,
რას გვირჩევენ ვარსკვლავები 30 დეკემბრისთვის:
ვერძი (21 მარტი - 20 აპრილი)
ამ დღეს წინა პლანზე პირადი ურთიერთობები დგას. სულ ერთია, ეს ოჯახის წევრებთან ურთიერთობა იქნება, საყვარელ ადამიანთან თუ მეგობრებთან - ის დადებითი ემოციებით აგავსებთ. გათავისუფლდით ყველაფრისგან, რამაც თქვენს თვალში ფასი დაკარგა. მოერიდეთ გულწრფელობას ადამიანთან, რომელსაც თქვენი აშკარად შურს.
კურო (21 აპრილი - 21 მაისი)
დღის პირველ ნახევარში შესაძლოა ოჯახში მოულოდნელი პრობლემა შეიქმნას, თუმცა მას ცივი გონებით მალევე მოაგვარებთ. თუ ვინმე ბიზნესპროექტში ჩართვას გთავაზობთ და ოქროს მთებს გპირდებათ, ჯობს უარი უთხრათ. ვიღაც თქვენს მოტყუებას ეცდება, ამიტომ ყველა ინფორმაციას სიფრთხილით უნდა მოეკიდოთ. მალე დასრულდება ურთიერთობა, რომელმაც დიდი ხანია, თავი მოგაბეზრათ.
ტყუპები (22 მაისი - 21 ივნისი)
ხელსაყრელი დღეა შეხვედრების, ურთიერთობებისა და მოგზაურობისთვის. თქვენი ოპტიმიზმი და პოზიტიური განწყობა გავლენიან ადამიანებს მიიზიდავს და შესაძლოა, თანამშრომლობის საინტერესო შეთავაზება მიიღოთ. მოახლოებული დღესასწაული ახალ ემოციებს და შთაბეჭდილებებს გპირდებათ. მარტოხელა ტყუპებს საინტერესო ნაცნობობა ელით, რომელიც შეიძლება სიყვარულში გადაიზარდოს.
კირჩხიბი (22 ივნისი - 22 ივლისი)
დილიდან უხასიათოდ ხართ და ცდილობთ ნაკლბად იაქტიუროთ, მაგრამ საყიდლებზე წასვლა და საახალწლოდ მორთული ქუჩები განწყობას აგიმაღლებთ. საყვარელი ადამიანებისთვის საჩუქრებს რომ აარჩევთ, არც საკუთარი თავი დაგავიწყდეთ და თქვენთვისაც რამე შეიძინეთ. ვარსკვლავები მნიშვნელოვან შეხვედრას გპირდებიან, რომელიც მომავალზე გავლენას მოახდენს და თქვენს ცხოვრებას შეცვლის.
ლომი (23 ივლისი - 23 აგვისტო)
დროა საკუთარ თავზე იზრუნოთ. ნუ დაემსგავსებით ადამიანს, რომელმაც სადღესასწაულოდ სახლი ლამაზად მორთო და სუფრა გააწყო, თავის მოწესრიგება კი დაავიწყდა. პარტნიორთან ურთიერთობაში მოსალოდნელია ცვლილებები და სიახლეები, თუმცა ყველა არ გაგახარებთ. შეიძლება გაიგოთ, რომ მან რაღაც დაგიმალათ ან მოგატყუათ. აპატიებთ თუ არა, თქვენნი გადასაწყვეტია, თუმცა ამას არასდროს დაივიწყებთ.
ქალწული (24 აგვისტო - 23 სექტემბერი)
თუ შესაძლებელია, საოჯახო საქმეებით ნუ გადაიღლებით და ეს დღე მშვიდად გაატარეთ. თუ ვინმე დაპირებას არ შეგისრულებთ, ეცადეთ მომხდარზე არ ინერვიულოთ. თქვენი პიროვნული ხიბლი დაგეხმარებათ, რომ მიზანს სწრაფად და მარტივად მიაღწიოთ. გირჩევთ ოჯახის უფროსი წევრების ჯანმრთელობას მეტი ყურადღება მიაქციოთ.
სასწორი (24 სექტემბერი - 23 ოქტომბერი)
სავარაუდოდ, მიიღებთ ინფორმაციას, რომელიც მოგვიანებით არასწორი აღმოჩნდება. ჭორებს ნუ მოუსმენთ - განსაკუთრებით, თუ ისინი თქვენს ახლობელ ადამიანებს ეხება. კარგად გაიაზრეთ ის რჩევები თუ რეკომენდაციები, რომლებიც ამ დღეებში მიიღეთ - ისინი პრობლემებთან გამკლავებაში დაგეხმარებათ. გირჩევთ, ამ დღეს მანქანით შორ გზაზე წასვლა არ დაგეგმოთ.
მორიელი (24 ოქტომბერი - 22 ნოემბერი)
ამ დღეს მაღაზიაში მეტი სიფრთხილე უნდა გამოიჩინოთ და საფულეს ხელი არ გაუშვათ. ამასთანავე, გირჩევთ, ფული ეკონომიურად ხარჯოთ, რადგან დღესასწაულისთვის გამოყოფილი თანხა შეიძლება საკმარისი არ იყოს. ყურადღება მიაქციეთ მშობლებს და მოულოდნელი ვიზიტით გაახარეთ.
მშვილდოსანი (23 ნოემბერი - 21 დეკემბერი)
ნუ აიძულებ საკუთარ თავს, აკეთოთ ის, რაც არ გსურთ. სასარგებლო კავშირების დამყარებას და საკუთარ სიმართლეში თანამოსაუბრეების დარწმუნებას ადვილად შეძლებთ. სანამ მოქმედებას დაიწყებთ, ყველაფერი მცირე დეტალებამდე უნდა გაიაზროთ, რისკები და მოსალოდნელი სარგებელი შეაფასოთ. ურთიერთობებში მეტი სიფრთხილე უნდა გამოიჩინოთ, განსაკუთრებით - უცნობ ადამიანებთან.
თხის რქა (22 დეკემბერი - 20 იანვარი)
შესაძლოა, რაღაც საიდუმლო გაიგოთ, რომელიც არ მოგეწონებათ. არახელსაყრელი დღეა მოგზაურობისთვის, რომელიც მხოლოდ იმედგაცრუებას მოგიტანთ. ოჯახში, ახლობელ ადამიანებთან ურთიერთობაში სასიკეთო ცვლილებები გელით. თუ რაღაც პირველივე ცდაზე არ გამოდის, მეორედ და მესამედ უნდა სცადოთ, სანამ მიზანს მიაღწევთ.
მერწყული (21 იანვარი - 18 თებერვალი)
გირჩევთ, ამ დღეს ფულის გასესხებას მოერიდოთ. არახელსაყრელი დღეა ხალხმრავალ ადგილებში სიარულისთვის - შესაძლებელია ქურდობა ან ძარცვა. თქვენი ოპტიმიზმი და პოზიტიური განწყობა გავლენიან ადამიანებს მიიზიდავს და შესაძლოა, თანამშრომლობის შესახებ საინტერესო შეთავაზება მიიღოთ.
თევზები (19 თებერვალი - 20 მარტი)
მთელი ყურადღება ყოველდღიური, შრომატევადი საქმეებისკენ გაქვთ გადატანილი. მოერიდეთ მჭრელ საგნებთან ურთიერთობას. მეტი ყურადღება მიაქციეთ საკუთარ ჯანმრთელობას. ამ დღეს უარი უნდა თქვათ ალკოჰოლურ სასმელებზე.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
