,
რას გვირჩევენ ვარსკვლავები 28 ნოემბრისთვის:
ვერძი (21 მარტი - 20 აპრილი)
ამ დღეს დროის უმეტეს ნაწილს უკვე დაწყებული საქმეების დასრულებას და აქტუალური საკითხების მოგვარებას დაუთმობთ. მოერიდეთ დებატებში ჩართვას და კამათს - თქვენს აზრს მაინც არავინ გაითვალისწინებს და ნერვებს ტყუილად მოიშლით. ყურადღება მიაქციეთ ჯანმრთელობას, ეცადეთ ფეხით ბევრი იაროთ და სწორად იკვებოთ. სასურველია, საღამო სიმშვიდეში გაატაროთ და მომავალი სამუშაო დღისთვის ძალები აღიდგინოთ.
კურო (21 აპრილი - 21 მაისი)
დღე შესაფერისია სამომავლო გეგმებზე ფიქრისთვის. გირჩევთ ურთიერთობებში სფრთხილე გამოიჩინოთ - შესაძლოა, თქვენი გარემოცვიდან ვიღაცას თქვენი შურს და ჭორებს გივრცელებთ. ყოველი შემთხვევისთვის, მოერიდეთ საკუთარ იდეებზე საუბარს, რომ ვიღაცამ არ მიითვისოს. ეცადეთ საყვარელი ადამიანების მიმართ მეტი ყურადღება გამოიჩინოთ - დღეს მათ თქვენი ზრუნვა და მხარდაჭერა სჭირდებათ.
ტყუპები (22 მაისი - 21 ივნისი)
თუ ამ დრომდე სწორად იმოქმედეთ, ამ დღეს შეიძლება საკუთარი შრომის შედეგებით დატკბეთ იდეალური დღეა მოლაპარაკებებისა და საქმიანი შეხვედრებისთვის. ლაპარაკის კარგი უნარი საშუალებას მოგცემთ, რომ სასურველს სწრაფად მიაღწიოთ. საღამოს გარშემო მყოფებთან ურთიერთობა გაადვილდება და შესაძლოა, ყველასთვის მისაღები გადაწყვეტილების პოვნაც შეძლოთ.
კირჩხიბი (22 ივნისი - 22 ივლისი)
ყველა მნიშვნელოვანი საქმე და შეხვედრა დღის პირველ ნახევარში უნდა დაგეგმოთ. ეს საშუალებას მოგცემთ, სასურველ შედეგებს უფრო სწრაფად მიაღწიოთ. ეცადეთ, პირად ურთიერთობებში მეტი მოთმინება გამოიჩინოთ და პარტნიორს უფრო ხშირად დაეთანხმოთ.
ლომი (23 ივლისი - 23 აგვისტო)
მშვენიერი დღეა სუფთა ჰაერზე ვარჯიშისა და ფიზიკური მუშაობისთვის. თქვენი სხეული ზრუნვას საჭიროებს. ეცადეთ იმუნური სისტემა გაიძლიეროთ და ავადმყოფობის პირველივე სიმპტომების დროს ექიმს ეწვიოთ ან პრევენციული ზომები მიიღოთ. ნუ იტრაბახებთ თქვენი წარმატებებით ან პირადი ურთიერთობებით, ეცადეთ ურთიერთობებში უფრო მოკრძალებული იყოთ.
ქალწული (24 აგვისტო - 23 სექტემბერი)
ვარსკვლავები გაფრთხილებენ, რომ თქვენს გარემოცვაში არაკეთილსინდისიერი ადამიანები თქვენ შესახებ სხვადასხვა ჭორებს ავრცელებენ. ურთიერთობებში მეტი სიფრთხილე და წინდახედულობა უნდა გამოიჩინოთ - ნუ იქნებით ძალიან გულწრფელი. ენერგიით სავსე ხართ, ამიტომ ბევრი საქმის დასრულებას შეძლებთ. საღამოს მოულოდნელ სიახლეს შეიტყობთ, მაგრამ დასკვნების გამოტანამდე ინფორმაცია უნდა გადაამოწმოთ.
სასწორი (24 სექტემბერი - 23 ოქტომბერი)
გირჩევთ, საკუთარ გეგმებსა თუ იდეებს კარგად გადახედოთ და ახალი სიტუაციის შესაბამისად შეცვალოთ. გაუთვალისწინებელი გარემოებები გელით, როდესაც გრაფიკის შეცვლა და ინტუიციურად მოქმედება მოგიწევთ. რაც არ უნდა მოხდეს, პოზიტიური განწყობა მთელი დღის განმავლობაში შეინარჩუნეთ. ამ დღეს მიღებული გამოცდილება მომავალში ბევრჯერ გამოგადგებათ. მთავარია, არ გაჯიუტდეთ და ახლობელი ადამიანების რჩევებს დაუჯეროთ.
მორიელი (24 ოქტომბერი - 22 ნოემბერი)
არ ინერვიულოთ, თუ რამე ისე არ გამოდის, როგორც გეგმავდით. ვარსკვლავები გირჩევენ, რთული საკითხების მოგვარება სამომავლოდ გადადოთ, როდესაც სიტუაცია შეიცვლება და ჩანაფიქრის განხორციელების მეტი რესურსი გექნებათ. საღამოს ვარჯიში ან სეირნობა სტრესის შემცირებაში და განწყობის გაუმჯობესებაში დაგეხმარებათ. შეიძლება მცირე ფინანსური ზარალი განიცადოთ, მაგრამ ნუ ინერვიულებთ - მალე უფრო დიდ შემოსავალს მიიღებთ.
მშვილდოსანი (23 ნოემბერი - 21 დეკემბერი)
სასურველია, რომ ამ დღეს კონტაქტები შეზღუდოთ და განმარტოვდეთ. ამ დღეს გარშემო მყოფებთან ურთიერთობა და საერთო თემების პოვნა გიჭირთ. შეგიძლიათ ეს დრო დიდი ხნის უნახავი მეგობრების ან ნათესავების მოსანახულებლად გამოიყენოთ. ეს განწყობასაც გაგიუმჯობესებთ და საყვარელ ადამიანებსაც გაახალისებთ.
თხის რქა (22 დეკემბერი - 20 იანვარი)
დაძაბული და ემოციურად რთული დღეა. უმცირესი წინააღმდეგობაც კი გაღიზიანებთ. ეცადეთ მეტი თავშეკავება გამოიჩინოთ, თორემ თავად დაზარალდებით. მოერიდეთ აჩქარებას, რომელსაც უამრავი შეცდომა მოჰყვება და საქმეს გაგირთულებთ. თუ არჩევანის გაკეთების საშუალება მოგეცათ, ის აირჩიეთ, რაც კარგად იცით და საუკეთესოდ გამოგდით.
მერწყული (21 იანვარი - 18 თებერვალი)
პოზიტიურ ადამიანებთან საუბარი და ურთიერთობა სტრესისგან გაგათავისუფლებთ და განწყობას გაგიხალისებთ. ეცადეთ, მეტი საინტერესო ადამიანი გაიცნოთ და თანამოაზრე აღმოაჩინოთ. ბოლო დღეების გადაღლამ შეიძლება თავი იჩინოს, ამიტომ გირჩევთ, ჯანმრთელობას მეტი ყურადღება მიაქციოთ.
თევზები (19 თებერვალი - 20 მარტი)
ემოციურმა ფონმა შეიძლება გეგმების განხორციელებაში ხელი შეგიშალოთ და განწყობა გაგიფუჭოთ. ამის მიუხედავად, ეცადეთ პოზიტიური დამოკიდებულება შეინარჩუნოთ. თუ საქმეს სერიოზულად და პასუხისმგებლობით მიუდგებით, მიზანს მიაღწევთ და თქვენთვის საჭირო პროცესებს დააჩქარებთ. გირჩევთ, ახლობელი ადამიანები, გაკრიტიკების ნაცვლად, ქათინაურებით გაანებივროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
