წარმატებას მიაღწიოთ. შრომისმოყვარე და მონდომებული ადამიანი ხართ, რაც დაგეხმარებათ, შესანიშნავი შედეგი მიიღოთ იქ, სადაც ვერც კი წარმოგედგინათ. პირად ცხოვრებაში სიტუაციას სწორად აფასებთ, კარგად გესმით რა გსურთ და იცით, სასურველს როგორ მიაღწიოთ. შორეული ნათესავებისგან მიიღებთ ცნობას, რომელსაც დიდი ხანია ელოდით.
თხის რქა (22 დეკემბერი - 20 იანვარი)
ამ დღეს შეგიძლიათ შესრულებული სამუშაოს შედეგები შეაჯამოთ და შეისვენოთ. წინ საინტერესო შეთავაზებები და ახალი ამოცანები გელით, რომლებიც თქვენს ცხოვრებაზე აისახება. ოპონენტებთან ურთიერთობისას ეცადეთ, მეტი თავშეკავება გამოიჩინოთ, ნუ ახდენთ ზეწოლას მოწინააღმდეგეებზე და პატივი ეცით მათ თვალსაზრისს.
მერწყული (21 იანვარი - 18 თებერვალი)
რთულ საქმეებს ნუ დაგეგმავთ - დაღლილობა საშუალებას არ გაძლევთ, რომ ამ დღის ამოცანებს გაუმკლავდეთ და საკუთარი მოვალეობები შეასრულოთ. ნებისმიერი ნაცნობობა, რომელიც ამ დღეს დაიწყება, დიდხანს გაგრძელდება. შეიძლება ისეთი არ აღმოჩნდეს, როგორსაც ელოდით, მაგრამ უამრავ სასიამოვნო ემოციას მოგიტანთ.
თევზები (19 თებერვალი - 20 მარტი)
შეეცადეთ საყვარელ ადამიანებთან მეტი დრო გაატაროთ, გულწრფელად ისაუბროთ და გამოცდილება გაუზიაროთ. ვარსკვლავები გირჩევენ, რომ ამ დღეს სხვის საქმეებში ჩარევას მოერიდოთ და თუ არ გთხოვენ, რჩევებიც არავის მისცეთ. თქვენი სურვილი - ადამიანებს დაეხმაროთ, შეიძლება ვიღაცამ არასწორად გაიგოს. ეცადეთ, პირადი პრობლემები დროულად მოაგვაროთ, რომ სამომავლოდ პრობლემები არ შეიქმნათ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
