,
♈ ვერძი (21 მარტი - 19 აპრილი)
დღე მოუსვენრობას მოგიტანთ, მაგრამ ენერგია სწორად უნდა მართოთ. ზედმეტი სიფიცხე ურთიერთობებში პრობლემებს შეგიქმნით.
ჯანმრთელობა: გადაღლილობის ნიშნები იგრძნობა—გაჭარბებული ფიზიკური აქტივობა მოერიდეთ.
ოჯახი: ნათესავებთან კამათისგან თავი შეიკავეთ, მათი შენიშვნები ნეგატიურად არ მიიღოთ.
ბიზნესი: დღეს თქვენი ინიციატივა ფასეული იქნება, მაგრამ გაუფრთხილდით ფინანსურ რისკებს.
სიყვარული: ურთიერთობებში მეტი მოთმინება და გაგება გჭირდებათ.
კარიერა: წინსვლა შესაძლებელია, თუ მოთმინებას გამოიჩენთ და მეწვრილმანეობას არ დაუთმობთ დროს.
♉ კურო (20 აპრილი - 20 მაისი)
სიფრთხილე და გააზრებული ნაბიჯები დღეს გადამწყვეტი იქნება.
ჯანმრთელობა: კუჭ-ნაწლავის პრობლემების პრევენციისთვის ყურადღება მიაქციეთ კვებას.
ოჯახი: ოჯახის წევრებთან კომუნიკაცია გაიუმჯობესეთ, მათი მხარდაჭერა დღეს ძალიან გამოგადგებათ.
ბიზნესი: ახალი საქმიანი შეთავაზება შესაძლოა საინტერესო იყოს, მაგრამ კარგად აწონ-დაწონეთ.
სიყვარული: პარტნიორის გრძნობების გაგებას მეტი დრო დაუთმეთ.
კარიერა: სამსახურში თქვენი ორგანიზებულობა და დეტალებზე ყურადღება დღეს გამოგადგებათ.
♊ ტყუპები (21 მაისი - 20 ივნისი)
მეტი ყურადღება დეტალებზე—განსაკუთრებით ფინანსურ და პირად საკითხებში.
ჯანმრთელობა: მცირე დაღლილობა და უძილობა მოსალოდნელია.
ოჯახი: ოჯახის წევრებისგან საინტერესო სიახლეებს გაიგებთ.
ბიზნესი: ახალი იდეები მოგივათ, მაგრამ მათი განხორციელება დაგეგმვას საჭიროებს.
სიყვარული: გაურკვევლობამ შეიძლება ურთიერთობაში დაძაბულობა შეიტანოს.
კარიერა: კარიერული ზრდის შანსი გაქვთ, მაგრამ საჭირო იქნება მეტი ძალისხმევა.
♋ კირჩხიბი (21 ივნისი - 22 ივლისი)
ცვლილებების დღეა—მნიშვნელოვანი გადაწყვეტილებები არ აჩქაროთ.
ჯანმრთელობა: ემოციური დაძაბულობა ფიზიკურ მდგომარეობაზეც აისახება.
ოჯახი: ნათესავებთან კომუნიკაცია მშვიდი უნდა იყოს—განსაკუთრებით უფროსი თაობის წარმომადგენლებთან.
ბიზნესი: ფრთხილად იყავით ფინანსურ გარიგებებში.
სიყვარული: ძველი ურთიერთობა შეიძლება ისევ გაგახსენდეთ.
კარიერა: კოლეგებთან გუნდური მუშაობა სასურველი შედეგს მოგიტანთ.
♌ ლომი (23 ივლისი - 22 აგვისტო)
მნიშვნელოვანი ნაბიჯები უნდა დაგეგმოთ, ემოციურად არ იმოქმედოთ.
ჯანმრთელობა: ენერგიის მოზღვავება გაქვთ, მაგრამ სიფრთხილე არ გაწყენდათ.
ოჯახი: ოჯახის წევრები თქვენს მხარდაჭერას საჭიროებენ.
ბიზნესი: ახალი ინვესტიციები ჯერ ნაადრევია, უფრო ფრთხილი მიდგომა გჭირდებათ.
სიყვარული: ურთიერთობაში ახალი ეტაპი შეიძლება დაიწყოს.
კარიერა: გავლენიანი ადამიანები თქვენს საქმიანობაში ჩართვას მოისურვებენ.
♍ ქალწული (23 აგვისტო - 22 სექტემბერი)
დღეს მეტი პრაქტიკულობა და სიფრთხილე დაგჭირდებათ.
ჯანმრთელობა: ძილის რეჟიმი მოაწესრიგეთ.
ოჯახი: ახლობლებთან დროის გატარება განწყობას გაგიუმჯობესებთ.
ბიზნესი: ყველა დეტალს კარგად დააკვირდით—შეცდომებისგან თავი უნდა დაიზღვიოთ.
სიყვარული: ნაკლები კრიტიკა და მეტი გაგება ურთიერთობებში.
კარიერა: დღეს თქვენი გადაწყვეტილებები დიდ გავლენას მოახდენს მომავალზე.
♎ სასწორი (23 სექტემბერი - 22 ოქტომბერი)
დიპლომატიურობა დღეს გადამწყვეტი იქნება.
ჯანმრთელობა: ემოციური ბალანსი ფიზიკურ მდგომარეობაზეც აისახება.
ოჯახი: ოჯახის წევრებთან ჰარმონიის აღდგენა შეგიძლიათ, თუ ინიციატივას გამოიჩენთ.
ბიზნესი: მოულოდნელი შეხვედრები მნიშვნელოვან გადაწყვეტილებებს მოითხოვს.
სიყვარული: ფრთხილად იყავით დაპირებებში.
კარიერა: ახალი შესაძლებლობები გამოჩნდება, მზად იყავით.
♏ მორიელი (23 ოქტომბერი - 21 ნოემბერი)
თქვენი ემოციური ინტენსივობა დღეს შეიძლება გადაიჭარბოს.
ჯანმრთელობა: ენერგიის დაკარგვა იგრძნობა.
ოჯახი: ოჯახში შესაძლოა ვინმეს დახმარება დასჭირდეს.
ბიზნესი: ფინანსური გადაწყვეტილებები კარგად უნდა გააანალიზოთ.
სიყვარული: ურთიერთობაში მეტი სითბო უნდა ჩართოთ.
კარიერა: დღეს გამბედაობა გადამწყვეტი იქნება თქვენი წარმატებისთვის.
♐ მშვილდოსანი (22 ნოემბერი - 21 დეკემბერი)
ახალი შესაძლებლობები დღის განმავლობაში აუცილებლად გამოჩნდება.
ჯანმრთელობა: მეტი ფიზიკური აქტივობა სასარგებლო იქნება.
ოჯახი: საოჯახო საქმეებში თქვენი ჩართულობა აუცილებელი გახდება.
ბიზნესი: ბიზნესში მოულოდნელ გამოწვევას შეხვდებით.
სიყვარული: საინტერესო ადამიანი თქვენს ცხოვრებაში გამოჩნდება.
კარიერა: კარიერულ საკითხებში ცვლილებები მოსალოდნელია.
♑ თხის რქა (22 დეკემბერი - 19 იანვარი)
სტაბილურობასა და ორგანიზებულობას დღეს განსაკუთრებული მნიშვნელობა ექნება.
ჯანმრთელობა: სტრესის შემცირება აუცილებელია.
ოჯახი: ურთიერთობებში მეტი მოთმინება გამოიჩინეთ.
ბიზნესი: დღეს რისკები არ ღირს—სჯობს, არსებული საქმეებზე ფოკუსირდეთ.
სიყვარული: პარტნიორთან ურთიერთობა გაუმჯობესდება, თუ გულწრფელები იქნებით.
კარიერა: მოთმინება და შრომა დღეს თქვენი წარმატების გასაღებია.
♒ მერწყული (20 იანვარი - 18 თებერვალი)
ახალი კონტაქტები და კრეატიული იდეები დღის მთავარი თემაა.
ჯანმრთელობა: მცირე ფიზიკური დისკომფორტი იგრძნობა.
ოჯახი: ნათესავებთან სჯობს დიპლომატიურად იმოქმედოთ.
ბიზნესი: დღეს თქვენი არასტანდარტული ხედვა წარმატებას მოგიტანთ.
სიყვარული: მოულოდნელი შეხვედრა ემოციურად აგაფორიაქებთ.
კარიერა: კრეატიულობა და გუნდური მუშაობა დაგეხმარებათ.
♓ თევზები (19 თებერვალი - 20 მარტი)
ინტუიცია და ლოგიკა დღეს ერთად უნდა გამოიყენოთ.
ჯანმრთელობა: ემოციური გადაღლილობა ფიზიკურ მდგომარეობაზე აისახება.
ოჯახი: ნათესავებთან შერიგება დღეს შესაძლებელია.
ბიზნესი: მცირე ფინანსური სირთულეები მოსალოდნელია, მაგრამ მალე გადაიჭრება.
სიყვარული: არ აჩქაროთ მოვლენები—დრო ყველაფერს თავის ადგილზე დააყენებს.
კარიერა: რთული დღეა, მაგრამ მოთმინება შედეგს მოგიტანთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
