,
რას გვირჩევენ ვარსკვლავები 5 თებერვლისთვის:
ვერძი
შეიძლება, რომ უნებლიეთ ვიღაცას შეურაცხყოფა მიაყენოთ. ვარსკვლავები დაუფიქრებელი მოქმედებისკენ გიბიძგებენ. ალბათ ამიტომ, ჯერ ლაპარაკობთ და შემდეგ ამის მოსალოდნელ შედეგებზე ფიქრობთ.
ემოციებს აყოლილმა შეიძლება შემთხვევით სხვისი საიდუმლო გაამჟღავნოთ ან თანამოსაუბრეს მწარე სიმართლე სახეში მიახალოთ. გირჩევთ, იქ წახვიდეთ, სადაც ხმამაღალი მუსიკა ისმის და ყველა ცეკვავს - აქ თქვენს საუბარს ვერავინ გაიგებს.
კურო
ამ დღეს ძალიან ფრთხილად უნდა იყოთ, განსაკუთრებით საყვარელ ადამიანებთან ურთიერთობის დროს. თქვენმა კრიტიკულმა შენიშვნებმა და უხეშობამ შეიძლება ურთიერთობები მთლიანად დაანგრიოს.
ვარსკვლავები გირჩევენ, რომ მტკივნეულ და დელიკატურ თემებზე საუბარს მოერიდოთ. ამით პრობლემის გადაჭრას მაინც ვერ შეძლებთ, გამწვავებას კი ადვილად მოახერხებთ.
ტყუპები
გარშემო მყოფებმა შეიძლება უაზრო დისკუსიაში ან კონფლიქტში ჩაგითრიონ. გრძნობთ, რომ ვიღაც თქვენი ემოციებით ვამპირივით იკვებება, მაგრამ არაფრის შეცვლა შეგიძლიათ.
ვარსკვლავები გირჩევენ, არაკომფორტული სიტუაციისა თუ ადამიანებისგან თავი შორს დაიჭიროთ. ნუ მისცემთ ვამპირებს საშუალებას, რომ ძალა გამოგაცალონ დ ამით გაანადგურებთ.
კირჩხიბი
ამ დღეს თქვენი წარმატების გასაღები პრინციპული მოქმედება იქნება! შეგიძლიათ, თამამი ნაბიჯი გადადგათ, მთავარია, რომ ის კარგად გააზრებული იყოს, განსაკუთრებით თუ საქმე ფინანსებს ეხება.
ასე რომ, თუ სათადარიგო გეგმა გაქვთ, რომლის დასაწყებად გამბედაობა არ გეყოთ, დროა მოქმედება დაიწყოთ.
ლომი
ამ დღეს მზად ხართ, გარშემომყოფებს მწარე სიმართლე პირდაპირ სახეში მიახალოთ. თქვენი ქცევა რომ ჩხუბის მიზეზი არ გახდეს, ეცადეთ ვნებები დაიცხროთ და ემოციები აკონტროლოთ.
თუ გარშემო მყოფები „ფეხებში არ გედებიან“ და ხელს არ გიშლიან, შეგიძლიათ შეუძლებელი შეძლოთ.
ქალწული
ეცადეთ, უფროსს თვალში არ მოხვდეთ, რათა ბრაზი თქვენზე არ იყაროს. საუბარია ადამიანზე, რომელზედაც გარკვეულწილად დამოკიდებული ხართ: მშობელი, საყვარელი ადამიანი, მეგობარი...
იმისთვის, რომ დღემ ექსცესების გარეშე ჩაიაროს, საკუთარ თავსა და გარშემომყოფებს შორის იუმორისა და მომხიბვლელობის ფარი უნდა ჩააყენოთ.
სასწორი
მზად იყავით იმისთვის, რომ საკუთარი ინტერესების დაცვა მოგიწევთ. ეს შეიძლება სასამართლო პროცესი, ფინანსური დავა ან ბრალდებები იყოს.
საეჭვოა, რომ ამ სიტუაციაში გამარჯვება დაგრჩეთ და საკუთარი სიმართლის დამტკიცება შეძლოთ. „რკინის არგუმენტებიც“ რომ გქონდეთ, ვარსკვლავები გირჩევენ უკეთეს დროს დაელოდოთ, როდესაც გამარჯვების მეტი შანსი გექნებათ.
მორიელი
მოქმედების დროა! გახსოვდეთ, რომ გეგმები ოდესმე უნდა განხორციელდეს. შესაძლოა, რომელიმე პროექტის დაწყებას, საკუთარი გრძნობების აღიარებას ან საოცნებო ნივთის შეძენას ვერ ბედავთ, მაგრამ ეს დღე საშუალებას გაძლევთ, თამამად იმოქმედოთ და მიზანს მიაღწიოთ. ნუ ნერვიულობთ, ნებისმიერი გზა პირველი ნაბიჯით იწყება.
მშვილდოსანი
ამ დღეს რაღაცის გამოსწორების შესაძლებლობა მოგეცემათ. ეს შეიძლება საყოფაცხოვრებო საკითხებს, სამსახურს ან საყვარელ ადამიანებთან ურთიერთობას ეხება.
რა თქმა უნდა, შეცდომების აღიარება ადვილი არ არის, მაგრამ შეცდომას ყველა უშვებს. იმის აღიარებით, რომ შეცდით, მხრებიდან მნიშვნელოვან ტვირთს მოიცილებთ და თქვენ წინაშე ახალი პერსპექტივები გაიხსნება.
თხის რქა
დილიდან საბრძოლოდ განწყობილი ხართ და დაუნდობლად უსწორდებით ყველას, ვინც თქვენთვის ხელის შეშლას ცდილობს. ამ დღეს მეგობრებისა და უსამართლოდ დაჩაგრულთა დამცველიც გახდებით.
ერთი მხრივ, ასეთი საბრძოლო განწყობა ოპონენტების განადგურების საშუალებას მოგცემთ, მეორე მხრივ, შეიძლება რამდენიმე ახალი მტერი ან ახალი მეგობარი შეიძინოთ.
მერწყული
ვარსკვლავები გირჩევენ, უარი თქვათ შემოვლით გზებზე იქ, სადაც პირდაპირ შეიძლება იაროთ. გახსოვდეთ, რომ პირდაპირი გზა ყველაზე მოკლეა!
თქვენი წარმატების სტრატეგია მარტივია: არანაირი თაღლითობა, მოტყუება და დამალვის მცდელობა. მეგობრებთან ურთიერთობაში, სამსახურსა და სიყვარულში მხოლოდ გულწრფელობა და პატიოსნება დაგეხმარებათ. მკაფიოდ ჩამოყალიბებული მიზანი მერწყულს ახალ შესაძლებლობებს შესთავაზებს.
თევზები
ამ დღეს ნებისმიერი ბუზი შეგიძლიათ სპილოდ აქციოთ. ამის გამო პრიორიტეტების განსაზღვრა გიჭირთ და ვერ გადაწყვიტეთ, რომელი საქმით დაიწყოთ და რომლით დაასრულოთ - თქვენთვის ყველა საქმე ერთნაირად მნიშვნელოვანია, ყველაფრის ერთდროულად გაკეთებას ცდილობთ და ვერაფერს ასწრებთ.
დღემ რომ უაზრო რბოლაში არ ჩაიაროს, საკუთარ აზრებსა და მოქმედებებში მეტი დისციპლინა გამოავლინეთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
