,
რას გვირჩევენ ვარსკვლავები 4 თებერვლისთვის :
ვერძი
ამ დღეს იმდენად დამაჯერებელი ხართ, რომ საკუთარ სიმართლეში ნებისმიერი ადამიანის დარწმუნებას მოახერხებთ. თქვენი ენთუზიაზმი იმდენად გადამდებია, ყურადღებას არავინ აქცევს, ფაქტებს რომ აზვიადებთ და ნაჩქარევი დასკვნები გამოგაქვთ.
დღეს თქვენი იდეა რაც უფრო ფანტასტიკური იქნება, მით უფრო მეტი თანამოაზრე გეყოლებათ. სიზუსტე და ლოგიკა კი შეგიძლიათ რომელიმე სხვა, უფრო მოსაწყენ დღეს გამოიყენოთ.
კურო
დროდადრო თავში საინტერესო იდეები მოგდით, მაგრამ ვარსკვლავები გირჩევენ, მათი განხორციელება არ სცადოთ.
თქვენს ოცნებას საცხოვრებელი სახლის იერი აქვს. ჭერის მოხატვა, კედელში აკვარიუმის ჩაშენება, ვერანდაზე სარწეველა სავარძელი - ეს თქვენი გეგმების მხოლოდ ნაწილია. ჯერჯერობით ამის გაკეთება არ ღირს, თუმცა შეიძლება, ოდესმე გეგმის განხორციელების დროც დადგეს.
ტყუპები
ემოციებით სავსე დღეა, განწყობა ყოველ წუთს გეცვლებათ. თქვენთან გამკლავება უახლოეს ადამიანებსაც კი უჭირთ, განსაკუთრებით მაშინ, როდესაც თქვენი ბობოქარი ემოციები თავზე ატყდებათ.
თუ თავის ხელში აყვანას შეძლებთ, ეს თქვენი იარაღი გახდება, რაც დაბრკოლებების გადალახვაში დაგეხმარებათ.
კირჩხიბი
ფინანსურ საკითხებში მეტი სიფრთხილე უნდა გამოიჩინოთ - მოსალოდნელია შეცდომები. არ არის გამორიცხული, რომ რომელიღაც საკითხის მოსაგვარებლად არასაკმარისი ინფორმაცია გაქვთ.
თქვენი რეპუტაცია და საფულე რომ არ დაზარალდეს, ნუ შეეჭიდებით საქმეს, რომელშიც ვერ ერკვევით. სადავო საკითხებზე სასურველია, კონსულტაცია პროფესიონალებთან გაიაროთ.
ლომი
ამ დღეს მნიშვნელოვანი გადაწყვეტილებების მიღებას უნდა მოერიდოთ - გამორიცხული არ არის, რომ სასურველი რეალობად აღიქვათ.
თავში ბრწყინვალე იდეა მოგივიდათ? მშვენიერია, მაგრამ სანამ მის განხორციელებას შეუდგებით, რამდენიმე დღე უნდა დაიცადოთ.
სხვა მხრივ, მშვენიერი დღეა. შეგიძლიათ ცხოვრებით დატკბეთ და მნიშვნელოვანი გადაწყვეტილებები სხვა დროისთვის შეინახოთ.
ქალწული
შესაძლოა, თქვენს უფროსს მოეჩვენოს, რომ არასაკმარისად ხართ დატვირთული და ახალი მოვალეობები დაგაკისროთ ან კოლეგებმა გადაწყვიტონ, რომ მათ ნაცვლად, საქმე თქვენ უნდა აკეთოთ.
დროა, სიმტკიცის გამოვლენა და „არა“-ს თქმა ისწავლოთ, სხვა შემთხვევაში, ვიღაც თქვენს გამოყენებას აუცილებლად მოახერხებს.
სასწორები
ამ დღეს ვიღაც თქვენს ცდუნებას ცდის. შეიძლება მიმზიდველი შეთავაზება მიიღოთ ან მომხიბვლელი ადამიანი გაიცნოთ. გამორიცხული არ არის, რომ რაღაც აკრძალულის გაკეთების სურვილი გაგიჩნდეთ.
ვარსკვლავები გირჩევენ გადაწყვეტილების მიღებამდე ყველა მოსალოდნელი შედეგი გათვალოთ.
მორიელი
სიტუაციამ თქვენგან შეიძლება პროფესიული უნარების სრულად გამოვლენა მოითხოვოს. სავარაუდოდ, გარშემო მყოფებისთვის რაიმე საკითხში საკუთარი კომპეტენციის დამტკიცება მოგიწევთ. საჭირო ცოდნა და უნარები არ გაკლიათ, ამიტომ ნებისმიერ დავალებას გაუმკლავდებით.
მშვილდოსანი
შესანიშნავ განწყობაზე ხართ და ნებისმიერ საქმეს ადვილად უმკლავდებით. ძველი პრობლემა, რომელიც დიდი ხანია, ტვირთად გაწევთ, თავისთავად მოგვარდება.
გარდა ამისა, შესანიშნავი დღეა ურთიერთობის გასაუმჯობესებლად - ამ დღეს თქვენს მომხიბვლელობას ვერავინ გაუძლებს.
თხის რქა
თქვენი წარმატების გასაღები სიფრთხილეა. არ არის გამორიცხული, რომ ვიღაც ახლობელმა თქვენი არაინფორმირებულობით ისარგებლოს და მოგატყუოთ ან ინიციატივა წაგართვათ.
ახლა წინდახედულობა და ორმაგი სიფხიზლე გმართებთ. ნუ გახდებით საეჭვო სქემების მონაწილე, რომელშიც თქვენს ჩათრევას ეცდებიან.
მერწყული
ვარსკვლავები მერწყულს ჰარმონიულ დღეს და სიყვარულს ჰპირდებიან. შესაძლებელია, რომ ამ დღემ მარტოხელა მერწყულს რომანტიკული სიურპრიზი ან პერსპექტიული ნაცნობობა მოუტანოს.
თუ საყვარელი ადამიანი გყავთ, გირჩევთ ეს დღე ერთად გაატაროთ.
თევზები
გირჩევთ ამ დღეს ახალი საქმის ან პროექტის დაწყებას ერიდოთ. ეს დღე უბრალო ცხოვრებისეულ სიამოვნებებს უნდა დაუთმოთ. ახლა ყველაფერი გაღიზიანებთ, რაც სამსახურს და მეტ-ნაკლებად შრომატევად საქმეებს უკავშირდება.
ვარსკვლავები გირჩევენ, ის აკეთოთ, რაც ყველაზე კარგად გამოგდით - ცხოვრებით დატკბეთ და არაფერზე იფიქროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
