რას გვიმზადებენ ვარსკვლავები 30 აპრილისათვის:

ვერძი (21 მარტი - 20 აპრილი)

ენერგიის მოზღვავებას გრძნობთ, რაც საშუალებას გაძლევთ, ნებისმიერ საქმეში თავი გამოიჩინოთ. ხელსაყრელი დღეა ახალი საქმის დაწყებისა და გარისკვისთვის. მოერიდეთ კრიტიკულ შენიშვნებს და აგრესიას. გახსოვდეთ, რომ შეცდომებს თავადაც უშვებთ, ამიტომ სხვები შეცდომების გამო არ უნდა დატუქსოთ.

 კურო (21 აპრილი - 21 მაისი)

ხელსაყრელი დღეა, რომ საკუთარ თავსა და ემოციურ მდგომარეობაზე იზრუნოთ. ეცადეთ, ცოტა ხნით განმარტოვდეთ, რათა საკუთარ აზრებსა და გრძნობებში გაერკვეთ. ამის შემდეგ შესაძლოა, უახლოეს გეგმებში მცირე ცვლილებები შეიტანოთ. ნუ მოახდენთ თანამოსაუბრეზე ზეწოლას - ეცადეთ, კომპრომისი მოძებნოთ.

ტყუპები (22 მაისი - 21 ივნისი)

ამ დღეს ყველაზე მნიშვნელოვანი ურთიერთობაა. გამოიყენეთ თქვენი ბუნებრივი ხიბლი და გონიერება ადამიანებთან დასაკავშირებლად, მაგრამ რაც არ უნდა მოხდეს, საკუთარ პრინციპებს არ უღალატოთ. ხელსაყრელი დღეა ახალი ნაცნობობისთვის. ადამიანი, რომელსაც ამ დღეს გაიცნობთ, შეიძლება თქვენი საუკეთესო მეგობარი გახდეს.

კირჩხიბი (22 ივნისი - 22 ივლისი)

ამ დღეს ფინანსური და პრაქტიკული საკითხების მოგვარება ყველაზე მნიშვნელოვანია. მოძებნეთ გზები თქვენი მატერიალური კეთილდღეობის გასაუმჯობესებლად და იმპულსურ ხარჯებს მოერიდეთ. ჯანმრთელობის მხრივ პრობლემები მოსალოდნელი არ არის, თუმცა დროა, მავნე ჩვევებისგან გათავისუფლდეთ. სუფთა ჰაერზე სეირნობა ან სპორტდარბაზში ვარჯიში სასურველი ფორმის მიღწევაში დაგეხმარებათ.

ლომი (23 ივლისი - 23 აგვისტო)

თუ შესაძლებელია, ამ დღეს მხოლოდ ის უნდა აკეთოთ, რაც ძალების აღდგენაში გეხმარებათ. შესაძლოა, გარკვეულ საკითხებზე აზრი მკვეთრად შეგეცვალოთ. ბევრი ლომი ახალი ცოდნის მიღებას ან პროფესიულ განვითარებას გადაწყვეტს, რაც ფინანსური მდგომარეობის გაუმჯობესებაში დაგეხმარებათ. გულწრფელობამ შეიძლება პრობლემები შეგიქმნათ, ამიტომ გირჩევთ, საკუთარი გეგმები არავის გაუმხილოთ.

ქალწული (24 აგვისტო - 23 სექტემბერი)

გირჩევთ, მთელი ყურადღება ურთიერთობებზე გადაიტანოთ. საყვარელი ადამიანების პრობლემებით დაინტერესდით, თანაგრძნობა გამოიჩინეთ და დახმარება შესთავაზეთ. ამ დღეს დებატებში ჯობს მოჩვენებით დაეთანხმოთ, ვიდრე ქანცის გაწყვეტამდე იკამათოთ.

სასწორი (24 სექტემბერი - 23 ოქტომბერი)

ამ დღეს ყველაფერი თქვენზეა დამოკიდებული. მაქსიმალური შედეგის მისაღწევად სამუშაო სივრცე თქვენთვის მოსახერხებლად უნდა მოაწყოთ და მკაფიო მიზნები დაისახოთ. თუ მარტოხელა ხართ, შეიძლება მონათესავე სულს შეხვდეთ.

მორიელი (24 ოქტომბერი - 22 ნოემბერი)

ხელსაყრელი დღეა საკუთარი უნარების გამოვლენისა და ისეთი საქმიანობისთვის, რომელიც კმაყოფილებას მოგიტანთ. შეგიძლიათ თამამად გარისკოთ და ნუ იფიქრებთ იმაზე, ვინ რას იტყვის. ეცადეთ, ცხოვრებისგან მეტისმეტად ბევრი არ მოითხოვოთ და თავს გაცილებით უკეთ იგრძნობთ.

მშვილდოსანი (23 ნოემბერი - 21 დეკემბერი)

ამ დღეს პრიორიტეტი სახლი და ოჯახია. ეცადეთ, ახლობელი ადამიანების საჭიროებებს მეტი ყურადღება მიაქციოთ. ერთ, კონკრეტულ საქმეში იღბალს მეტისმეტად ენდობით და მან შეიძლება, გადამწყვეტ მომენტში გიღალატოთ. გახსოვდეთ, რომ წარმატების მისაღწევად მხოლოდ ბედის იმედად არ უნდა იყოთ და თავადაც უნდა იმოქმედოთ.

თხის რქა (22 დეკემბერი - 20 იანვარი)

ამ დღეს ურთიერთობა მთავარია. ვარსკვლავების ხელსაყრელი განლაგების წყალობით, ადამიანების დარწმუნების უნარი იზრდება, რაც საშუალებას გაძლევთ, თქვენი აზრები გაავრცელოთ და მოწონება დაიმსახუროთ. საყვარელ ადამიანებთან გულწრფელი საუბარი კარგად ჩაივლის და შეთანხმებით დასრულდება.

მერწყული (21 იანვარი - 18 თებერვალი)

ეცადეთ, შემოსავლის ალტერნატიული წყაროები ან შემოსავლის გაზრდის შესაძლებლობები იპოვოთ. ამ დღეს ყველაზე მეტად იმპულსურ გადაწყვეტილებებს უნდა მოერიდოთ და სანდო ადამიანების რჩევა გაითვალისწინოთ. აკონტროლეთ ფინანსური ხარჯები და ეცადეთ, ფული მხოლოდ აუცილებელ ნივთებში დახარჯოთ.

თევზები (19 თებერვალი - 20 მარტი)

ეცადეთ, ეს დღე მაქსიმალურად აქტიურად გაატაროთ. კოლეგების დახმარებაზე უარს ნუ იტყვით - ამ დღეს გუნდური მუშაობა ბევრად წარმატებული და ნაყოფიერია, ვიდრე ინდივიდუალური.