,
რას გვირჩევენ ვარსკვლავები 28 სექტემბრისთვის:
ვერძი (21 მარტი - 20 აპრილი)
ამ დღეს ადამიანების განწყობა ისე კარგად გრძნობთ, რომ შეგიძლიათ თქვენ გარშემო შექმნილი ფსიქოლოგიური გარემო შეცვალოთ. წარსულში მომხდარი შემთხვევის გამო შეიძლება ოჯახურ ურთიერთობებში პრობლემები წარმოიქმნას და კრიტიკის მოსმენაც კი მოგიწიოთ. გირჩევთ, ამ საკითხის განხილვა სამომავლოდ გადადოთ.
კურო (21 აპრილი - 21 მაისი)
ამ დღეს ნებისმიერ უთანხმოებას უნდა ერიდოთ. ახლა ცვლილებებისა და ექსპერიმენტებისთვის არახელსაყრელი დროა, ამიტომ გირჩევთ, კარგად გამოცდილი ხერხები გამოიყენოთ და ახალ საქმეს ერიდოთ. უმჯობესია ეს დღე სახლში, მშვიდად გაატაროთ.
ტყუპები (22 მაისი - 21 ივნისი)
მოემზადეთ ფინანსური ან მატერიალური საკითხების განხილვის ან ამ საკითხებთან დაკავშირებულ დისკუსიებში მონაწილეობისთვის. პირად ურთიერთობებშიც ეცადეთ, მეტი მოთმინება და დიპლომატიური უნარები გამოიჩინოთ და დაპირისპირების ნაცვლად, შეთანხმებას მიაღწიოთ. გირჩევთ, განწყობის გასაუმჯობესებლად რამე გემრიელი მიირთვათ.
კირჩხიბი (22 ივნისი - 22 ივლისი)
ამ დღეს რთული და უსიამოვნო საკითხების განხილვას თავიდან ვერ აიცილებთ, ამიტომ ეცადეთ, პრობლემა დროულად მოაგვაროთ. გირჩევთ, ოჯახთან და, საჭიროების შემთხვევაში, ადვოკატებთან საუბარი სამომავლოდ არ გადადოთ. წინააღმდეგ შემთხვევაში სიტუაცია მხოლოდ გაუარესდება. საყვარელი გატაცება სტრესის მოხსნაში დაგეხმარებათ.
ლომი (23 ივლისი - 23 აგვისტო)
თუ შესაძლებელია, ყველა მივლინება და საქმიანი მოლაპარაკება სამომავლოდ გადადეთ და ეს დღე მარტოობასა და სიჩუმეში გაატარეთ. უმჯობესია, აქტივობა შეამციროთ და მეტი ყურადღება მიაქციოთ იმას, რაც გარშემო ხდება. ამ დღეს ახალი ნაცნობობა, პრობლემების გარდა, არაფერს მოგიტანთ, ამიტომ გირჩევთ საღამო სახლში გაატაროთ.
ქალწული (24 აგვისტო - 23 სექტემბერი)
ამ დღეს ყველაზე მეტად გარშემო მყოფებთან ურთიერთობა და მნიშვნელოვანი საკითხების განხილვა გიჭირთ. თუ შესაძლებელია, ასეთი საქმიანობა სხვა დროისთვის გადაიტანეთ, დღეს კი ინდივიდუალურად იმუშავეთ. რჩევა პირად ურთიერთობებსაც ეხება. საღამოს საყვარელ ადამიანებთან ან მეგობრებთან საუბარი შესაძლოა კამათში გადაიზარდოს, ამიტომ ეცადეთ, ნაკლები ილაპარაკოთ.
სასწორი (24 სექტემბერი - 23 ოქტომბერი)
შინაგანად მოემზადეთ იმისთვის, რომ დღეს კრიტიკის მოსმენა მოგიწევთ. უმჯობესია შეხვედრები, მოლაპარაკებები ან მნიშვნელოვანი დოკუმენტების ხელმოწერა სხვა დროისთვის გადადოთ. შესაძლოა, ამ დღეზე წარსულის ნეგატიურმა მოვლენებმა იქონიოს გავლენა.
მორიელი (24 ოქტომბერი - 22 ნოემბერი)
თუ გსურთ, რომ პოზიტიური განწყობა და ოპტიმიზმი შეინარჩუნოთ, უპირატესობა მხოლოდ საკუთარ სურვილებს უნდა მიანიჭოთ. სამეცნიერო სფეროში მომუშავე მორიელებს წარუმატებელი პერიოდი აქვთ, თუმცა ზოგმა შეიძლება მოულოდნელი შემოსავალი მიიღოს.
მშვილდოსანი (23 ნოემბერი - 21 დეკემბერი)
ემოციურად რთული დღეა. ვარსკვლავები გირჩევენ, ბნელი ფიქრები თავიდან მოიცილოთ და ოპტიმისტურად განეწყოთ. რთული და უსიამოვნო საუბარი გელით, რომელსაც თავიდან ვერ აიცილებთ. სტრესის ალკოჰოლით ან ტკბილეულით მოხსნას ნუ ეცდებით. ამის ნაცვლად, სპორტულ დარბაზში უნდა წახვიდეთ ან სუფთა ჰაერზე მაინც ისეირნოთ.
თხის რქა (22 დეკემბერი - 20 იანვარი)
შესაძლოა, თავშეკავებამ გიმტყუნოთ და ის თქვათ, რასაც მოგვიანებით ინანებთ. ზოგადად, ამ დღეს ძალიან კრიტიკულად ხართ განწყობილი და არავის აზრს არ ითვალისწინებთ. ამ მიზეზით, ჯობს მოლაპარაკებები სხვა დროისთვის გადადოთ და შეხვედრები გააუქმოთ. საღამოს ემოციური ფონი შემცირდება და ურთიერთობა გაგიადვილდებათ.
მერწყული (21 იანვარი - 18 თებერვალი)
დილიდან უხასიათოდ ხართ, ამიტომ ეცადეთ მენეჯმენტს არ შეხვდეთ და საქმიანი მოლაპარაკებები არ აწარმოოთ, რომ ზედმეტი არაფერი თქვათ. ფრთხილად იყავით - გამორიცხული არ არის ქრონიკული დაავადებების გამწვავება.
თევზები (19 თებერვალი - 20 მარტი)
ამ დღეს ვარსკვლავები თქვენ მხარეს არიან, მაგრამ თუ ყველა საქმის ერთდროულად კეთების ჩვევას არ მოიშლით, საეჭვოა, წარმატებას მიაღწიოთ. სასურველ შედეგს მხოლოდ კარგად გააზრებული, თანმიმდევრული ქმედებები მოგიტანთ. დღის მეორე ნახევარში შეგიძლიათ ცოტა მოდუნდეთ და დაისვენოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
