,
რას გვირჩევენ ვარსკვლავები 28 ოქტომბერისთვის:
ვერძი (21 მარტი - 20 აპრილი)
ამ დღეს შეგიძლიათ ადამიანების განწყობა სიტყვის უთქმელად იგრძნოთ და თქვენ გარშემო არსებულ ფსიქოლოგიურ ატმოსფეროზე გავლენა იქონიოთ. წარსულში მომხდარი რაღაც მოვლენის გამო შეიძლება ოჯახში კრიტიკის მოსმენა მოგიწიოთ. ნუ ინერვიულებთ, ხვალ ამის შესახებ არავის ემახსოვრება.
კურო (21 აპრილი - 21 მაისი)
გირჩევთ კოლეგებთან კამათს და დაპირისპირებას მოერიდოთ. ჯერჯერობით ცვლილებების დრო არ დამდგარა, ამიტომ კარგად გამოცდილი ხერხები უნდა გამოიყენოთ და ახალი საქმის დაწყებას უნდა მოერიდოთ. მგზავრობა იმედებს გაგიცრუებთ, ამიტომ უმჯობესია, დღე სახლში, მშვიდად გაატაროთ.
ტყუპები (22 მაისი - 21 ივნისი)
მოემზადეთ ფინანსური თუ მატერიალური საკითხების განხილვისთვის, ასევე, კომპენსაციისა თუ გადახდების შესახებ დისკუსიებში მონაწილეობისთვის. პირად ურთიერთობებში მოსალოდნელია კამათი და დაპირისპირება. ეცადეთ, გარშემო მყოფების მიმართ უფრო დამთმობი და ლმობიერი იყოთ. განწყობის გასაუმჯობესებლად გირჩევთ, რამე გემრიელი მოამზადოთ ან შეიძინოთ.
კირჩხიბი (22 ივნისი - 22 ივლისი)
სურვილის მიუხედავად, ამ დღეს რთული ან უსიამოვნო საკითხების განხილვას ვერ აიცილებთ, მთავარია, სიმშვიდე შეინარჩუნოთ. ვარსკვლავები გირჩევენ, რომ ოჯახთან და, საჭიროების შემთხვევაში, ადვოკატებთან საუბარი სამომავლოდ არ გადადოთ. ამით სიტუაცია მხოლოდ გაუარესდება. საყვარელი საქმე სტრესის მოხსნაში დაგეხმარებათ.
ლომი (23 ივლისი - 23 აგვისტო)
თუ ეს შესაძლებელია, ყველა შეხვედრა და მოლაპარაკება გადადეთ. თავი შეიკავეთ ახალი ნაცნობობისგან - ეს დღე მარტოობასა და სიჩუმეში მუშაობისთვის შესაფერისია. უმჯობესია, ნაკლები იაქტიუროთ და მეტი ყურადღება მიაქციოთ იმას, რაც თქვენ გარშემო ხდება.
ქალწული (24 აგვისტო - 23 სექტემბერი)
ამ დღეს ადამიანებთან ურთიერთობა და მნიშვნელოვანი საკითხების განხილვა გაგიჭირდებათ, ამიტომ თუ შესაძლებელია, ეს საქმიანობა სამომავლოდ გადადეთ, ახლა კი ინდივიდუალურად იმუშავეთ. იგივე რჩევა პირად ურთიერთობებსაც ეხება. საყვარელ ადამიანებთან ან მეგობრებთან უწყინარი საუბარი შესაძლოა ჩხუბში გადაიზარდოს, ამიტომ ეცადეთ, ნაკლები ილაპარაკოთ.
სასწორი (24 სექტემბერი - 23 ოქტომბერი)
მოემზადეთ იმისთვის, რომ კოლეგები ან პარტნიორები თქვენი საქმიანობის კრიტიკას და უკმაყოფილების გამოხატვას დაიწყებენ. უმჯობესია შეხვედრები და დოკუმენტებზე ხელმოწერა რამდენიმე დღით გადადოთ. შესაძლოა, წარსულის ნეგატიურმა მოვლენებმა გავლენა მოახდინოს იმაზე, რაც თქვენს თავს ხდება.
მორიელი (24 ოქტომბერი - 22 ნოემბერი)
გირჩევთ, გარემოებებს არ შეეწინააღმდეგოთ და დინებას მშვიდად მიჰყვეთ. ამ დღეს ბედთან კამათი სრული უაზრობაა. მზად უნდა იყოთ იმისთვის, რომ დღის განმავლობაში გეგმას რამდენჯერმე შეცვლით. ენდეთ თქვენს ინტუიციას - ის განიშნებთ, მოულოდნელ სიტუაციებში როგორ უნდა იმოქმედოთ.
მშვილდოსანი (23 ნოემბერი - 21 დეკემბერი)
ემოციურად რთული დღეა. ვარსკვლავები გირჩევენ, ბნელი ფიქრები მოიშოროთ და მომავლის მიმართ ოპტიმისტურად განეწყოთ. წინ რთული, უსიამოვნო საუბარი გელით, რომელსაც დიდი სურვილის მიუხედავად, თავიდან ვერ აიცილებთ. მოერიდეთ სტრესის ალკოჰოლით ან ტკბილეულით მოხსნას. უმჯობესია ვარჯიშს მიმართოთ.
თხის რქა (22 დეკემბერი - 20 იანვარი)
გამორიცხული არ არის, რომ ამ დღეს თავი ვერ შეიკავოთ და ზედმეტი თქვათ. ზოგჯერ საკუთარი პირდაპირობა და გარშემო მყოფთა მიმართ კრიტიკული დამოკიდებულება თავადაც გაღიზიანებთ. უმჯობესია, საქმიანი შეხვედრები გააუქმოთ ან სამომავლოდ გადაიტანოთ. საღამოს ემოციური ფონი შემცირდება და ურთიერთობა გაცილებით ადვილი გახდება.
მერწყული (21 იანვარი - 18 თებერვალი)
დილლიდან მოწყენილობას ებრძვით და ცდილობთ, უსიამოვნო ადამიანებთან ურთიერთობას თავი დააღწიოთ. გირჩევთ საქმიან შეხვედრებსაც თავი აარიდოთ, რადგან შეიძლება ისეთი რამ თქვათ, რასაც მოგვიანებით ძალიან ინანებთ. იზრუნეთ საკუთარ ჯანმრთელობაზე - გამორიცხული არ არის, რომ ქრონიკული დაავადებები გაგიმწვავდეთ.
თევზები (19 თებერვალი - 20 მარტი)
პირად თუ სამსახურებრივ პრობლემას უფრო მარტივად გაუმკლავდებით, თუ პრობლემის მიზეზს საკუთარ თავში იპოვით. შინაგანი ჰარმონია რთული პერიოდის გადალახვაში დაგეხმარებათ. მარტოხელა თევზებს რომანტიკული ნაცნობობა ელით - ის ხანმოკლეც რომ იყოს, თქვენს გულში მნიშვნელოვან კვალს დატოვებს.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
