,
რას გვირჩევენ ვარსკვლავები 6 ნოემბრისთვის:
ვერძი (21 მარტი - 20 აპრილი)
ამ დღეს ფინანსურ საკითხებს განსაკუთრებული ყურადღება უნდა მიაქციოთ. ეცადეთ, საფულეს არსებობა დაივიწყოთ, რადგან თუ გახსნით, შეიძლება უამრავი უხარისხო და უსარგებლო ნივთი შეიძინოთ. ყველაფრის მიუხედავად, დაწყებული საქმე აუცილებლად დაასრულეთ და უკან არ დაიხიოთ.
კურო (21 აპრილი - 21 მაისი)
ძველი კავშირები მომავალში ძალიან გამოგადგებათ, ამიტომ ვარსკვლავები გირჩევენ, რომ ურთიერთობა არავისთან გაწყვიტოთ. მნიშვნელოვანი გადაწყვეტილების მიღების დროს ძალიან უნდა იფრთხილოთ. ნუ გარისკავთ და საკუთარ ცხოვრებას რადიკალურად ნუ შეცვლით. ამან შეიძლება ბევრი პრობლემა შეგიქმნათ.
ტყუპები (22 მაისი - 21 ივნისი)
წარმატებული და ნაყოფიერი დღეა, თუმცა სასურველი შედეგის მიღება მხოლოდ თქვენზეა დამოკიდებული. რაც უფრო იაქტიურებთ, მით უფრო მეტი შანსი გაქვთ, რომ გეგმების განხორციელება და მოგების მიღება შეძლოთ. თუმცა ნუ გარისკავთ, ეს დღე ექსპერიმენტებისთვის არახელსაყრელია, ამიტომ წესები ზედმიწევნით უნდა დაიცვათ.
კირჩხიბი (22 ივნისი - 22 ივლისი)
კარგი იქნება, თუ ამ კვირის გეგმას ჩამოწერთ და ეტაპობრივად განხორციელებას შეუდგებით. ეს გადაწყვეტილების მიღებას და სწორ გზების არჩევას გაგიადვილებთ. უსმინეთ საკუთარ ინტუიციას - დღეს ის სწორ რჩევას მოგცემთ. სამწუხაროდ, შეიძლება ახლო მეგობარმა იმედები გაგიცრუოთ.
ლომი (23 ივლისი - 23 აგვისტო)
გირჩევთ, ფინანსურ საკითხებს მეტი ყურადღება მიაქციოთ. უმჯობესია, რომ საშოპინგოდ გასვლა სამომავლოდ გადადოთ, რადგან ამ დღეს შეიძლება ისეთი ნივთები იყიდოთ, რომლებსაც არასოდეს გამოიყენებთ. საქმიანი ურთიერთობა არაფორმალურ გარემოში უფრო წარმატებული იქნება.
ქალწული (24 აგვისტო - 23 სექტემბერი)
მეტი საუბარი, მეტი ურთიერთობა, შეხვედრები - ეს დღე დიდხანს დაგამახსოვრდებათ. შესაძლოა, სასიხარულო ამბავი გაიგოთ, რაც განწყობას საგრძნობლად გაგიუმჯობესებთ. ის, რაზედაც ბოლო დროს მუშაობდით, მალე ნაყოფს გამოიღებს. ეცადეთ, მეტი ტაქტი და თავაზიანობა გამოიჩინოთ, რათა უმნიშვნელო წყენის გამო ჩხუბში არ გაეხვიოთ.
სასწორი (24 სექტემბერი - 23 ოქტომბერი)
ვარსკვლავები გირჩევენ, ამ დღეს მეტისმეტად ნუ გაჯიუტდებით იმ საქმეში, სადაც სირთულეს წააწყდებით. წინააღმდეგ შემთხვევაში, მოგიწევთ არასაიმედო დასკვნის გაკეთება ან უარის თქმა ზოგიერთ ურთიერთობაზე. გაითვალისწინეთ, რომ თუ გეგმების შეცვლა მოგიწევთ, ამისგან შეიძლება სარგებელი მიიღოთ.
მორიელი (24 ოქტომბერი - 22 ნოემბერი)
აქტიური და მოვლენებით მდიდარი დღეა. გადაიღლებით, სამაგიეროდ, ასეთი აქტიურობა თქვენს კარიერულ ზრდაზე დადებითად აისახება. ყურადღებით უსმინეთ საუბრებს - შესაძლოა, თქვენთვის მნიშვნელოვანი ინფორმაცია გაიგოთ. შეწყვიტეთ ურთიერთობა ადამიანებთან, რომლებიც მუდმივად პრობლემებს გიქმნიან და თქვენი ცხოვრება გაცილებით ლაღი და ბედნიერი გახდება.
მშვილდოსანი (23 ნოემბერი - 21 დეკემბერი)
ამ დღეს შეცდომების გამოსწორება ან წარსულიდან დაბრუნებულ ადამიანებთან ურთიერთობა დიდ დროს წაგართმევთ. შესაძლოა, ყოფილ პარტნიორებს ან კოლეგებს შეხვდეთ და მათგან ბევრი საინტერესო ინფორმაცია მიიღოთ. გამორიცხული არ არის, რომ ახალი თანამოაზრე იპოვოთ და საინტერესო შეთავაზება მიიღოთ.
თხის რქა (22 დეკემბერი - 20 იანვარი)
სიახლეები, რომლებსაც დღეს შეიტყობთ, გეგმების შეცვლას გაიძულებთ. შესაძლოა, ადრე დაშვებული შეცდომების გამოსწორება მოგიწიოთ - ამ მხრივ ვარსკვლავები სასიამოვნო სიურპრიზებს გპირდებიან. მოერიდეთ ძვირად ღირებული ნივთების შეძენას და სარისკო ინვესტიციებს. ნუ მოახდენთ თანამოსაუბრეზე ზეწოლას, ეცადეთ კომპრომისი მოძებნოთ.
მერწყული (21 იანვარი - 18 თებერვალი)
მოემზადეთ ცვლილებებისთვის, რომლებიც თქვენს ცხოვრებაში ნელ-ნელა დაიწყება. ახლობელი ადამიანის თანადგომა და გამოცდილება ახალ რეალობასთან შეგუებაში დაგეხმარებათ. ვარსკვლავები გირჩევენ, სანამ საბუთებს ხელს მოაწერთ, ყურადღებით წაიკითხოთ. ამ დღეს დებატებში ზეწოლის მოხდენას კომპრომისის პოვნა სჯობს.
თევზები (19 თებერვალი - 20 მარტი)
შანსი გექნებათ, რომ საკუთარი ცხოვრება უკეთესობისკენ შეცვალოთ. ყურადღებით დააკვირდეთ გარშემო მიმდინარე მოვლენებს და ეცადეთ, სიტუაციის მიხედვით იმოქმედოთ. ჯობს მოსაწყენი, რუტინული სამუშაოს კეთება სამომავლოდ გადადოთ, რადგან დღის მეორე ნახევარში მნიშვნელოვანი და საინტერესო შეხვედრა გელით.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
