13:41,
04/06
♈ ვერძი (21 მარტი - 19 აპრილი)
დღეს ენერგია გაქვს, მაგრამ მისი სწორად გამოყენებაა საჭირო. ოჯახში შესაძლოა უთანხმოება გაჩნდეს, განსაკუთრებით ფინანსურ საკითხებზე. ბიზნესში ფრთხილად იყავი – არ მიიღო გადამწყვეტი გადაწყვეტილებები. სიყვარულში შეიძლება მოულოდნელი გრძნობა გაგიჩნდეს, მაგრამ დაფიქრდი, ღირს თუ არა ამაზე მოქმედება. კარიერაში უფრო მეტი მოთმინება გმართებს – შენს გეგმებს დრო სჭირდება.
♉ კურო (20 აპრილი - 20 მაისი)
მშვიდი, მაგრამ მოლაპარაკებებით დატვირთული დღეა. ჯანმრთელობის მხრივ ყურადღება მიაქციე ხერხემალს. ოჯახის წევრები შენს აზრებს გაუგებენ, თუ გულწრფელად ისაუბრებ. ბიზნესში ფინანსური შესაძლებლობები ჩნდება, მაგრამ კარგად გათვალე ყველა ნაბიჯი. სიყვარულში, თუ მარტოხარ, შესაძლოა, ვიღაცამ გაგაკვირვოს. კარიერაში მნიშვნელოვანი შეხვედრები გელოდება – იყავი მომზადებული.
♊ ტყუპები (21 მაისი - 20 ივნისი)
აქტიური და კომუნიკაციისთვის შესაფერისი დღეა. ჯანმრთელობასთან დაკავშირებით მცირე დაღლილობა ან ალერგიული რეაქციები შეიძლება გაწუხებდეს. ოჯახში ახალი იდეები გაჩნდება, მაგრამ ყველა არ დაეთანხმება. ბიზნესში თუ გამბედაობა გეყოფა, საინტერესო კავშირებს დაამყარებ. სიყვარულში არ იჩქარო – დაფიქრდი, რა გინდა სინამდვილეში. კარიერაში საჭიროა მეტი ინიციატივის გამოჩენა.
♋ კირჩხიბი (21 ივნისი - 22 ივლისი)
დღეს ემოციებით აღსავსე ხარ, მაგრამ ეცადე, ზედმეტად არ ჩაიციკლო. ჯანმრთელობის მხრივ საჭმლის მომნელებელი სისტემა გაითვალისწინე. ოჯახში შესაძლოა ვიღაცამ შენგან მეტი ყურადღება მოითხოვოს. ბიზნესში ახალი იდეები გაჩნდება, მაგრამ არ იჩქარო ინვესტიციების ჩადება. სიყვარულში შენს გრძნობებში გარკვევაა საჭირო. კარიერაში კი უმჯობესია, არსებული პროექტები დაასრულო.
♌ ლომი (23 ივლისი - 22 აგვისტო)
დღეს შენს ხიბლს კარგად გამოიყენებ. ჯანმრთელობის მხრივ სტრესი უნდა აკონტროლო. ოჯახში მცირე კამათია მოსალოდნელი, მაგრამ სერიოზულ კონფლიქტად არ გადაიქცევა. ბიზნესში შეიძლება ახალი პარტნიორი გამოჩნდეს. სიყვარულში საინტერესო განვითარება გელოდება, მაგრამ შენი სიჯიუტე შესაძლოა ხელისშემშლელი გახდეს. კარიერაში ლიდერობის შანსი გაქვს, თუმცა სხვისი აზრებიც უნდა გაითვალისწინო.
♍ ქალწული (23 აგვისტო - 22 სექტემბერი)
პრაქტიკული და გონივრული გადაწყვეტილებების დღეა. ჯანმრთელობასთან დაკავშირებით დაისვენე და ორგანიზმი არ გადაიტვირთო. ოჯახში სიმშვიდე შეინარჩუნე, რომ კონფლიქტს არ დაუთმო ენერგია. ბიზნესში ან კარიერაში ახალი შესაძლებლობა გამოჩნდება, მაგრამ ფრთხილად შეისწავლე დეტალები. სიყვარულში ემოციური სიურპრიზი გელოდება.
♎ სასწორი (23 სექტემბერი - 22 ოქტომბერი)
დღეს დაბალანსებული დამოკიდებულება გჭირდება ყველაფრის მიმართ. ჯანმრთელობის მხრივ მენტალური სიმშვიდე შეინარჩუნე. ოჯახში შესაძლოა გადაწყვეტილებები შენს თავზე დაგეკისროს. ბიზნესში ახალი იდეების განხილვა კარგი იქნება, მაგრამ ჯერ მოქმედებისთვის არ არის საუკეთესო დრო. სიყვარულში გარკვეული გაუგებრობა შეიძლება გაჩნდეს. კარიერაში სტაბილურობის შენარჩუნება ჯობს, ვიდრე რადიკალური ცვლილებები.
♏ მორიელი (23 ოქტომბერი - 21 ნოემბერი)
ინტუიცია დღეს განსაკუთრებულად გაწვდება. ჯანმრთელობის მხრივ ძილის რეჟიმი გაიმარტივე. ოჯახში ურთიერთობები უფრო ღრმა და გულწრფელი ხდება. ბიზნესში შეიძლება მნიშვნელოვანი ადამიანი გაიცნო, რომელიც მომავალში დაგეხმარება. სიყვარულში ძლიერ ემოციებს იგრძნობ, მაგრამ მოთმინება გმართებს. კარიერაში სიფრთხილეა საჭირო – ზედმეტად არ გამოაჩინო ყველა შენი გეგმა.
♐ მშვილდოსანი (22 ნოემბერი - 21 დეკემბერი)
დღეს ახალი პერსპექტივები გაჩნდება. ჯანმრთელობასთან დაკავშირებით აქტიურობა და სუფთა ჰაერზე გასვლა გიშველის. ოჯახში შესაძლოა ვიღაცამ შენზე ძალიან დიდი იმედი დაამყაროს. ბიზნესში შეიძლება მოულოდნელი შანსი გამოჩნდეს, მაგრამ სწრაფი რეაგირებაა საჭირო. სიყვარულში მეტი გულწრფელობა უნდა გამოიჩინო. კარიერაში კი, თუ ყურადღებით იმოქმედებ, წარმატებას მიაღწევ.
♑ თხის რქა (22 დეკემბერი - 19 იანვარი)
დღეს პრაქტიკულობა გადაგარჩენს. ჯანმრთელობასთან დაკავშირებით ენერგიის გადანაწილება სწორი იქნება. ოჯახში შეიძლება მნიშვნელოვანი საუბარი გქონდეს. ბიზნესში ახალი სტრატეგია დაგჭირდება, მაგრამ არ იჩქარო გადაწყვეტილებების მიღება. სიყვარულში შენი სერიოზულობა ვიღაცას დააფრთხობს – ცოტა გართობაც უნდა ისწავლო. კარიერაში ფოკუსი მიზნებზე შეინარჩუნე.
♒ მერწყული (20 იანვარი - 18 თებერვალი)
დღეს მოულოდნელი მოვლენებია მოსალოდნელი. ჯანმრთელობის მხრივ წყლის მეტი მიღება გჭირდებათ. ოჯახში შესაძლოა ვიღაცამ შენგან დახმარება ითხოვოს. ბიზნესში ახალი იდეების გაღრმავება სწორი იქნება, მაგრამ ინვესტიციებს ერიდე. სიყვარულში უფრო გულწრფელი უნდა იყო. კარიერაში კი საჭიროა მეტი ყურადღება დეტალებზე.
♓ თევზები (19 თებერვალი - 20 მარტი)
დღეს შემოქმედებითი ენერგია გექნება. ჯანმრთელობის მხრივ დასვენება არ გაწყენდა. ოჯახში სითბო და ურთიერთგაგება სჭირდებათ შენს ახლობლებს. ბიზნესში შესაძლოა შანსი მოგეცეს, მაგრამ სჯობს, ჯერ კარგად შეისწავლო გარემო. სიყვარულში მეტი გულწრფელობა და პირდაპირობაა საჭირო. კარიერაში კი ფრთხილად იმოქმედე – ნაჩქარევ გადაწყვეტილებებს მოერიდე.
4 აპრილს საჭიროა მეტი ყურადღება და მოზომილი ნაბიჯები. ზოგს ახალი შესაძლებლობები ექნება, ზოგს კი მეტი მოთმინება დასჭირდება.
იყავი სიფრთხილით მომზადებული, მაგრამ არ დაკარგო საკუთარი თავის რწმენა!
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
