,
რას გვირჩევენ ვარსკვლავები 26 ივლისისთვის:
ვერძი (21 მარტი - 20 აპრილი)
გსურთ თუ არა, ამ დღეს მოვლენათა განვითარებას უნდა დაემორჩილოთ, რადგან მაინც ვერაფერს შეცვლით. შესაძლოა, ვიღაცამ ინიციატივა წაგართვათ ან, უბრალოდ, მოვლენებზე გავლენის მოხდენა ვერ შეძელით. ვარსკვლავები გირჩევენ, ბედს შეეგუოთ და დინებას მიჰყვეთ - ახლა ეს ყველაზე გონივრულია.
კურო (21 აპრილი - 21 მაისი)
მოულოდნელობებით სავსე დღეა, რომელიც საშუალებას გაძლევთ, ახალი ხერხების გამოყენებით მიზანს მიაღწიოთ. ხელსაყრელი დღეა თამამი ნაბიჯების გადადგმისთვის. საეჭვო პროექტებიც კი შეიძლება თქვენთვის სასურველი შედეგით დასრულდეს. გარდა ამისა, ძალიან ხელსაყრელი დღეა შეყვარებულებისთვის - ამ დღეს შეგიძლიათ პარტნიორი სასიამოვნოდ გააოცოთ.
ტყუპები (22 მაისი - 21 ივნისი)
თქვენი ლიდერული და ორგანიზაციული უნარებით გარშემო მყოფებს მიიზიდავთ. ახლა მათი მართვა უნდა შეძლოთ. სამსახურთან დაკავშირებულ საკითხებში მენეჯმენტისთვის საკუთარი უპირატესობის ჩვენებას შეძლებთ, რაც კარიერულ წინსვლაში დაგეხმარებათ. დღის მეორე ნახევარში შესაძლოა, ოჯახთან და მეგობრებთან ერთად, ბუნებაში მხიარული წვეულება მოაწყოთ.
კირჩხიბი (22 ივნისი - 22 ივლისი)
ვარსკვლავები სიურპრიზებისა და აღმოჩენების დღეს გპირდებიან! მოვლენების განვითარებამ შეიძლება რამე საკითხზე აზრის შეცვლა გაიძულოთ. გამორიცხული არ არის, კარგად ნაცნობ ადამიანში სრულიად ახალი თვისებები აღმოაჩინოთ ან თავად გააკეთოთ ისეთი რამ, რასაც თქვენგან არავინ ელოდა. ისე, ცხოვრება ბევრად უფრო საინტერესოა, ვიდრე ჩვენი წარმოგვიდგენია და დღეს საშუალება გექნებათ, რომ ამაში დარწმუნდეთ.
ლომი (23 ივლისი - 23 აგვისტო)
თქვენს ცხოვრებაში მოსალოდნელია მოვლენები და სიახლეები, რომლებსაც ბევრი რამის შეცვლა შეუძლიათ. ეს შეიძლება იყოს შეხვედრა, მოგზაურობა, გაცნობა ან ახალი სამსახურის შეთავაზება. ვარსკვლავები გაფრთხილებენ, რომ სიტუაცია თვითდინებაზე არ მიუშვათ და ნებისმიერ საკითხში კარგად გაცნობიერებული გადაწყვეტილება მიიღოთ.
ქალწული (24 აგვისტო - 23 სექტემბერი)
ამ დღეს როგორი გადაწყვეტილებაც არ უნდა მიიღოთ, ლოგიკის ნაცვლად, ინტუიციით იხელმძღვანელებთ. ვარსკვლავები გირჩევენ, ყურადღებით უსმინოთ შინაგან ხმას - ეს სიტუაციის გააზრებაში დაგეხმარებათ. ყურადღებით იყავით და არ გამოტოვოთ წამი, როდესაც ბედი მზად იქნება, სასიამოვნო სიურპრიზი გაგიკეთოთ.
სასწორი (24 სექტემბერი - 23 ოქტომბერი)
საყვარელ ადამიანთან ურთიერთობაში შეიძლება დაძაბულობა წარმოიშვას. ვარსკვლავები გირჩევენ, მომხდარის დადებითი და უარყოფითი მხარეები კარგად შეაფასოთ - იქნებ, ადამიანების მიმართ ზედმეტად მომთხოვნი ხართ? იქნებ ბუზიდან სპილოს ქმნით?
მორიელი (24 ოქტომბერი - 22 ნოემბერი)
ვარსკვლავები გირჩევენ, თავისუფალი დრო გაატაროთ იქ, სადაც ცხოვრება ჩქეფს და ბევრი მხიარულებაა. სად წახვალთ თქვენს გემოვნებაზეა დამოკიდებული, მთავარია, სახლში არ ჩაიკეტოთ, რადგან გარეთ გასული ახალ შესაძლებლობას აღმოაჩენთ. კომუნიკაბელურობა დაგეხმარებათ, რომ თქვენი საუკეთესო თვისებები წარმოაჩინოთ და საჭირო ადამიანებთან კავშირი დაამყაროთ.
მშვილდოსანი (23 ნოემბერი - 21 დეკემბერი)
ვარსკვლავები გირჩევენ, რომ ეს დღე საკუთარ თავს, ასევე ოჯახს და მეგობრებს მიუძღვნათ. ხანმოკლე მოგზაურობა კარგად ჩაივლის - სასიამოვნო შთაბეჭდილებების გარდა, შეიძლება მოგებიანი შესყიდვა განახორციელოთ ან საინტერესო შეთანხმებას მიაღწიოთ.
თხის რქა (22 დეკემბერი - 20 იანვარი)
ამ დღეს შეიძლება რთული გადაწყვეტილების მიღება მარტო მოგიწიოთ. დაბრკოლების გადალახვას და მიზნის მიღწევას ადვილად შეძლებთ. გახსოვდეთ, რომ თქვენს პრობლემებს თქვენზე უკეთ ვერავინ გაუმკლავდება. დღეს ფულთან დაკავშირებულ ნებისმიერ საკითხსაც სწრაფად და სწორად მოაგვარებთ.
მერწყული (21 იანვარი - 18 თებერვალი)
ფინანსური მდგომარეობა ნელ-ნელა გაუმჯობესდება. შესაძლოა, დღის განმავლობაში საინტერესო შეთავაზება მიიღოთ ან დიდი ხნის წინ დავიწყებული ვალი დაგიბრუნონ. გირჩევთ, ნებისმიერი ფინანსური იდეა ყურადღებით განიხილოთ, თუნდაც ერთი შეხედვით უცნაურად მოგეჩვენოთ.
თევზები (19 თებერვალი - 20 მარტი)
დილიდან ცვალებად განწყობაზე ხართ და ემოციების კონტროლი გიჭირთ. თუ წინდახედულობას არ გამოიჩენთ და ემოციების გავლენით იმოქმედებთ, შესაძლოა, საკუთარ თავს პრობლემები შეუქმნათ. ახლობლებს თქვენი არ ესმით, მაგრამ, გაღიზიანების ნაცვლად, ეცადეთ, კრიტიკა მშვიდად მიიღოთ და გასაგებად აუხსნათ, რისი გაკეთება გსურთ და რატომ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
