,
♈ ვერძი (21 მარტი - 19 აპრილი)
დღის მოვლენები: დღე შეიძლება ნერვიულობით დაიწყოს, მაგრამ საღამოსთვის ყველაფერს ეშველება. გარშემომყოფებისგან ზედმეტ ყურადღებას ნუ ელოდები.
ოჯახი: ზოგჯერ ჯობს ნაკლები ილაპარაკო და მეტი მოისმინო, განსაკუთრებით ახლობლებთან.
ბიზნესი: თუ არარენტაბელურ საქმეს აჭიდებული ხარ, დროა, გადააფასო პრიორიტეტები.
სიყვარული: პარტნიორი მეტ სითბოს ელოდება, მაგრამ შენ საკუთარ თავთან ბრძოლა გაწუხებს.
კარიერა: ახალი გამოწვევები ჩნდება, რომელთა იგნორირება არ ღირს.
სამსახური: კოლეგებთან დაძაბულობა შეიძლება გაიზარდოს, მაგრამ შენი სიმშვიდე გადამწყვეტია.
♉ კურო (20 აპრილი - 20 მაისი)
დღის მოვლენები: სიმშვიდე შენს ფავორიტურ მდგომარეობად რჩება, მაგრამ მოვლენები გიბიძგებენ აქტიურობისკენ.
ოჯახი: ვინმეს მხარდაჭერა სჭირდება, ნუ გამოტოვებ ამ მომენტს.
ბიზნესი: კონკურენტული გარემო გიბიძგებს უფრო მკვეთრი ნაბიჯებისკენ.
სიყვარული: ზედმეტი ეჭვიანობა ურთიერთობას აფუჭებს – გაანალიზე რეალური ფაქტები.
კარიერა: კარგი დროა დამატებითი უნარების შესაძენად.
სამსახური: ხელმძღვანელობა შენს საქმისადმი მიდგომას აფასებს, მაგრამ მეტი ინიციატივა არ გაწყენდა.
♊ ტყუპები (21 მაისი - 20 ივნისი)
დღის მოვლენები: მოულოდნელი ინფორმაცია შეიძლება მთელი დღის გეგმები შეცვალოს.
ოჯახი: ოჯახური საკითხები ყურადღებას მოითხოვს – ნუ გადადებ.
ბიზნესი: გადაწყვეტილებები სწრაფად უნდა მიიღო, მაგრამ იმპულსურობამ არ უნდა გაჯობოს.
სიყვარული: ურთიერთობაში მეტი პირდაპირობაა საჭირო – ეჭვები არაფრის მომტანია.
კარიერა: კოლეგებთან ურთიერთობა მნიშვნელოვანი გახდება მომავალი წარმატებისთვის.
სამსახური: მოსალოდნელია ახალი დავალება, რომელიც პროფესიონალიზმს გამოამჟღავნებს.
♋ კირჩხიბი (21 ივნისი - 22 ივლისი)
დღის მოვლენები: ემოციური დღეა, მაგრამ თუ სწორად წარმართავ, სასიამოვნო იქნება.
ოჯახი: დროა გარკვეული საკითხები ნათლად და მშვიდად განიხილოთ.
ბიზნესი: მნიშვნელოვანი გარიგებები დღის ბოლოსკენ უფრო წარმატებული იქნება.
სიყვარული: ემოციური აფეთქებები ურთიერთობას ვერ გაამყარებს – ისწავლე გაწონასწორება.
კარიერა: პროფესიული განვითარების შანსი ჩნდება – არ გაუშვა ხელიდან.
სამსახური: თუ ხელმძღვანელთან პრობლემა გაქვს, მშვიდი საუბარი სჯობს კონფლიქტს.
♌ ლომი (23 ივლისი - 22 აგვისტო)
დღის მოვლენები: დღეს შენი მოთმინება გამოცდას გაივლის – არ აჰყვე პროვოკაციებს.
ოჯახი: ზოგჯერ დათმობა სიძლიერეს ნიშნავს, არა სისუსტეს.
ბიზნესი: მცირე რისკები შეიძლება მოულოდნელ მოგებად იქცეს.
სიყვარული: სიმართლის დროც მოვიდა – დაფიქრდი, რას ითხოვ რეალურად.
კარიერა: ახალი პროექტი შესაძლოა ბევრ ახალ კარს გაგიღოს.
სამსახური: სამუშაოსთან დაკავშირებული ცვლილებები მოსალოდნელია – იყავი მზად.
♍ ქალწული (23 აგვისტო - 22 სექტემბერი)
დღის მოვლენები: დეტალებში გადაჭარბებული ჩაღრმავება დაგღლის.
ოჯახი: ხანდახან წვრილმანების დათმობაც საჭიროა ოჯახურ სიმშვიდისთვის.
ბიზნესი: დაკვირვება და ანალიზი გიხსნის ბევრ პრობლემას.
სიყვარული: პარტნიორის ემოციების იგნორირებამ შეიძლება დისტანცია გააჩინოს.
კარიერა: დროა, საკუთარი შესაძლებლობების დემონსტრირება გააკეთო.
სამსახური: დამსაქმებელი შენს შრომას ხედავს, თუმცა დაწინაურებისთვის მეტი ძალისხმევაა საჭირო.
♎ სასწორი (23 სექტემბერი - 22 ოქტომბერი)
დღის მოვლენები: არაერთმნიშვნელოვანი ინფორმაცია შეიძლება დაგაბნიოს.
ოჯახი: დღეს შესაძლოა ჩხუბის თავიდან აცილება მოგიწიოს – მოთმინება გამოიჩინე.
ბიზნესი: ფინანსური გადაწყვეტილებები კარგად აწონ-დაწონე.
სიყვარული: პარტნიორს მეტი ყურადღება სჭირდება, ვიდრე გგონია.
კარიერა: საინტერესო წინადადება შეიძლება მიიღო, მაგრამ ნაჩქარევ გადაწყვეტილებას ნუ მიიღებ.
სამსახური: პატარა შეცდომები დიდ პრობლემებად არ უნდა აქციო.
♏ მორიელი (23 ოქტომბერი - 21 ნოემბერი)
დღის მოვლენები: ფრთხილად იყავი იმასთან, ვისაც ენდობი.
ოჯახი: ნუ წამოიჭრი ძველ პრობლემებზე, თუ მათი გადაჭრა არ შეგიძლია.
ბიზნესი: კონკურენცია იზრდება, მაგრამ შენი გამძლეობა გადამწყვეტი იქნება.
სიყვარული: ურთიერთობაში რაღაც ნიუანსების გადახედვა დაგჭირდება.
კარიერა: მოულოდნელი შესაძლებლობა შენს კარიერულ გეგმებს შეცვლის.
სამსახური: უფროსთან ურთიერთობა არ გაუარესო – მოზომილი სიტყვები გამოიყენე.
♐ მშვილდოსანი (22 ნოემბერი - 21 დეკემბერი)
დღის მოვლენები: ახალი პერსპექტივები დღის ბოლოს გამოჩნდება.
ოჯახი: ოჯახური გარემო მშვიდი იქნება, თუ თავად არ ააგდებ ქარიშხალს.
ბიზნესი: ახალი ინვესტიციები რისკიანია, მაგრამ ღირს დაფიქრება.
სიყვარული: პარტნიორის ნდობა ყველაზე მნიშვნელოვანი საკითხია.
კარიერა: ცვლილებები მოულოდნელად მოვა, მაგრამ შენს სასარგებლოდ.
სამსახური: მეტად ორგანიზებული თუ იქნები, შედეგები უკეთესი იქნება.
♑ თხის რქა (22 დეკემბერი - 19 იანვარი)
დღის მოვლენები: დღე ნელი ტემპით დაიწყება, მაგრამ მოგვიანებით აჩქარდება.
ოჯახი: ნათესავებთან სერიოზული საკითხების განხილვა მოგიწევს.
ბიზნესი: სტრატეგიული გეგმების გადახედვა მოგიწევს.
სიყვარული: მნიშვნელოვანი საუბარი გელოდება – მოემზადე.
კარიერა: დროა, გაბედული გადაწყვეტილება მიიღო.
სამსახური: მოთმინება შენთვის მთავარი იარაღი იქნება.
♒ მერწყული (20 იანვარი - 18 თებერვალი)
დღის მოვლენები: მოულოდნელი შეხვედრა ახალ პერსპექტივებს გაგიხსნის.
ოჯახი: სჯობს მეტი დრო გაატაროთ ახლობლებთან.
ბიზნესი: შემოსავლის ახალი წყარო შეიძლება გამოჩნდეს.
სიყვარული: პარტნიორისგან მეტად მოსალოდნელია მხარდაჭერა.
კარიერა: ახალი შესაძლებლობა კარიერულად გაზრდის შანსს გაძლევს.
სამსახური: ცვლილებებს ღიად შეხვდი – უკეთესობისკენ მიდიხარ.
♓ თევზები (19 თებერვალი - 20 მარტი)
დღის მოვლენები: ინტუიცია დღეს ყველაზე მნიშვნელოვანი ინსტრუმენტია.
ოჯახი: მეგობრული ურთიერთობები ოჯახის წევრებთან გაგიადვილებს დღის რიტმს.
ბიზნესი: ახალი პარტნიორობის შესაძლებლობა გაჩნდება.
სიყვარული: სენტიმენტები არ უნდა გახდეს დაბრკოლება.
კარიერა: მშვიდი და სტაბილური ზრდა ჯობს ნაჩქარევ გადაწყვეტილებებს.
სამსახური: შრომისმოყვარეობა შედეგს აუცილებლად მოგიტანს.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
