,
რას გვირჩევენ ვარსკვლავები 6 ივნისისთვის:
ვერძი (21 მარტი - 20 აპრილი)
დილას მეგობრებისგან სასიხარულო ამბავს შეიტყობთ, რომელსაც დიდი ხანია ელოდით. ამის წყალობით დღე მხიარულად და ბედნიერად ჩაივლის. სამსახურში კოლეგებთან მცირე გაუგებრობა გელით, მაგრამ საკუთარი პოზიციის დაცვას და ავტორიტეტის შენარჩუნებას შეძლებთ. საღამოს სახლის გარემო და საყვარელი ადამიანების სიახლოვე დაგამშვიდებთ.
კურო (21 აპრილი - 21 მაისი)
ახალი საქმის დაწყებამდე გირჩევთ, საკუთარი შესაძლებლობები ობიექტურად შეაფასოთ. გარემომ და გარემოცვამ შეიძლება ჩანაფიქრის განხორციელებაში ხელი შეგიშალოთ. სავარაუდოდ, საკუთარ შესაძლებლობებს გადაჭარბებულად აფასებთ და ჯობს დახმარება ითხოვოთ. ძველი მეგობრები ან გამოცდილი კოლეგები რჩევებით დაგეხმარებიან. დღის მეორე ნახევარში მოსალოდნელია შეხვედრა, რომელზეც დიდი ხანია ფიქრობთ.
ტყუპები (22 მაისი - 21 ივნისი)
ამ დღეს რთულ დავალებებსაც კი ადვილად უმკლავდებით. სავარაუდოა, დიდი ხნის ოცნებას აისრულებთ, მაგრამ ამისთვის დიდი ძალისხმევის გამოჩენა მოგიწევთ. კოლეგები ყურადღებით გისმენენ და თქვენს აზრს ითვალისწინებენ. შექმნილი ვითარება კარიერული წინსვლის შესაძლებლობას მოგცემთ და ეცადეთ, ამით ისარგებლოთ.
კირჩხიბი (22 ივნისი - 22 ივლისი)
ბასრ საგნებთან სიფრთხილე უნდა გამოიჩინოთ, რადგან ტრავმების ალბათობა მაღალია. ამ დღემ შეიძლება ძველ მეგობრობას გამოცდა მოუწყოს, თუმცა ის ყველა სირთულეს გადალახავს და შვებით ამოისუნთქავთ. ამ დღეს სახიფათო თავგადასავალში ჩაერთვებით, რომლის შედეგი არა მხოლოდ თქვენ, არამედ თქვენს ახლობლებსაც მოეწონებათ.
ლომი (23 ივლისი - 23 აგვისტო)
ემოციური ფონი არასტაბილურია - ხან უმიზეზო სევდა, ხან კი მხიარულება გეუფლებათ. გარშემო მყოფებისგან გაგებას ნუ ელით - მათ თქვენი შეშფოთების მიზეზები არ ემით. მოერიდეთ ხალხის თავშეყრის ადგილებს, სადაც თავს არაკომფორტულად და მარტოსულად გრძნობთ. უმჯობესია შუადღე სახლში გაატაროთ, კომედიას უყუროთ ან წიგნი წაიკითხოთ.
ქალწული (24 აგვისტო - 23 სექტემბერი)
ამ დღეს დაწყებული საქმეები ძალიან მალე სასურველ შედეგს მოგიტანთ. სამსახურში თქვენი ახალი ინიციატივა კარიერაზე დადებითად აისახება. ბიზნესპარტნიორებთან დაგეგმილი შეხვედრები და მოლაპარაკებები თქვენთვის ხელსაყრელი შედეგით დასრულდება. დროა, პირადი ურთიერთობები ახალ, უფრო სერიოზულ დონეზე გადავიდეს. ამისთვის მზად ხართ?
სასწორი (24 სექტემბერი - 23 ოქტომბერი)
წვრილმანებზე არ ინერვიულოთ, ეს დროებითი პრობლემებია. გახსოვდეთ, რომ თქვენი ჯანმრთელობა და კეთილდღეობა ბევრად უფრო მნიშვნელოვანია. მოსალოდნელია თავის ტკივილი ან ქრონიკული დაავადებების გამწვავება. ამ დღეს ყურადღება სოციალურ საკითხებზე, ქველმოქმედებაზე და ბავშვების სწავლებაზე უნდა გაამახვილოთ. კარგი იქნება თუ ადამიანების დადებით თვისებებს აღნიშნავთ - ამისთვის მადლობას გეტყვიან.
მორიელი (24 ოქტომბერი - 22 ნოემბერი)
თავს მშვენივრად გრძნობთ და კარგი ამინდიც გყოფნით, რომ თავი ბედნიერად იგრძნოთ. ამ დღეს სრული უფლება გაქვთ, პრობლემები დაივიწყოთ და მხოლოდ ის აკეთოთ, რაც სიხარულს მოგანიჭებთ. ამ დღის ლამაზი დასასრული უფროს ნათესავებთან ვიზიტი და ოჯახური წვეულება იქნება.
მშვილდოსანი (23 ნოემბერი - 21 დეკემბერი)
დაოჯახებულ მშვილდოსნებს ამ დღეს საყვარელ ადამიანთან ნდობით და ურთიერთგაგებით სავსე ურთიერთობა ელის. მარტოხელა მშვილდოსნები კი საოცნებო ადამიანთან შეხვედრისთვის უნდა მოემზადონ. ყველა საქმის ერთდროულად კეთებას ნუ ეცდებით. გირჩევთ, ერთი, ყველაზე მნიშვნელოვანი აირჩიოთ, წინააღმდეგ შემთხვევაში დაწყებული საქმის დასრულებას ვერ შეძლებთ.
თხის რქა (22 დეკემბერი - 20 იანვარი)
ამ დღეს შეძლებთ, რომ ყველაზე მწვავე ოპონენტიც კი საკუთარ სიმართლეში დაარწმუნოთ. თქვენ წინაშე ბევრი კარი გაიხსნება, მაგრამ ყველა შეთავაზებით ერთდროულად არ ისარგებლოთ. იგივე ეხება სიყვარულს. ამ სფეროში სასიამოვნო სიურპრიზები გელით. ხელსაყრელი დღეა სახლის და აგარაკის მოწესრიგებისთვის.
მერწყული (21 იანვარი - 18 თებერვალი)
ნუ ანდობთ თქვენს საიდუმლოს ადამიანს, რომელსაც კარგად არ იცნობთ. წინააღმდეგ შემთხვევაში შეიძლება, ღალატის ან ცილისწამების ობიექტად იქცეთ. თქვენს რეპუტაციას ვერაფერი დააზარალებს, მაგრამ ნერვებს უნდა გაუფრთხილდეთ. გირჩევთ, დღე მშვიდად და აუჩქარებლად გაატაროთ და შრომატევადი საქმეების დასრულება სამომავლოდ გადადოთ.
თევზები (19 თებერვალი - 20 მარტი)
ამ დღეს მთელი ყურადღება გადაიტანეთ საქმეებზე, რომელთა მოგვარებაც შეგიძლიათ და სხვა ყველაფერი დაივიწყეთ. მოერიდეთ ადამიანებს, რომლებიც არ მოგწონთ. როგორც არ უნდა გაჩქარებდნენ, მშვიდად იმუშავეთ და ურთიერთობები შეზღუდეთ, რათა დაპირისპირება თავიდან აიცილოთ. დროა, ოჯახის უფროს წევრებს გეგმური გამოკვლევა ჩაუტაროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
