,
რას გვირჩევენ ვარსკვლავები 27 დეკემბრისთვის:
ვერძი (21 მარტი - 20 აპრილი)
ამ დღეს გარკვეული შფოთვა და გაურკვევლობა ახლავს, მაგრამ მუშაობის პროცესში ეს განცდა თანდათან გაქრება. მნიშვნელოვანია თქვენს ფსიქოლოგიურ ჯანმრთელობაზე ზრუნვა, რასაც ზოგჯერ ყურადღებას არ აქცევთ. შინაგანი ჰარმონია კონცენტრირებასა და მიზნების მიღწევაში დაგეხმარებათ. გირჩევთ, მიღებული წინადადებები ყურადღებით შეისწავლოთ და ფიქრისთვის დრო ითხოვოთ.
კურო (21 აპრილი - 21 მაისი)
ეცადეთ, საყვარელ ადამიანებს მეტი ყურადღება მიაქციოთ, განსაკუთებით მით უფრო, თუ ხშირად უმიზეზოდ კამათობთ. თანდაყოლილი ტაქტი და დიპლომატიური უნარები დაძაბულობის მოხსნაში დაგეხმარებათ. შესაძლოა, დაუგეგმავმა მოვლენამ ცოტა ხნით ყურადღება გაგიფანტოთ, მაგრამ საქმის ბოლომდე მიყვანას მაინც შეძლებთ. გირჩევთ, ცხოვრების წესში გარკვეული ცვლილებები შეიტანოთ და კვების რაციონის დაბალანსებასა და რეგულარული ვარჯიშის დაწყებაზე იზრუნოთ.
ტყუპები (22 მაისი - 21 ივნისი)
სამუშაო ადგილზე ახალი გამოწვევები გელით. ცდუნებები ყურადღებას გიფანტავთ: კოლეგებთან ერთად ყავის დალევა, სოციალური აქტივობები ან ახალი ჭორები გაიძულებთ, საქმეს მოწყდეთ და ყურადღება სხვაგან გადაიტანოთ. შესაძლოა, გეგმების შეცვლა მოგიწიოთ, მაგრამ არ ინერვიულოთ, ყველაფერი რაც ხდება, უკეთესობისკენაა. შესაძლოა, მარტოხელა ტყუპი საინტერესო ადამიანს შეხვდეს და თავდავიწყებით შეუყვარდეს.
კირჩხიბი (22 ივნისი - 22 ივლისი)
მოვლენებით დატვირთული დღეა. სავარაუდოდ, უსიამოვნო შეხვედრები და საუბრები გელით, რომლებსაც სიამოვნებით აიცილებდით თავიდან. გარშემომყოფები ძველ შეცდომებს გახსენებენ, რაც არც ისე სასიამოვნოა. ეცადეთ, წვრილმანების მიმართ მეტი ყურადღება გამოიჩინოთ - ის, რაც ახლა უმნიშვნელოდ გეჩვენებათ, მოგვიანებით შეიძლება მნიშვნელოვანი გახდეს. უახლოეს ხანებში დაუგეგმავი ხარჯები გელით, ამიტომ ეცადეთ, ფული ეკონომიურად ხარჯოთ.
ლომი (23 ივლისი - 23 აგვისტო)
სამსახურში პასუხისმგებლობას არ გაურბიხართ და ლიდერის უნარებს ავლენთ. საკუთარი თავის ელეგანტურად წარმოჩენის უნარი ყურადღების ცენტრში მოგაქცევთ. ამ დღეს თქვენს მომხიბვლელობას ვერავინ უძლებს. ეცადეთ, ამით ისარგებლოთ და კოლეგებს - დახმარება, მენეჯმენტს კი დასვენება სთხოვოთ. დაიმახსოვრეთ, რომ შეუსვენებლად მუშაობამ შეიძლება სტრესი და ჯანმრთელობის პრობლემები გამოიწვიოს.
ქალწული (24 აგვისტო - 23 სექტემბერი)
სამსახურში გარკვეული გამოწვევის წინაშე აღმოჩნდებით, რაც გაიძულებთ, კომფორტის ზონიდან გახვიდეთ. ხელსაყრელი დღეა განვლილი ცხოვრების შეფასებისა და მედიტაციისთვის. შესაძლოა, განმარტოება და საკუთარ ფიქრებთან მარტო დარჩენა მოგინდეთ, მაგრამ მოზღვავებული საქმეები ამის საშუალებას არ გაძლევთ. ეცადეთ, სურვილი რეალობას შეუფარდოთ. საღამოს შეგიძლიათ იოგით ისიამოვნოთ, რაც შინაგან სიმშვიდეს მოგიტანთ.
სასწორი (24 სექტემბერი - 23 ოქტომბერი)
მუშაობის დროს მხოლოდ საკუთარ თავს უნდა დაეყრდნოთ, რაც საკმაოდ რთულია, მაგრამ სწორად არჩეული სტრატეგია დავალებასთან გამკლავებაში დაგეხმარებათ. ზოგი სასწორისთვის დადებითი ცხოვრებისეული ცვლილებები დაიწყება - სავარაუდოდ, ისინი ოჯახურ ან სასიყვარულო ცხოვრებას ეხება. მარტოხელა სასწორს საინტერესო შეხვედრა ელის, ამიტომ უნდა ეცადოს, სახლის გარეთ რაც შეიძლება მეტი დრო გაატაროს.
მორიელი (24 ოქტომბერი - 22 ნოემბერი)
ძველი უთანხმოების მოგვარებას და სიმართლის გარკვევას ცდილობთ. მშვენიერი იდეაა, მაგრამ საუბრის შემდეგ ვიღაცას რადიკალური გადაწყვეტილებების მიღება მოუწევს, რისთვისაც მზად არ ხართ. თქვენი ცნობისმოყვარეობა იზრდება, ამიტომ ცდილობთ, მეტი ინფორმაცია მოიძიოთ. დაფიქრდით, იქნებ ოჯახს ან ახლობელ ადამიანს თქვენი ყურადღება აკლია. თუ ასეა, ეცადეთ, ეს დეფიციტი შეუვსოთ. მეგობრულ დახმარებაზე უარს ნუ იტყვით, როგორი უმნიშვნელოც არ უნდა მოგეჩვენოთ.
მშვილდოსანი (23 ნოემბერი - 21 დეკემბერი)
კოლეგების დახმარება უფრო თავდაჯერებულს გაგხდით. ოპტიმიზმი და შრომისმოყვარეობა თქვენ წინაშე მოულოდნელ შესაძლებლობებს გააჩენს. მთავარია, თქვენთვის უცნობ საქმეს არ შეეჭიდოთ და მოვლენები არ დააჩქაროთ. თუ მოთმინებას გამოიჩენთ, წარმოუდგენელ წარმატებას მიაღწევთ.
თხის რქა (22 დეკემბერი - 20 იანვარი)
პასუხისმგებლობა არა მხოლოდ სამსახურში, არამედ პირად ცხოვრებაშიც გახასიათებთ. ყველაფერს გააკეთებთ იმისთვის, რომ სხვისთვის მიცემული პირობა შეასრულოთ და ურთიერთობა სიყვარულით იყოს სავსე. ამ დღეს სამუშაო მეორეხარისხოვანი გახდება. ეცადეთ, ადამიანებს თქვენთვის მიყენებული წყენა აპატიოთ და უსამართლობა დაივიწყოთ.
მერწყული (21 იანვარი - 18 თებერვალი)
ამ დღეს სურვილებსა და რეალურად ცხოვრებას შორის არჩევანის გაკეთება მოგიწევთ - უნდა დასჯერდეთ იმას, რასაც ცხოვრება გთავაზობთ ან სასურველის ძებნა გააგრძელოთ და იმედი გქონდეთ, რომ ყველაფერი უკეთესობისკენ შეიცვლება. ამ დღეს უარი თქვით ხმაურიან წვეულებაზე და საღამო ოჯახთან ერთად, მშვიდ ატმოსფეროში გაატარეთ.
თევზები (19 თებერვალი - 20 მარტი)
ეს დღე ნაყოფიერი იქნება, თუ შემოქმედებითი საქმიანობისთვის დროს გამონახავთ. თუ პირად ან საქმიან ურთიერთობებში რაღაც არ მოგწონთ, ნუ ეცდებით, გარშემო მყოფებს საკუთარი აზრი მოახვიოთ, ამან შეიძლება დაპირისპირება გამოიწვიოს. კარგი დროა მოგზაურობის დასაგეგმად. თანამოაზრეებთან შეხვედრა სიამოვნებას მოგიტანთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
