,
ვერძი (21 მარტი - 19 აპრილი)
დღეს ძალაუფლება და მოტივაცია თქვენს მხარესაა. შესანიშნავი დროა ახალი წამოწყებებისთვის, იქნება ეს კარიერული პროექტი თუ პირადი იდეების განხორციელება. ყურადღება მიაქციეთ დეტალებს, რადგან ისინი წარმატების საწინდარი გახდება. სიყვარულში მოემზადეთ სიურპრიზისთვის – შესაძლოა, თქვენი პარტნიორი განსაკუთრებული ყურადღებით გაგანებივროთ. ფინანსურ საკითხებში სიფრთხილე გმართებთ, განსაკუთრებით იმ შემთხვევაში, თუ ინვესტიციებზე ფიქრობთ.
კურო (20 აპრილი - 20 მაისი)
დღეს ფინანსური სტაბილურობა თქვენი ძირითადი საზრუნავია. გონივრულად გაანაწილეთ ხარჯები და კარგად გააანალიზეთ შემოსავალი. სამსახურში შესაძლოა ახალი შესაძლებლობა გამოგიჩნდეთ, რაც შემოსავლის გაზრდაში დაგეხმარებათ. პირად ურთიერთობებში ურთიერთგაგებას მეტი დრო დაუთმეთ – დიალოგი და ემოციური მხარდაჭერა დღეს ძალიან მნიშვნელოვანია.
ტყუპები (21 მაისი - 20 ივნისი)
თქვენი კომუნიკაციის უნარი დღეს წარმატების გასაღები იქნება. სამსახურში ან პირად ურთიერთობებში საუბარი ყველა გაუგებრობას აღმოფხვრის. დღის მეორე ნახევარში შესაძლოა მოულოდნელად საინტერესო წინადადება მიიღოთ, რაც თქვენს მომავალს პოზიტიურად შეცვლის. ახალი ნაცნობები პერსპექტიული აღმოჩნდებიან, განსაკუთრებით პროფესიულ სფეროში.
კირჩხიბი (21 ივნისი - 22 ივლისი)
დღეს განსაკუთრებული ინტუიცია და ემოციური მგრძნობელობა გექნებათ. დღის განმავლობაში უფრო მეტად ფოკუსირდით ოჯახსა და პირად ცხოვრებაზე. შესაძლოა, ახლობელთან ღრმა საუბარი საჭირო გახდეს, რაც ურთიერთობას გაამყარებს. პროფესიულ სფეროში შესაძლოა მოულოდნელი სირთულე გამოგიჩნდეთ, მაგრამ მოთმინება და ყურადღება ყველაფერს მოაგვარებს.
ლომი (23 ივლისი - 22 აგვისტო)
დღეს თქვენი ქარიზმა და ნდობა გარშემომყოფების ყურადღებას იპყრობს. შესანიშნავი დღეა სოციალური ქსელების და მეგობრული კავშირების გასამყარებლად. სამსახურში შესაძლოა თქვენს ლიდერულ თვისებებს მეტად დააფასონ, რაც მომავალში დაწინაურების საფუძველი გახდება. სიყვარულში გააქტიურებულია პოზიტიური ენერგია – გაიხსენეთ ძველი რომანტიკული ჟესტები.
ქალწული (23 აგვისტო - 22 სექტემბერი)
პრაქტიკული და გეგმური მიდგომა თქვენს სასარგებლოდ იმუშავებს. სამსახურში დეტალური გეგმების განხორციელებას შეუდექით, რადგან სწორედ ეს დაგეხმარებათ წინსვლაში. ყურადღება მიაქციეთ ფინანსურ საკითხებს – ახლა კარგი დროა სესხის ან ინვესტიციების გადასახედად. პირად ურთიერთობებში შესაძლოა პატარა გაუგებრობა გაჩნდეს, მაგრამ ღია დიალოგი ყველაფერს მოაგვარებს.
სასწორი (23 სექტემბერი - 22 ოქტომბერი)
დღეს სოციალური და დიპლომატიური უნარები თქვენს ყოველდღიურ ცხოვრებაში მნიშვნელოვან როლს შეასრულებს. შესაძლოა, მეგობრების ან კოლეგებისგან მხარდაჭერა მიიღოთ. დრო გამონახეთ საკუთარ საჭიროებებზეც, რადგან ემოციური ბალანსი მნიშვნელოვანია. საღამო იდეალურია ახლობლებისთვის თბილი ურთიერთობების დასამყარებლად.
მორიელი (23 ოქტომბერი - 21 ნოემბერი)
დღეს საკუთარ შინაგან სამყაროს და ჯანმრთელობას განსაკუთრებული ყურადღება მიაქციეთ. კარგი დღეა პირადი პრიორიტეტების გადასახედად. სამსახურში შეიძლება დასკვნითი საქმეები გამოგიჩნდეთ, რომლებიც თქვენს პროფესიულ უნარებს კიდევ ერთხელ გაამყარებს. ურთიერთობებში ეცადეთ ემოციები გააკონტროლოთ, რათა კონფლიქტებს თავი აარიდოთ.
მშვილდოსანი (22 ნოემბერი - 21 დეკემბერი)
დღეს ახალი იდეების და ინსპირაციის დღეა. შეიძლება მოულოდნელი შესაძლებლობები მიიღოთ განათლების, მოგზაურობის ან კრეატიული პროექტების კუთხით. თქვენი პოზიტიური განწყობა და ენთუზიაზმი გარშემომყოფებზე დადებით გავლენას მოახდენს. მეგობრებთან და ახლობლებთან ურთიერთობა სასიამოვნო ემოციებით აგავსებთ.
თხის რქა (22 დეკემბერი - 19 იანვარი)
დღეს თქვენი პასუხისმგებლობა და ორგანიზებულობა განსაკუთრებულად შესამჩნევი იქნება. სამსახურში წარმატებული დღე გელოდებათ, განსაკუთრებით თუ გეგმას მიჰყვებით. პირად ცხოვრებაში მეტი მოთმინება გამოიჩინეთ, რადგან პარტნიორი შეიძლება მხარდაჭერას ითხოვდეს. საღამო მშვიდ გარემოში გაატარეთ, რათა ენერგია აღიდგინოთ.
მერწყული (20 იანვარი - 18 თებერვალი)
დღეს საზოგადოებრივი საქმიანობა და მეგობრებთან ურთიერთობა სასარგებლო და საინტერესო იქნება. შესაძლოა, თქვენი იდეები ვინმესთვის მოულოდნელი და შთამაგონებელი აღმოჩნდეს. კარიერულად მოულოდნელად მნიშვნელოვანი წინადადება შეიძლება მიიღოთ. იყავით გულწრფელი და ღია ახალი კონტაქტებისთვის.
თევზები (19 თებერვალი - 20 მარტი)
დღეს თქვენი ინტუიცია და შემოქმედებითი ენერგია გაძლიერებულია. დრო დაუთმეთ საკუთარ სურვილებს და იდეებს – ისინი შესაძლოა ახალ შესაძლებლობებს მოგიტანონ. სამსახურში დეტალებზე ფოკუსირებამ შეიძლება პრობლემების მოგვარებაში დახმარება გაგიწიოთ. პირად ურთიერთობებში გულწრფელობა და ემოციური მხარდაჭერა ძალიან მნიშვნელოვანი იქნება.
რჩევა ყველა ნიშნისთვის:
იყავით ღია ახალ იდეებისთვის და არ შეუშინდეთ ცვლილებებს. დღევანდელი ენერგია ხელს უწყობს არა მხოლოდ მიღწევების, არამედ ურთიერთობების გაღრმავებასაც.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
