,
რას გვირჩევენ ვარსკვლავები 3 დეკემბრისთვის:
ვერძი (21 მარტი - 20 აპრილი)
წარმატებული დღეა, ბევრი საკითხი თქვენ სასარგებლოდ გადაწყდება, მთავარია არ იჩქაროთ და შეცდომები არ დაუშვათ. დიდი ხნის უნახავ მეგობრებთან ან ნათესავებთან შეხვედრა სიამოვნებას მოგანიჭებთ. თუ გრძნობთ, რომ ვინმესთან დამნაშავე ხართ, ბოდიშის მოხდაც უნდა შეძლოთ. ეს თქვენს ურთიერთობებს გადაარჩენს.
კურო (21 აპრილი - 21 მაისი)
ვარსკვლავები გირჩევენ, რომ ამ დღეს საკუთარ ცხოვრებაში არაფერი შეცვალოთ. მოერიდეთ ახალი საქმის დაწყებას. სასურველია, რომ ეს კვირა საღამო სახლში, საყვარელი წიგნის კითხვაში ან სერიალის ყურებაში გაატაროთ. შესაძლოა, შემთხვევით ვიღაცის საიდუმლო გაიგოთ, რომელიც მაშინვე უნდა დაივიწყოთ, რადგან მისი ცოდნა უსიამოვნების გარდა, არაფერს მოგიტანთ.
ტყუპები (22 მაისი - 21 ივნისი)
ვარსკვლავების ხელსაყრელი განლაგება რთული და უსიამოვნო საქმეების წარმატებით დასრულებაში დაგეხმარებათ. მოზღვავებული ენერგიით ბევრის გაკეთებას შეძლებთ. ეცადეთ, საღამო ოჯახის წევრებთან ერთად გაატაროთ, სამომავლო გეგმებზე ისაუბროთ და ყველასთვის მნიშვნელოვანი საკითხები განიხილოთ. დღეს მოერიდეთ კამათს და ურთიერთობების გარკვევას, რადგან ეს, გაღიზიანების გარდა, არაფერს მოგიტანთ.
კირჩხიბი (22 ივნისი - 22 ივლისი)
ამ დღეს გადაღლა შეიძლება თქვენს ჯანმრთელობაზე უარყოფითად აისახოს, ამიტომ ეცადეთ, მსუბუქი საქმით დაკავდეთ. უსარგებლო საუბრებმა შეიძლება ბევრი ძვირფასი დრო წაგართვათ, ამიტომ გირჩევთ ურთიერთობები შეზღუდოთ და ყურადღება დაწყებული საქმეების დასრულებაზე გაამახვილოთ. ნუ დაივიწყებთ პირობას, რომელიც უახლოეს ადამიანებს მიეცით - მისი შესრულების დროა.
ლომი (23 ივლისი - 23 აგვისტო)
დღის პირველი ნახევარი ხელსაყრელია მოდუნებისა და დასვენებისთვის. თუ რაიმე მნიშვნელოვანი გაქვთ გასაკეთებელი, დღის მეორე ნახევრისთვის უნდა დაგეგმოთ. ვარსკვლავები გირჩევენ, რომ ეს დღე დაწყებული საქმეების დასრულებას დაუთმოთ. ამ დღეს ასაკით უფროს ადამიანებთან ურთიერთობა სასარგებლოა - მათი ცხოვრებისეული გამოცდილება ძალიან დაგეხმარებათ.
ქალწული (24 აგვისტო - 23 სექტემბერი)
მოემზადეთ იმისთვის, რომ უმნიშვნელო საქმეები დიდ დროს წაგართმევთ და მთავარ საკითხებს მოგწყვეტთ. ბოლო დროს დაგიგროვდათ საქმეები, რომელთა გადადება არ შეიძლება. ეცადეთ, გათავისუფლდეთ ყველაფრისგან, რაც წინსვლაში ხელს გიშლით და უარყოფით ემოციებს იწვევს. ხელსაყრელი დღეა გარეგნული იმიჯის შესაცვლელად.
სასწორი (24 სექტემბერი - 23 ოქტომბერი)
დროა სიზარმაცე დაივიწყოთ და გააქტიურდეთ. ამით საკუთარ ცხოვრებაში პოზიტიურ ცვლილებებს მოიზიდავთ. სასურველია, რომ ოჯახის წევრებს მეტი დრო დაუთმოთ - ახლა მათ თქვენი რჩევა სჭირდებათ. წინ რთული კვირა გელით და საყოფაცხოვრებო საკითხების მოსაგვარებლად ვეღარ მოიცლით, ამიტომ ყველაფერი დღეს უნდა დაასრულოთ. შანსი გაქვთ, რომ სპონსორი იპოვოთ, რომელიც თქვენს ბიზნესიდეებს დააფინანსებს.
მორიელი (24 ოქტომბერი - 22 ნოემბერი)
გამონახეთ დრო თაროზე შემოდებული ძველი საქმეების დასასრულებლად. თქვენს ცხოვრებაში მალე მნიშვნელოვანი ცვლილებები მოხდება და ამისთვის უნდა მოემზადოთ. ვარსკვლავები ამბობენ, რომ შეიძლება მოგებიანი შეთავაზება მიიღოთ, რომელიც უახლოეს მომავალში მთელ დროს წაგართმევთ. ხელსაყრელი დღეა რთული ოჯახური პრობლემებისა და ახლობლებს შორის კონფლიქტების მოსაგვარებლად.
მშვილდოსანი (23 ნოემბერი - 21 დეკემბერი)
ეს დღე ოჯახური საქმეების მოწესრიგებას უნდა დაუთმოთ. დაალაგეთ სახლი და ყველა ნივთს ადგილი მიუჩინეთ. გამორიცხული არ არის, რომ გუშინდელი ოპონენტი თქვენი საუკეთესო მოკავშირე გახდეს. აკონტროლეთ საკუთარი ემოციები და დაუფიქრებლად ნათქვამი სიტყვით გული არავის ატკინოთ.
თხის რქა (22 დეკემბერი - 20 იანვარი)
მოგიწევთ, დიდი დრო დაუთმოთ საკითხს, რომელსაც აქამდე მნიშვნელობას არ ანიჭებდით. ეცადეთ მეტი თავშეკავება გამოიჩინოთ და თქვენი კრიტიკული შენიშვნებით არავინ გაანაწყენოთ. თუ დახმარება გჭირდებათ, თავაზიანად უნდა ითხოვოთ, ოპონენტებზე ზეწოლა პრობლემას მოგიტანთ. ყველაფერი, რასაც ამ დღეს აკეთებთ, ყურადღებას იქცევს. შესაძლოა, ამის წყალობით ახალი მოკავშირეები ან ძლიერი მფარველები იპოვოთ.
მერწყული (21 იანვარი - 18 თებერვალი)
ურთიერთობისთვის რთული და სტრესული დღეა. შეიძლება მოგეჩვენოთ, რომ ვიღაც თქვენს დაზარალებას ცდილობს. ახლობელ ადამიანთან დაწყებული კამათი შეიძლება დიდ კონფლიქტში გადაიზარდოს და განწყობა დიდი ხნით გაგიფუჭოთ. დღის მეორე ნახევარში შეიძლება უფროსი ნათესავების ან ძველი ნაცნობისგან ფინანსური დახმარება მიიღოთ.
თევზები (19 თებერვალი - 20 მარტი)
ამ დღეს ეცადეთ, საკუთარ თავში ჩაიხედოთ და გაიგოთ, რა არის თქვენთვის ნამდვილად მნიშვნელოვანი. დღის მეორე ნახევარში ფიზიკურ შრომას და გადაღლას უნდა მოერიდოთ - გამორიცხული არ არის ქრონიკული დაავადებების გამწვავება.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
