USD 2.7503
EUR 3.1249
RUB 3.3429
Tbilisi
ასტროლოგი - რას გვპირდება 4 აპრილი?
Date:  996

რას გვირჩევენ ვარსკვლავები 4 აპრილისთვის:

ვერძი (21 მარტი - 20 აპრილი)

დილიდან სიზარმაცეს ებრძვით, რომ ამ დღეს დაგეგმილი საქმეების დასრულება შეძლოთ. ყურადღებას ნუ მოადუნებთ - ვიღაც თქვენ მოტყუებას ცდილობს, ამიტომ შესრულებული სამუშაო კარგად უნდა შეამოწმოთ. მოერიდეთ ჭორაობას და უსარგებლო საუბრებს, განსაკუთრებით სამსახურში. სასურველია საღამო სახლში, მეგობრებთან და ოჯახის წევრებთან ერთად გაატაროთ.

კურო (21 აპრილი - 21 მაისი)

სანამ ახალ საქმეს დაიწყებთ, ძველი უნდა დაასრულოთ, რომელსაც მუდმივად სამომავლოდ ინახავთ. არახელსაყრელი გარემოებები შესაძლებლობას მოგცემთ, რომ თქვენი საუკეთესო თვისებები გამოავლინოთ და საკუთარ თავში დაფარული ნიჭი აღმოაჩინოთ. მოერიდეთ უხეშობას საყვარელ ადამიანთან ურთიერთობისას, მით უმეტეს, რომ ამის მიზეზიც არ გაქვთ.

ტყუპები (22 მაისი - 21 ივნისი)

კარგი განწყობა და მებრძოლი სულისკვეთება დაგეხმარებათ, მნიშვნელოვან საქმეში გარღვევა მოახდინოთ და კოლეგების ყურადღება დაიმსახუროთ. ეცადეთ, საკუთარი შესაძლებლობები ობიექტურად შეაფასოთ და ნუ დაგეგმავთ იმას, რისი გაკეთებაც არ შეგიძლიათ. ვარსკვლავების მხარდაჭერა სირთულეების გადალახვაში დაგეხმარებათ, ამიტომ შეგიძლიათ, საღამოს დაისვენოთ ან მეგობრების გარემოცვაში გაერთოთ.

კირჩხიბი (22 ივნისი - 22 ივლისი)

ახალ გარემოებებთან შესაგუებლად შეიძლება კომფორტის ზონიდან გასვლა და დიპლომატიური თვისებების გამოვლენა მოგიწიოთ, მაგრამ მიღებული გამოცდილება სამომავლოდ ძალიან დაგეხმარებათ. 4 აპრილს საინტერესო ადამიანების გაცნობის ან შემოსავლის მიღების შანსი გექნებათ, რომელიც უნდა გამოიყენოთ. მოერიდეთ ნებისმიერ კამათს და ორაზროვან ხუმრობას.

ლომი (23 ივლისი - 23 აგვისტო)

გამორიცხული არ არის, რომ ფეთქებადი ხასიათის გამო საყვარელ ადამიანთან ურთიერთობა გაიფუჭოთ. ვარსკვლავები გირჩევენ, რომ ემოციები აკონტროლოთ და, სანამ რაიმეს იტყვით, ათამდე დაითვალოთ. პლანეტების ხელსაყრელი განლაგების წყალობით, ეს დღე ახალ, საინტერესო შესაძლებლობებს გპირდებათ, ამიტომ სახლიდან უნდა გახვიდეთ და ახალი ადამიანები გაიცნოთ.

ქალწული (24 აგვისტო - 23 სექტემბერი)

რაც უფრო მეტს ისაუბრებთ თქვენი წარმატებებისა და საინტერესო გეგმებისა შესახებ, მით უფრო მაღალია მოგებიანი შეთავაზების მიღების შანსი. ნუ მოგერიდებათ საკუთარი ნიჭისა და საქმიანი თვისებების გამოვლენა. ზოგჯერ თვითრეკლამა საუკეთესო გადაწყვეტილებაა. ხელსაყრელი დროა ახალი პროექტის დასაწყებად, რომელზედაც დიდი ხანია ფიქრობთ. თუ მოსალოდნელ რისკებს გაითვალისწინებთ, შეიძლება შეცდომები თავიდან აიცილოთ.

სასწორი (24 სექტემბერი - 23 ოქტომბერი)

დღის პირველ ნახევარში უცნობ ადამიანებთან ურთიერთობისას სიფრთხილე და წინდახედულობა უნდა გამოიჩინოთ. გამორიცხული არ არის, რომ ვიღაცამ არასწორი ინფორმაციით თქვენი მოტყუება სცადოს. უახლოეს მომავალში გაუთვალისწინებელი ხარჯი გელით, ამიტომ კარგი იქნება, თუკი შემოსავლის ახალ წყაროებს მოიძიებთ. გირჩევთ, საღამოს ოჯახთან ერთად მნიშვნელოვანი საკითხები განიხილოთ.

მორიელი (24 ოქტომბერი - 22 ნოემბერი)

რთული და დაძაბული დილა გელით, მაგრამ რაც არ უნდა მოხდეს, საყვარელ ადამიანებთან არ უნდა იჩხუბოთ. მუშაობის დროს წვრილმანებს ყურადღება მიაქციეთ და ნუ აჩქარდებით, რათა უახლოესი დღეები საკუთარი შეცდომების გამოსწორებას არ მოანდომოთ. საღამოს სუფთა ჰაერზე სეირნობა სტრესისგან გაგათავისუფლებთ.

მშვილდოსანი (23 ნოემბერი - 21 დეკემბერი)

სიმშვიდისა და თავდაჯერებისთვის სამუშაო ადგილის მოწესრიგება, ზედმეტი ნივთებისა თუ ფიქრებისგან გათავისუფლება გჭირდებათ. ვარსკვლავები ამბობენ, რომ თუ მეტს იაქტიურებთ, თქვენ წინაშე გაიხსნება კარი, რომელიც დიდხანს დაკეტილი იყო. აკონტროლეთ საკუთარი სიტყვები, რათა ვიღაცას დაუმსახურებლად გული არ ატკინოთ. პირად ურთიერთობებში ეძებეთ კომპრომისები და საყვარელ ადამიანებზე ზეწოლას მოერიდეთ.

თხის რქა (22 დეკემბერი - 20 იანვარი)

ისეთი განცდა გაქვთ, რომ ვიღაცამ მკაცრი შეზღუდვები დაგიწესათ და საკუთარ დროსა და რესურსებს თავისუფლად ვერ მართავთ. ვარსკვლავები გირჩევენ, რომ ამ დღეს არავის ენდოთ, რადგან ვიღაც თქვენით მანიპულირებას და საკუთარი ინტერესებისთვის გამოყენებას ცდილობს. ეცადეთ წარსულთან შეხვედრისას ძველი შეცდომები არ გაიმეოროთ.

 მერწყული (21 იანვარი - 18 თებერვალი)

ამ დღეს ემოციური ფონი მომატებულია, ამიტომ გამორიცხული არ არის, რომ კოლეგასთან ურთიერთობის გარკვევა სცადოთ. ვარსკვლავები გირჩევენ, რომ ვითარება არ გაამწვავოთ და ყურადღება მუშაობაზე გადაიტანოთ. წარმატება ადვილად არ მოდის, მაგრამ წინააღმდეგობები არ გაშინებთ და მზად ხართ, დაძლიოთ.

თევზები (19 თებერვალი - 20 მარტი)

კარგი დღეა თვითანალიზისა და შესრულებული სამუშაოს შეფასებისთვის. დაფიქრდით, იქნებ თქვენს გეგმებს შეცვლა ან შესწორება სჭირდება. უსარგებლო საუბრებში დრო რომ არ დაკარგოთ, ეცადეთ განმარტოებით იმუშაოთ. განსაკუთრებული ყურადღება ერთი შეხედვით უმნიშვნელო წვრილმანებს უნდა მიაქციოთ. ოპტიმიზმი და პოზიტიური განწყობა გეგმის განხორციელებაში დაგეხმარებათ.

culture
კულტურის სამინისტრომ დათო დოიაშვილი თეატრის ხელმძღვანელის თანამდებობიდან გაათავისუფლა

კულტურის სამინისტრომ დავით დოიაშვილი “ვასო აბაშიძის სახელობის მუსიკისა და დრამის თეატრის” ხელმძღვანელის თანამდებობიდან გაათავისუფლა. შესაბამის განცხადებას საქართველოს კულტურის სამინისტრო ავრცელებს.

კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან "არაერთგზის გაფრთხილების" მიუხედავად, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ "ვალდებულებას არ ასრულებდა", ხოლო თეატრში შემოქმედებითი პროცესი თვეების მანძილზე შეჩერებული იყო.

“ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრი” არის სახელმწიფოს მიერ დაფუძნებული საჯარო სამართლის იურიდიული პირი.

სახელმწიფო პროფესიული თეატრი, ისევე, როგორც ნებისმიერი სხვა სსიპ-ი ანგარიშვალდებულია და აქვს კანონით დაკისრებული მოვალეობა, აღასრულოს მიზნები, რისთვისაც სახელმწიფომ დააფუძნა.

კერძოდ, თეატრში შემოქმედებითი საქმიანობა უნდა ხორციელდებოდეს ისევე უწყვეტად, როგორც სახელმწიფო ბიუჯეტიდან მისი დაფინანსება ხორციელდება.

საქართველოს კულტურის სამინისტროს მხრიდან არაერთგზის გაფრთხილების მიუხედავად, სამწუხაროდ, “ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის” ხელმძღვანელობა სადამფუძნებლო მიზნებით გათვალისწინებულ ამ ვალდებულებას არ ასრულებდა. სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო.

აქედან გამომდინარე, კულტურის სამინისტრომ, როგორც სსიპ “ვასო აბაშიძის სახელობის მუსიკისა და დრამის თეატრის” დამფუძნებელმა უწყებამ, მიიღო კანონისმიერი გადაწყვეტილება, სსიპ-ის უწყვეტ და გამართულ ფუნქციონირებაზე პასუხისმგებელი პირის, თეატრის ხელმძღვანელის, დავით დოიაშვილის თანამდებობიდან გათავისუფლების შესახებ”, - აღნიშნულია განცხადებაში.

See all
Survey
ვინ გაიმარჯვებს რუსეთ - უკრაინის ომში?
Vote
By the way