,
რას გვირჩევენ ვარსკვლავები 3 აპრილისთვი:
ვერძი
ამ დღეს აქტიურობა სასურველ შედეგს მოგიტანთ. ეცადეთ კოლეგები და ხელმძღვანელები თქვენი ახალი იდეების ეფექტურობაში დაარწმუნოთ. თუ მოინდომებთ, დიდი ხნის წინ, თაროზე შემოდებული საქმეების წარმატებით დასრულებასაც შეძლებთ. საღამოს სუფთა ჰაერზე გასეირნება ძალების აღდგენაში დაგეხმარებათ.
კურო
გირჩევთ მშვიდი, საქმიანი დღისთვის განეწყოთ. დროა საქმიანი ქაღალდები დაახარისხოთ და მოაწესრიგოთ - შეიძლება მალე მნიშვნელოვანი საბუთის პოვნა დაგჭირდეთ და დრო არ უნდა დაკარგოთ. ამ დღეს დაწყებული საქმეები სწრაფად და წარმატებით დასრულდება, მთავარია პრიორიტეტები სწორად განსაზღვროთ.
ტყუპები
კარგი დღეა მიმდინარე პროექტების დასასრულებლად. ახლა ყველაზე მეტად სწრაფი შედეგის მიღება გსურთ, ამიტომ ყველაფერი მარტივად და უმოკლეს დროში გადაწყდება. ყურადღება რომ არ გაგეფანტოთ, გირჩევთ ურთიერთობები შეზღუდოთ და სამუშაოდ მყუდრო ადგილი შეარჩიოთ.
კირჩხიბი
დღის პირველი ნახევარი მნიშვნელოვანი საქმეების ან აქტიურობისთვის არახელსაყრელია. ეცადეთ დილა მშვიდად გაატაროთ და სამუშაო რიტმში თანდათან ჩაერთოთ. მოერიდეთ პასუხისმგებლობის აღებას ან დამატებით ვალდებულებებს. ეცადეთ საღამო მეგობრებთან და ოჯახის წევრებთან ერთად მხიარულად გაატაროთ.
ლომი
ამ დღეს შეიძლება საქმეებისა და ინფორმაციის ნაკადში ჩაიძიროთ, ამიტომ სასურველია, რომ ვალდებულებების ნაწილი კოლეგებს გადააბაროთ. შეგიძლიათ ენდოთ - ისინი თქვენს დავალებებს წარმატებით გაუმკლავდებიან. კამათი და ურთიერთობების გარკვევა ძალიან დიდ დროს წაგართმევთ.
ქალწული
ნუ დაკარგავთ დროს საქმეზე, რომელიც დღეს არ გამოგდით და ხვალისთვის გადაიტანეთ. ამ დღეს ქალწულებთან ურთიერთობა წარმატებული იქნება - შესაძლოა, მნიშვნელოვან ადამიანს შეხვდეთ ან საინტერესო იდეა მოისმინოთ, რომლის განხორციელებასაც მოგვიანებით შეძლებთ.
სასწორი
დილა მშვიდად და სირთულეების გარეშე ჩაივლის, თუმცა დღის მეორე ნახევარში თქვეანი შრომისუნარიანობა და აქტიურობა მოიმატებს. თუ სამსახურის ხელმძღვანელებთან სერიოზულ საუბარს გეგმვთ, უმჯობესია ეს დღესვე გააკეთოთ. გარშემომყოფები თქვენს იდეებსა და წინადადებებს ეთანხმებიან, რაც თავდაჯერებას შეგმატებთ.
მორიელი
დროა, თქვენს ცხოვრებისეულ მიზნებს, პრიორიტეტებს და შეხედულებებს გადახედოთ. გამორიცხული არ არის, რომ შექმნილმა ვითარებამ რაღაცის შეცვლა ან გამოსწორება გაიძულოთ. ეს როგორც სამსახურს, ისე პირად თუ ოჯახურ ურთიერთობებს ეხება. ახალი ამოცანები და საინტერესო პროექტები დადებით ემოციებს მოგიტანთ. გირჩევთ საღამო სახლის მყუდრო გარემოში გაატაროთ.
მშვილდოსანი
სიმშვიდე და თავდაჯერება სასურველი შედეგის მიღებაში დაგეხმარებათ. ვარსკვლავები იღბლიან დღეს გპირდებიან. ამ დღეს განსაკუთრებული ყურადღება ბედის მინიშნებებს და ბედნიერ დამთხვევებს უნდა მიაქციოთ. სპორტი ან ჰაერზე სეირნობა სტრესის მოხსნაში დაგეხმარებათ.
თხის რქა
მიუხედავად იმისა, რომ ენერგიით და მოქმედების სურვილით სავსე ხართ, ამის დრო ჯერ არ დადგა. გირჩევთ თქვენს ძლიერ მხარეებზე და წარმატებებზე იფიქროთ - თავდაჯერება მიზნის მიღწევაში დაგეხმარებათ. დროა, ძველი წყენა დაივიწყოთ და დიდი ხნის უნახავი მეგობარი ოჯახურ წვეულებაზე მიიწვიოთ.
მერწყული
ურთიერთობაში შექმნილი სირთულეების გამო გარკვეულ დისკომფორტს გრძნობთ, თუმცა ვარსკვლავები გირჩევენ საკუთარ თავში არ ჩაიკეტოთ და ემოციები ახლობელ ადამიანებს გაუზიაროთ. მეგობრების და ნათესავების მხარდაჭერა განწყობას აგიმაღლებთ. ეცადეთ მათთვის დღის მეორე ნახევარში პატარა წვეულება მოაწყოთ.
თევზები
ეცადეთ, მეტი ყურადღება მიაქციოთ ადამიანს, ვისაც თქვენი რჩევა ან დახმარება სჭირდება. გაითვალისწინეთ, რომ მალე საყვარელი ადამიანების მხარდაჭერა თქვენც დაგჭირდებათ. უარი თქვით მძიმე ფიზიკურ ან გონებრივ შრომაზე - ახლა გადაღლა თქვენს ჯანმრთელობაზე უარყოფითად აისახება.
