,
რას გვირჩევენ ვარსკვლავები 29 ნოემბრისთვის:
ვერძი (21 მარტი - 20 აპრილი)
თუ ამ დღეს რაიმე რთულ საქმეს გეგმავთ, მოულოდნელი პრობლემებისთვის უნდა მოემზადოთ. ექსპერიმენტებისთვის არახელსაყრელი დღეა, ამიტომ კარგად ნაცნობი საქმეები უნდა აკეთოთ. ეცადეთ, შეხვედრები სხვა დღისთვის გადაიტანოთ და ძალები გონივრულად გადაანაწილოთ. ამ დღეს ზედმეტი დატვირთვა არასასურველია.
კურო (21 აპრილი - 21 მაისი)
დღევანდელი მოვლენები საინტერესო შესაძლებლობებს და კეთილდღეობის შანსს გთავაზობთ. ეცადეთ, მეტი იაქტიუროთ და თქვენ გარშემო სიტუაცია აკონტროლოთ. გამორიცხული არ არის, რაღაც ისეთი გაიგოთ, რაც მომავალში ძალიან დაგეხმარებათ. მხოლოდ ინტუიციის იმედად არ უნდა იყოთ - უმჯობესია, ფაქტები გადაამოწმოთ და ამით თავი დაიზღვიოთ.
ტყუპები (22 მაისი - 21 ივნისი)
ეცადეთ, ამ დღეს ნებისმიერი გადაწყვეტილების მიღებისას ლოგიკით იხელმძღვანელოთ და წინდახედულად იმოქმედოთ. ემოციურობა სწორი დასკვნების გამოტანაში ხელს გიშლით. ზოგადად კი, ვარსკვლავები გირჩევენ, რომ დღეს გარედან დამკვირვებლის პოზიციას დასჯერდეთ და პროცესებში არ ჩაერიოთ. გაუფრთხილდით საკუთარ ჯანმრთელობას, ფეხით მეტი იარეთ და სპორტდარბაზში ივარჯიშეთ.
კირჩხიბი (22 ივნისი - 22 ივლისი)
უპირატესობა მიანიჭეთ აქტივობებს, რომლებიც განწყობას გიმაღლებთ. მოერიდეთ ადამიანებს, რომლებსაც არ ენდობით და მტკიცე უარი თქვით საეჭვო ისტორიებში ჩართვაზე, რათა პრობლემები თავიდან აიცილოთ. უსმინეთ საკუთარ ინტუიციას, რომელიც შეცდომებისა და იმპულსური ქმედებებისგან დაგიცავთ.
ლომი (23 ივლისი - 23 აგვისტო)
პიროვნული ხიბლი საშუალებას მოგცემთ, რომ საჭირო ადამიანებთან კონტაქტი დაამყაროთ და სასურველი შედეგი მიიღოთ. მოერიდეთ უსარგებლო საუბრებს და ძვირფას დროს ნუ დაკარგავთ. რთულ სიტუაციაში დახმარებისთვის მეგობრებს და კოლეგებს მიმართეთ - ისინი უარს არაფერზე გეტყვიან. იდეალური დღეა ყველაზე უჩვეულო, თუნდაც ფანტასტიკური მოქმედებისთვის. დროთა განმავლობაში ამ წარმოუდგენელი იდეებიდან ბევრი რეალობად იქცევა.
ქალწული (24 აგვისტო - 23 სექტემბერი)
დღის მეორე ნახევარში ენერგიის მოზღვავებას იგრძნობთ, ამიტომ ყველა მნიშვნელოვანი შეხვედრა თუ დავალება საღამოსკენ უნდა დაგეგმოთ. რაღაც ან ვიღაც წინსვლაში ხელს გიშლით - თუ ამას გრძნობთ, იცოდეთ, რომ 29 ნოემბერი კარგი დღეა ზედმეტის თავიდან მოშორებისა და ახლისთვის ადგილის გათავისუფლებისთვის.
სასწორი (24 სექტემბერი - 23 ოქტომბერი)
მოემზადეთ იმისთვის, რომ ახალი გარემოებების შესაბამისად მოქმედება მოგიწევთ - ამას მარტივად შეძლებთ, თქვენ ხომ შეუდარებელი იმპროვიზატორი ხართ! ისე კი, უმჯობესია, ამ დღეს შეზღუდოთ კონტაქტები, რათა მნიშვნელოვანი საკითხებისგან არავინ მოგწყვიტოთ. არსებობს მომგებიანი გარიგების დადების შანსი, მაგრამ ამისთვის პრინციპულობის გამოჩენა მოგიწევთ. მარტოხელა სასწორებისთვის დღეს გაცნობილ ადამიანთან რომანტიკული ურთიერთობა განვითარდება.
მორიელი (24 ოქტომბერი - 22 ნოემბერი)
არსებობს შანსი, რომ შეხვდეთ ადამიანს, რომელიც თქვენს ცხოვრებას შეცვლის და მიმდინარე მოვლენებზე გავლენას მოახდენს. კარგი დღეა ჯანმრთელობაზე ზრუნვის, ვარჯიშის და იმუნური სისტემის გაძლიერებისთვის. თქვენს ახლობლებს სჭირდებით, ეცადეთ, ერთად მეტი დრო გაატაროთ. ურთიერთობებში მეტი სიფრთხილე უნდა გამოიჩინოთ - მოერიდეთ გულწრფელობას უცნობ ადამიანებთან.
მშვილდოსანი (23 ნოემბერი - 21 დეკემბერი)
ნერვიულობა და გაღიზიანება სწორი გადაწყვეტილებების მიღებაში და სიტუაციის სწორად შეფასებაში ხელს გიშლით. პროფესიონალებთან ურთიერთობა და მათი რჩევები მომავალ საქმიანობაში დაგეხმარებათ და შეცდომებისგან დაგიცავთ. გირჩევთ საღამო მეგობრებთან ერთად გაატაროთ და დღის განმავლობაში დაგროვილი ნეგატიური ემოციებისგან გათავისუფლდეთ.
თხის რქა (22 დეკემბერი - 20 იანვარი)
ხელსაყრელი დღეა შერიგებისა და ძველი კონფლიქტების მოგვარებისთვის. ეცადეთ, კომპრომისული გადაწყვეტილებები მოძებნოთ და თქვენთვის ძვირფასი ურთიერთობები არ დააზარალოთ. დროა, ილუზიებისგან გათავისუფლდეთ და იმ ადამიანის გვერდში იყოთ, ვინც რეალობის აღქმაში დაგეხმარებათ.
მერწყული (21 იანვარი - 18 თებერვალი)
მოვლენებით დატვირთული დღეა, ამიტომ ეცადეთ მკაფიო გეგმა შეიმუშაოთ. სასურველია პრიორიტეტები დაადგინოთ და თქვენი ენერგია მთელ დღეზე სწორად გაანაწილოთ. თუ დაწყებულ საქმეს დიდი წინააღმდეგობა შეხვდა, გირჩევთ, მისი დასრულება სამომავლოდ გადადოთ. ახლა საქმის დასრულებისთვის საკმარისი რესურსი არ გაქვთ.
თევზები (19 თებერვალი - 20 მარტი)
ამ დღეს მნიშვნელოვანი შეხვედრა გელით, რომელიც თქვენს მომავალზე გავლენას მოახდენს. ექსპერიმენტებისთვის არახელსაყრელი დღეა, ამიტომ გირჩევთ, კარგად ნაცნობი ბილიკებით იაროთ. ახალი ნაცნობობა შეიძლება ხანგრძლივ ურთიერთობაში გადაიზარდოს და მხოლოდ თქვენზეა დამოკიდებული, რა მიმართულებით განვითარდება მოვლენები.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
