რას გვირჩევენ ვარსკვლავები 30 ნოემბრისთვის:
ვერძი (21 მარტი - 20 აპრილი)
გირჩევთ, თქვენი გეგმები და იდეები კოლეგებს გაუზიაროთ - შესაძლოა, ვიღაც თქვენი პროექტით დაინტერესდეთ და მოგებიანი თანამშრომლობა შემოგთავაზოთ. 30 ნოემბერს რთული სამუშაო გელით - ეცადეთ, მოთმინებით აღიჭურვოთ და საკუთარი ვალდებულებები დროულად შეასრულოთ.
კურო (21 აპრილი - 21 მაისი)
ვარსკვლავები გირჩევენ, თვალი ადევნოთ თქვენ გარშემო რა ხდება და ყურადღებით უსმინოთ, რას ამბობენ ახლობელი ადამიანები. სიტუაციის კონტროლი დაგეხმარებათ, რომ საბედისწერო შეცდომა თავიდან აიცილოთ. კოლეგებთან და მეგობრებთან ურთიერთობა განწყობას აგიმაღლებთ. თუ ვინმესთან შერიგებას და მობოდიშებას აპირებთ, უკეთეს დროს ვერ იპოვით.
ტყუპები (22 მაისი - 21 ივნისი)
გეგმის განხორციელება გაგიადვილდებათ, თუ ყველა წვრილმანს კარგად შეისწავლით და არც სათადარიგო ვარიანტის შესახებ დაივიწყებთ. მოულოდნელმა სიახლემ შეიძლება დაგაბნიოთ და გამოსავლის ძიება გაიძულოთ. კარგი დღეა რომანტიკული პაემნისთვის - ეცადეთ, საყვარელი ადამიანი სასიამოვნო სიურპრიზით გააოცოთ. საღამოს გარშემო მყოფებთან ურთიერთობა გაადვილდება და შესაძლოა, ყველასთვის მისაღები გადაწყვეტილების პოვნაც შეძლოთ.
კირჩხიბი (22 ივნისი - 22 ივლისი)
რთული და ემოციურად დაძაბული დღეა. შეეცადეთ, თქვენ გარშემო მიმდინარე მოვლენები აკონტროლოთ. შესაძლოა, მოგებიანი შეთავაზება მიიღოთ, რომელსაც აუცილებლად დათანხმდით - ფინანსური სარგებლის გარდა, ის საჭირო გამოცდილებასაც მოგიტანთ. თუ შესაძლებელია, შეწყვიტეთ ურთიერთობა ადამიანთან, ვინც მუდმივად პრობლემებს გიქმნით.
ლომი (23 ივლისი - 23 აგვისტო)
ნუ დათანხმდებით იმას, რაც თქვენს პრინციპებს ან ინტერესებს ეწინააღმდეგება. უკან ნუ დაიხევთ და ეცადეთ საკუთარი სიმართლე დაამტკიცოთ. სავარაუდოდ, ერთობლივი საქმე კარგ ფინანსურ შემოსავალს მოგიტანთ. ახალ, საინტერესო იდეებზე უარს ნუ იტყვით და აუცილებელი ინფორმაცია, მოიძიეთ. მოერიდეთ გულწრფელობას, განსაკუთრებით იმ ადამიანებთან, ვისაც კარგად არ იცნობთ.
ქალწული (24 აგვისტო - 23 სექტემბერი)
დღევანდელი პრობლემების ტრადიციული გზებით მოგვარება გაგიჭირდებათ, ამიტომ ეცადეთ, უფრო გააქტიურდეთ და შემოქმედებითად იაზროვნოთ. ვარსკვლავების განლაგება სარისკო მოქმედებებისა და ექსპერიმენტებისთვის ხელსაყრელია, ამიტომ შეგიძლიათ თამამად იმოქმედოთ.
სასწორი (24 სექტემბერი - 23 ოქტომბერი)
ამ დღეს ზოგ საკითხზე აზრს შეიცვლით და ახლებურად იმოქმედებთ - თქვენი "დიახ" იქნება "დიახ" და "არა" იქნება "არა". სამყაროს შავ-თეთრად დაყოფის ასეთი კატეგორიული მცდელობა, რა თქმა უნდა, შეხვდება სხვების წინააღმდეგობას, მაგრამ ყოველთვის არ არის საჭირო, ვინმეს რამე უმტკიცოთ. ვარსკვლავები გირჩევენ, პირად ურთიერთობებში ინიციატივა თავად აიღოთ და თქვენს საყვარელ ადამიანს მზრუნველობა არ მოაკლოთ.
მორიელი (24 ოქტომბერი - 22 ნოემბერი)
ენერგიით სავსე ხართ, რაც საშუალებას მოგცემთ, ურთულეს ამოცანებს შეეჭიდოთ და ერთდროულად რამდენიმე საკითხს გაუმკლავდეთ. სავარაუდოდ, მნიშვნელოვან ამბავს გაიგებთ, რაც გეგმების შეცვლას გაიძულებთ. თუმცა, უმჯობესი იქნება, თავდაპირველ გეგმას არ გადაუხვიოთ და დანიშნული შეხვედრები ან მოლაპარაკებები არ გააუქმოთ.
მშვილდოსანი (23 ნოემბერი - 21 დეკემბერი)
ვარსკვლავები გირჩევენ, რომ დაწყებული საქმე და აღებული ვალდებულებები არ დაივიწყოთ. თქვენს ცხოვრებაში ცვლილებების დრო დგება და ამისთვის მზადება უნდა დაიწყოთ. საქმიანი მოლაპარაკებები თქვენი გამარჯვებით დასრულდება - ოპონენტები თქვენს თქვენს იდეებს მხარს დაუჭერენ.
თხის რქა (22 დეკემბერი - 20 იანვარი)
გეგმების განხორციელებისთვის ახლობლებისა და კოლეგების დახმარება დაგჭირდებათ. მოქმედების დაწყებამდე ეცადეთ, მკაფიო სამოქმედო გეგმა შეადგინოთ, არგუმენტები მოამზადოთ და მიზანი დაისახოთ. გახსოვდეთ, რომ ემოციური ქმედებები ზიანს მოგიტანთ. შეწყვიტეთ ერთდროულად ათი საქმის კეთება, ერთი მნიშვნელოვანი ამოცანა აირჩიეთ და ეცადეთ, დაასრულოთ.
მერწყული (21 იანვარი - 18 თებერვალი)
ამ დღეს უპირატესობა მიანიჭეთ იმ ადამიანებთან ურთიერთობას, რომლებიც ღირებულ რჩევებს მოგცემენ. მათი დახმარებით შეიძლება მნიშვნელოვან საქმეში წინსვლას მიაღწიოთ. ხელსაყრელი დღეა ახალი ნაცნობობისთვის. ადამიანი, რომელსაც ამ დღეს გაიცნობთ, შეიძლება თქვენი საუკეთესო მეგობარი გახდეს.
თევზები (19 თებერვალი - 20 მარტი)
ამ დღეს ყურადღებით დააკვირდეთ გარშემო მიმდინარე მოვლენებს და ეცადეთ, სიტუაციის მიხედვით იმოქმედოთ. დღეს თქვენ მიმართ ყველა ისეთ დამთმობი იქნება, შეიძლება, აფორიაქდეთ, რომ რაღაცას გიმზადებენ. არ ინერვიულოთ, ეს მხოლოდ თქვენი ეჭვებია. პირიქით - სჯობს ისარგებლოთ მომენტით, სანამ ისინი აზრს შეიცვლიან.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.